|
استفسار سريع تكفون بخصوص الشراء من امريكا السلام عليكم حاب أكلم أحد الاصدقاء بأمريكا يشتري لي سجائر (دخان) ويشحنها لي على السعودية عن طريقة أحد شركات الشحن (طبعا اكيد بتكون الكمية المسموح بها للشخص الواحد) ولكن سمعت بأن الاسعار تختلف من ولاية لولاية من حيث الضريبة بالتالي زيادة سعر السلعة من ولاية لاخرى هل هذه المعلومة صحيحة ؟ استفساري؛ 1- وإذا كانت صحيحة فماهي الولاية الأنسب والأرخص للشراء 2- ماهي أفضل طريقة للشحن وماهي افضل شركة أرجوا الإفادة ممن لدية المعلومة .. مع فائق الشكر والتقدير لكم |
اخوي لايسمح بشراء الدخان عن طريق مواقع التسوق اون لاين جمارك السعودية لاتسمح بدخولها لو تم شرائها وشحنها عن طريق صديق راح تحجز الشحنة وبعدها اما تدفع ضرائب مدبله بمعني لو شريت كرز مارلبورو بسعر 50 دولار هنا راح تدفع 250 ريال كسعر الكرز بالسعودية وربما تصدر ولايسمح بدخولها لو جبتها انت على رحلة من اي بلد مسموح لك كرز وغالباً يمشون اثنين واذا زاد عدد الاكراز عن 2 تحجز ويبقى عندك خيارين بعد الحجز الاول تدفع الضريبة كاملة وتقريبا نفس تكلفة سعر الكرز هنا الثاني في حالة طلبت تصديرها تحضر تذكرة حجز مؤكد على نفس البلد اللي جيت منه وقبلها بـ48 ساعه تبلغهم وتعطيهم التذكرة المؤكده وهم يجيبون لك الدخان عند بوابة الطائرة وقت الرحلة وتاخذه معاك اذا ما راجعتهم بعد الحجز بفتره اعتقد لا تتجاوز 6 اشهر تتلف اي سعله وبعضها تدخل في مزاد ع حسب السلعه ايش هيا:23: |
الله يعطيك الف عافية اخوي فارس وشاكر ومقدر اهتمامك وسرعة تجاوبك وردك ياغالي طيب خلينا على النقطة الثانية لأنها هي الطريقة اللي احتاجها فقط اللي هي بخلي صديق يشتري ويشحن سؤالي هنا هل فعلا صحيح مثل ماسمعت السعر والضرائب على السلع تختلف من ولاية لولاية بأمريكا ؟ بمعنى هل صحيح مثلا سعر الدخان بواشنطن يختلف عن نيورك ؟ إذا كان صحيح فماهي الولاية الأقل سعر والانسب للشراء ؟ اسف على الازعاج واعتذر على الاطالة لاهنت اخوي |
أخي الفاضل SNAP ... في الولايات المتحدة الأمريكية الضرائب مفروضة على جميع منتجات التبغ و مشتقاتها لذا أتوقع لن تجد ولاية بدون ضرائب .. فمنذ العام 2002 و الضرائب على السجائر في أرتفاع لأنهم يعتبرون السجائر السبب الأول للوفيات لذا زادت الضريبة ما بين 0.08 سنت إلى 1.5 دولار ... |
يعطيك العافية اخوي ابو معتز وماقصرت |
أخوي SNAP ... فيه ولايات لا تفرض ضرائب على المبيعات و هذه الولايات هي: أرويزونا - أوريغون - الأسكا - ديلور - مقاطعة كولومبيا - جورجيا - هاواي - إيداهو ميريلاند - ماين - نيفادا - نيو مكسيكو طبعاً تختلف حسب السلع بحث فيه ضريبة عامة و فيه ضريبة محلية يعني الولاية اللى ما فيها ضريبة عامة تحصل ضريبة محلية و أتمنى أن شاء الله يجي أحد الأخوان اللمقيمين في أمريكا و يفيدنا بالمعلومة .. |
إن شاء اخوي ابو متعز أحد يفيدنا وماقصرت انت وبقية الاخوان الكرام اللي شاركونا بالردود الله يعطيكم العافية |
والله ما عندي خلفية عن الاسعار واختلاف الضرائب بين الولايات في امريكا ان شاء الله يجي عضو ويفيدك بس عن رأيي انا لا انصح بشراء الدخان من خارج البلد وشحنه من احد الاصدقاء ربما يُصدر مره اخرى للبلد اللي جاء منه او يتصادر عليك وممكن تدفع ضرائب عالية وهالكلام غير مؤكد اما لو شخص بيجيبه معاه على الرحلة ممكن يدخل بطريقه او باخرى حتى لو الكمية كثيره >> ضبط وضعك ويدخل :32: |
| الساعة الآن 01:42 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO