|
رحله دراسيه للاولاد وسياحه للعائله السلام عليكم ورحمة الله تحيه طيبه لاعضاء المنتدى الرائع باذن الله ناوين بعد انتهاء اختبارات الاولاد نسافر الى امريكا وهي ليست الزياره الاولى لها لكن هذه المره احببنا ان ندمج تعليم لغه للاولاد مع السياحه من خبرة اعضاء المنتدى نريد معهد يكون تعليمه للغه ممتاز وترشحون اي مدينه للسكن افضل اسكن في بيت عائلي يكون في مدينه فيها المعهد وفعاليات لباقي افراد العائله وتكون باقي المدن مثل نيويورك وواورلاندو لها زياره ايام ونعود مده اقامتنا باذن الله شهرين الميزانيه متوسطه افضل ولايات الشرق والشمال |
الرجاء من الاخ ابو غسان والاخوه اللذين سبق وزارو امريكا وجربو دراسه اللغه هناك افادتي لكي استعد مبكرا |
وعليكم السلام هلا يا غالي الافضل تشيك على airbnb للسكن لأن أماكن السكن بامريكا تعتمد على التأجير طويل المدى أقل شي 6 أشهر بعقد ملزم طبعاً لوس انجلوس واللي حولها غالية بالسكن والمعاهد اشوف اورلاندو مناسبة للدراسة والسكن لأن اسعارها مناسبة هل في بالك مدينة اخرى ؟ المعهد تقريباً 1000 دولار بالشهر اذا 6 أشهر فما فوق أقل من كذا أعتقد يرفعوا السعر |
جزاك الله خير ابو غسان اورلاندو بتكون حاره في الصيف عندك خلفيه عن بوسطن في الشمال الشرقي 1000 دولار للمعهد مناسبه باذن الله |
مساء الخير شكله ما احد ناوي يزور امريكا هذي السنه كل شويه افتح اشوف الردوود وانصدم لكن لسا عندي امل في الاعضاء اللي لهم خبره في امريكا سمعت عن معهد في جامعه كليفلاند قالو قوي من ناحيه الدراسه كيف كليفلاند شفت موقعهاحسيته مناسب في الصيف طيب كيف اسجل لولدي في المعهد وكيف السكن والمواصلات فيها وهل صحيح انه المعاهد التابعه للجامعات تكون اقوى من المعاهد التجاريه |
اقتباس:
مساء النور أخ سالم لا والله في كثير أعضاء ناويين يزورون أمريكا هذا الصيف من الاستفسارات الموضحة بالبوابة بس الزيارات تكون سياحية في المقام الأول وسؤالك عن المعاهد والدراسة الصيفية للغة وصعب نجاوبك بشئ مب من خبرتنا فيه.. بس ممكن تزور التقارير بالبوابة وستجد بعض الأشارات عن موضوع الدراسة ولكنها قليلة عندك تقرير آخر فرصة اللي ما أدري متى بنشوف حلقة جديدة منه كاتب بو غسان أنه الصيفية الماضية سجل ابنه لدراسة اللغة في مدينة سنسناتي في ولاية كليفلاند.. اطلع على التقرير وبتستفيد إن شاء الله |
اقتباس:
السلام عليكم و رحمة الله و بركاته .. حياك الله أخوي سالم .. و الله الزيارات اللى نقوم فيها إلى أمريكا في المقام الأول تكون بغرض السياحة و قلة من يكون لهم ترتيبات تتعلم بالدراسة و لكن لا تذكر تجاربهم هنا .. "من وجهة نظري .. أعتقد أن ربط الرحلة في غرضين "السياحة و الدراسة" فيها تعارض قد لا يتناسب نظراً كون دراسة أحد أفراد الأسرة تتسب في جعل البقية مرتبطين ببرنامج محدد طوال الفترة .. بالتوفيق ... |
يعطيكم العافيه جميعا شكرا لتفاعلكم وباذن الله احقق الهدفين واجي اكتب لكم التقرير هنا خساره اني في رحلتي الاولى لامريكا ماكنت معاكم في هذا المنتدى الجميل والمفيد |
| الساعة الآن 03:34 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO