|
سؤال للخبراء ( فضول فقط وعصف ذهني لا اكثر ) ايها المسافرون الجميلين ايتها المسافرات الماجدات ايها الشعب الكريم :7: السفر لامريكا لاشك انه تاج السفرات لاهل السفر والترحال ووجهه كبيره ومتنوعه وغنيه ولاجو منها ياخذون سنتين وهم يذكرونها لكن المتطلع للخارطه ( من امثالي اللي ماراحو امريكا) يرى دول عديده ومساحات شاسعه وجغرافيا متنوعه ( الولايات المتحده اقصد ) طيب لو اراد مسلم بالغ عاقل حر ذكر مدرك معه جواز ان يسافر لامريكا 20 يوم مثلا واراد ان يزور 4 مدن ( او مناطق ) ويتجول فيها ونقدر نقول بعدها ان شاف ( أحسن مافي امريكا ) فأين يذهب برأيكم (أسماء المدن او الولايات اللي تعتبر الافضل ) |
انا الان اقرا تقرير بن قوت لامريكا والصراحه انه مشوق جدا |
اقتباس:
|
ياهلا بك اذا محدود ب4 مدن فالاختيار صعب جدا ,, من وجة نظري المتواضعه ارتب لك افضل مدن امريكا من ناحية الطبيعه + الطقس + البرامج الترفيهيه + من باب تجربتي في المدن 1- اولاندو ( عجبني فيها جوها الغير بارد والغير حار + مليانه برامج ترفيهيه تنسى شي اسمه ملل + جمال طبيعه في الغيوم والبحيرات + معروفه بالالقيترز "تمساح متطور" + سعر الضيبي حلو الانسب) 2- نيويورك ( حلوه بالصيف لان جوها غير حار وجميل جدا + طبيعة المباني والعراقه المعمارية القديمه والحديثه + جميله للتسوق + عروض البرودواي جميله ) 3- لاس فيقاس ( افضل وقت يكون اي وقت غير الصيف حتى يكون جوها جميل + اعشق العروض المسرحية فيها روووعه والافضل على العالم + البرامج الترفيهيه غريبه وتجارب غير عن المؤلوف مثل قراند كانيون و تجربة الحفر باستخدام شاحنة الحفر او سياقة سيارات السرعه وووو ) 4- ميامي ( نسخة من جو اولاندو + الاستمتاع الكامل في الاجواء الساحلية والمحيط الخلاب خصوصا شارع الاوشن درايف وشارع لنكلن رود + جميله بالاوتلت ) 5- لوس انجلوس (طقس فيها جميل بالصيف + مشكلتها زحمه السيارات وكانك بالخليج + شوي البرامج الترفيهيه بين كل واحد والثاني مشوار ساعه + حلوه من ناحية مناطقها وشواطئها منظمه وجميله ) 6- سياتل ( لعشاق الطبيعة هنا يكمن مربط الفرس + فيها الكثير من البرامج والمصانع ) 7- بافلو نيويورك ( تستحق الزياره اذا كنت من عشاق الطبيعه لوجود شلاالات نياقرا قريبه منها) 8- سان فرانسيسكو ( للامانه لم اجد فيها ماستحق الذكر كثيرا اكثر مدينه يسكن فيها المثليين + اغلى مدينه في امريكا + لايوجد فيها الكثير للمشاهده يونيون سكوير حي مافيه من من الكثير و قولدن غيت مجرد جسر مثل بروكلن برج وبروكلن احلى فيه حركه ومشي وسياكل ... الشيئ الوحيد اللي عجبني في المدينه هو الكيبل كار "باص" وطريقة المدينه انها مرتفعه ونازله الشوارع ليست على مستوى واحد) ولكل شخص رأية الخاص شكرا لك |
يابولجين قلقصتنا في هالسؤال 🤣🤣🤣 والله احترت مادري من احط اول وثاني واللي بعده 1- هاواي ( جو مختلف وعالم وطبيعه ثانيه ) 2- بقول كاليفورنيا ( وبجمع لوس انجلوس مع فيغاس ) نفس الاسباب اللي ذكرهم عاشق امريكا 3- بقول فلوريدا ( وبجمع اورلاندو مع ميامي ) ونفس الاسباب وخصوصا السفر اذا كان في ديسمبر الاجواء خيال 4- نيويووووورك اااااخ ام الدنيا بالمختصر المفيد .. وعندك اوتاوا ناشفيل وسموكي ماونتن وشيكاغو بما انك قلقصتنا هذا اللي طلع معاي حاليا ولا في بعد قائمه ما خلصت |
السلام عليكم و رحمة الله و بركاته … يا حيي الله أبو لجين … شف انا ما أصلح أوصف لك امريكا لأني من عشاقها ولو بتقول أني بحدد لك أفضل 4 مدن فبكون ظلمت مئات المدن في أمريكا … أمريكا قارة لوحدها و كل ولاياتها الـ 55 تتميز عن الأخرى باشياء تشجع الواحد فنه يزورها اذا تبي تكتشف أمريكا أستأجر سيارة و حق القارمن قدامك و حدد الوجهات و بتشوف أماكن لا تقاوم ..!! أحد رحلاتي عام 2018 أنطلقت بالسيارة من نيويورك و عدت لها بعد قضاء قرابة 45 يوم متنقل بين ولايات أمريكا.. و كتبت تقرير عن الرحلة تجده في بوابة أمريكا هذا العام أيضاً قضيت أكثر من شهر في فلوريدا و لم أتنقل كالمعتاد و لكني أستمتعت بالرحلة .. تبي الجد .. ” أمريكا و بس” Sent from my iPhone using Tapatalk |
مساكم الله بالخير .. والله ماشالله عليكم طلعوا الخبراء .. اثر عندنا هوامير سفر وحنا نناقش (الدول الفسفس دائم ) :25: اما بعد فيبدو على ماذكرتوا ان امريكا صعب حصر المناطق السياحيه فيها ومن سردكم يبدو ان الامر لاتكفيه زياره ولو كانت شهر وانما يحاول الواحد يضبط له جدول يشوف جزء مهم كالعاصمه وماحولها او ربما وجهه او وجهتين اخرى شهيره المشكله يااصدقائي في الزمن هذا ووسط الاعمال والعائله من يملك شهر كامل او اكثر ليقضيه في اجازه بعيده تحياتي لكم ومازلنا نستفيد منكم .. وللعلم فان هذا الموضوع برأي كما انتم في المواضيع الاخرى مميز ويعد مرجع لمن اراد ان ياخذ افكار اوليه |
ابو معتز .. انت طلعت خبير ماشالله .. سياحه ( ضرب الخطوط بالسياره وش وضعها هناك ) كيف اسعار الوقود .. وهل الطرق امنه ليلا .. هل مر عليك اشياء مزعجه اثناء تنقلاتك بين المدن بالسياره .. سولف علينا لافضيت |
الأخوان الله يجزاهم خير ماقصروا و مازلنا نستفيد منهم الكثير , شخصيا انا ( اعوذ بالله من كلمة انا ) متعصب و متحيز جدا جدا جدا للمعشوقة اورلاندو , مدينة لايمل منها ابدا |
اقتباس:
بصراحة من خلال تجارب شخصية في أمريكا و رغم تعدد زياراتي لها إلا أني أرى من يخطط لزيارة أمريكا لابد أن يكون تخطيطه على أعتبار المدة لا تقل عن شهر أو أكثر (وجهة نظر) 15 يوم - 20 يوم ماش أحسها قليلة إلا أن كان الشخص مسافر لهدف محدد و أضاف له أيام قلائل للترفية ... أبو لجين .. أنت أذا عزمت و عقدت النية أن شاء الله أبشر بالجدول .. و شرط عقبها كل سنة بتصير محزم شناطك و على أمريكا (المهم لا تأخذ شنطة بنية) :24::24::24: |
| الساعة الآن 02:46 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO