|
افضل شركه لتاجير السيارات السلام عليكم .. حابه اعرف احسن شركه لتاجير السيارات في مطار لوس انجلس وهل شركه دولار للتاجير ممتازه او لا |
دولار ممتازة جربتها اكثر من مرة عندك انتربرايز - هرتز - افيس - بدجت - ناتشيونال احجز من الشركات نفسها بدون وسيط |
انا حجزت دولار من موقع rentalcars نفسه تبع البوكنق لانه شفت الاسعسار ارخص من الموقع نفسه هل تفرق لو حجزت من الشركه نفسها لانه الحجز ممكن يتكنسل مافي مشكله |
اهم شي ماخذت تامين من الشركة الوسيطة الافضل اضافته من شركة التاجير |
و عليكم السلام و رحمة الله و بركاته .. من خلال تجريتي لأكثر من مرة في أمريكا .. شركة Alamo أو National هم الأفضل من حيث الخدمة و السعر و الأهتمام بالعميل .. المهم سجل عضوية في موقع الشركة و بعدها أبحث و بتلاقي السعر قريب جداً من نفس الأسعار أو أقل من المواقع الوسيطة .. و الميزة الأهم أنهم يعطون أحياناً ترقية مجانية لفئة السيارة .. و التغطية التأمينة أفضل دائماً ... نصيحة .. عند أستئجار السيارة خذ من الشركة جهاز الـ ToolPass حق البوابات الألكترونية علشان ما توقف كل مره و تدفع بالهلل اللى في الغالب ما يكون جاهز معاك .. ميزة الجهاز بعد ما ترجع السيارة يخصم المبلغ من بطاقة الفيزا .. بالتوفيق |
مشكورين اخواااني عالمعلوومات ماقصرتوووو .. |
في احد جرب شركة Thrifty ؟ انا حاجز عن طريقها ولاحظت ان تقييهم ممتاز ف حبيت اتأكد |
اقتباس:
تبي الحقيقة ؟؟ غلط نقيم شركة من تجربة وحدة :e021: فالشركات نفسها تختلف من دولة إلى أخرى بل من فرع إلى فرع داخل نفس الدولة..ومن ولاية إلى أخرى ..وهكذا وهذا لا يعتمد على سياسة الشركة فعند الحجز تكون قريت السياسة ووافقت عليها وقريت التقييم وكان مرتفع بس أحيانا تتفاجأ بسوء معاملة أو عنصرية أو استغلال أو نصب أو ....الخ وهذا ليس للشركة يد فيه بل يعتمد على الموظف بالفرع اللي استأجرت منه ..والموضوع كله توفيق من رب العالمين.. لو بتاخذ على الآراء كل من بيقولك راي مختلف نابع من تجربته الشخصية يا بيطيره في السما يا بيقطه في الأرض فعلى سبيل المثال أنا رايي من تجربة لي معاهم الصيف الماضي إنهم أسوأ شركة تأجير تعاملت معاها في حياتي السياحية .. فقد استأجرت سيارة من فرعهم بنيويورك وكان الفرع كله موظفات (ماكان فيه موظفين) قمة في العنصرية والسوء وضيعوا وقتنا يسولفون مع بعض ويضحكون ويتركون المكتب ويدخلون يسوون لهم شاي ويرجعون وأحنا واقفين ننتظرهم..وأعطونا سيارة مختلفة عن حجزنا وطلعوا معانا يلحقوننا يشوفون عدد شنطنا ويتضحكون أن عفشنا كثير وعفشنا بالضبط على عددنا كنا عيلة كبيرة وما طلبنا منهم يساعدوونا فيه أحنا متكفلين فيه ويوم أصرينا على نفس السيارة قالوا مش موجودة وهذه من نفس الفئة تبون ترقية لفئة أعلى بنعمل لكم خصم وادفعوا 600 دولار ما ادري كيف حسبوها .. بس اضطرينا نقبل فيها عشان اعجبتنا وبعدين سألناهم عن جهاز الضرائب الخاصة بالطريق وسألوننا وين رايحين وعلمناهم بالمناطق اللي بنزورها قالوا لا مالكم فيه ماراح تحتاجونه وعقب بسبب أنه ما فعلوه في السيارة صارت علينا غرامات وبلاوي .. ودفعنا مبلغ وقدره لهالمكتب غير المبلغ اللي كنا حاجزين فيه بسبب الضرايب والتامين والغرامات والبلاوي.. باختصار لو باحكم على الشركة من هذا الفرع السيء باقولك تحمل منهم وكنسل حجزك بس من خبرتي السياحية عرفت أن كل فرع مختلف عن الاخر وحرام نظلم شركة كاملة بسبب أحد موظفيها في أحد فروعها سبب لنا مشكلة ما.. هذا رأيي وسفرة موفقة يارب:e01d: |
أتفق مع الأخت قطرية كول في مسألة التقييم فالشركات تختلف فيها المعاملة من فرع إلى فرع و من ولاية إلى ولاية ... |
انا ولله الحمد استقريت فالنهايه على شركه Almo من مطار كاليفورنيا بسبب انه التقيمات في شركه دولار ماكانت ممتازه وماكان فرق كثير بالسعر بين الشركتين فققرت ادفع ٢٠٠ دولار زياده واريح راسي |
اقتباس:
و للمعلومية شركة Alamo و شركة National في الأساس هم شركة أدراتها وحده بس تعمل تحت أسمين مختلفين بالتوفيق يا رب |
| الساعة الآن 08:15 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO