|
طريقة استئجار السياره في كاليفورنيا السلام عليكم ورحمة الله وبركاته ابي فزعتكم عن طريقة استئجار السياره في مطار لوس انجلوس وتكون افضل واجود وارخص شركات موجوده وهل هي في نفس المطار او اخذ تاكسي دلوني على الطريقه لان معايا اطفال وما ابيهم يتعبون تكفيهم طول الرحله دمتم بود 🌹🌹 |
عليكم السلام مكاتب الإستئجار موجودة غالبا في المطارات وإن كانت في مبنى منفصل في بعض المطارات فيوفرون شتل ياخذك من نقطة التجمع عند باب الخروج مع عفشك وينزلك لين المكتب مجانا .. مكاتب الترجيع تكون بعيدة شوي عن المطار وفي شتل ياخذك بعفشك يوديك انتواسرتك وعفشك من مكتب الترجيع للمطار مجانا أنصحك بالإيجار عن طريق النت أرخص وأضمن وجود السيارة بالعدد المناسب لأسرتك والمواقع تختلف مافي مكتب معين دايما هو الرخيص فيأسعار متفاوتة تختلف باختلاف السوق والموسم عندك آلامو-ناشيونال-ثيرفتي-آفيس- هيرتز....الخ وفي مواقع وسيطة مثل هالموقع هالموقع أنا معتمدته Car RENTALS بالتوفيق |
السلام عليكم و رحمة الله و بركاته .. ما قصرت أختي قطرية كول .. أعطتك فكرة عن أستئجار السيارات في أمريكا و لوس أنجلوس بالتحديد ... حبيت أضيف بأن مكاتب التأجير في مطار LA خارج المطار و مثل ما تفضلت أختي قطرية فيه شتل يأخذونك إلى موقع مكاتب التأجير ... من ناحية موضوع أفضل و أجود وأرخص .. هذي معادلة صعبة و لكن نصيحة تعامل مع الشركات المعروفة و أشهرها في أمريكا كافة شركتي Alamo و شركة National و للمعلومية هما شركة وحده و لكن قسم العمل تحت مسمين سياسة للشركة .. و أنصح تسجل عضوية في أي منهما و تجرب تحجز و بتلاقي أختلاف الأسعار و الميزات و في الغالب يمنحون ترقية لفئة السيارة للفئة الأعلى بدون مقابل في حال عدم جاهزية السيارة المطلوبة أن توفرها ... و نصيحة أخ .. أحرص على أخذ التأمين الشامل مهما كلف لأنه بعد الله حماية لك عن الكثير من الأشكاليات .. و فيه رسوم المساعدة على الطريق للطؤاري اتوقع 3 دولار باليوم أو أقل أضفها للعقد حتى لو لم تحتاجها لأن النظام لو أحتجت لإي مساعدة على الطريق ستدفع قيمتها لأنه لا تشمل في التأمين ... بالتوفيق .... |
اقتباس:
ماقصر خبيرنا بو معتز كفى ووفى ...وإضافة على كلامه ونصيحته الرائعة إنك تاخذ تأمين شامل مهما كلف وهو يكلف كثير :25: خذ التأمين الشامل من المكتب عند كتابة العقد وخذ معاه جهاز رسوم الطريق لاتنسى لأن غرامته كبيرة لو ما أخذته وكله ينسحب بدون شورك من بطاقة الفيزا من خلال دائرة مرور الولاية بس حذار من أخذ التأمين من خلال النت كله كذب وضياع فلوس على الفاضي ومايعترفون به هناك مايعترفون إلا بتأمين شركتهم.. هذي بعض النصايح لك كمسافر ومستأجر للسيارة للمرة الأولى .. سفرة موفقة:e303: |
شف sixt مسوين عروض بطلة وخصومات على السعر وسعر التامين بمطار لوس انجلوس بالاضافة فيه 4 فروع خارج المطار السعر ارخص بكثير لي فترة ادور وبصراحة عرض سكست حق الشتاء افضل عرض |
ماانصحك من المطار نفسه تستأجر سيارة المبلغ بيكون اعلى لكن من داخل الديره ارخص وافضل عندك شركة Almo ممتازه وعن تجربة |
الله يعطيك العافيه طيب بكم تقريباً اجارها باليوم ثلاث كبار وطفلين مع كل شي التامين والباقي كله |
اقتباس:
أخوي أبو محمد .. تأجير السيارات في كل الدول حسب فئة السيارة و تصنيفها هل هي سيارة فاخرة أو أفتصادية أو عائلية ... بالنسبة لكم أفضل شئ سيارة ميني فان عائلية و سعرها مناسب و مريحة فيها 3 صفوف مراتب و تشيل إلى عدد 5 حقائب ... صورة مشابهة للفئة المقصودة .. https://www.arabtrvl.com/up/uploads/...4762823281.jpg |
انا استأجرت موستنغ كشف لمدة 17 يوم ب 310 دولار |
اقتباس:
ما شاء الله أخوي فارس .. سعر رائع هل كان التأمين شامل (التحمل 0.00)؟ |
| الساعة الآن 05:34 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO