|
السفر لامريكا …. خبراء السفر افزعوا لي قبل اتوهق السلام عليكم جميعاً .. مخطط السفر لامريكا ان شاء الله ببدايه السنه الجديده احنا اثنين شباب وقررنا نروح اورلاندو ويمكن ميامي ماخططنا بالضبط لانو لسا بدري لكن الي مخلينا نتردد انو سمعه امريكا مو كويسه من عنصريه وتردي الامان والمعيشه ونظافه الاكل فمحتاج نصايحكم وتجاربكم ( الجديده ) هل فعلاً هذا الي حاصل |
و عليكم السلام و رحمة الله و بركاته … حياك الله Abdrhman … "إذا سمعة أمريكا عندك مثل ما وصفت ليه تفكر فيها :13:" و الله رحنا لأمريكا كثير أنا و عائلتي و من فضل الله ما سبق أن شفنا أي نوع من الأشياء اللى ذكرت نهائياً الأمان و الحمد لله كل أحد في حاله المهم انت لا تعرض نفسك للمشاكل و انت تسلم لا تذهب للأماكن المشبوهة خصوصاً بالليل و انت بأمان العنصرية .. ما سبق أحد تعتصر علينا أو تكلم معانا بأي لفظ عنصري و أن حصل لا تدخل معه أحد في جدال الأكل و الله نأكل في كل مكان و نشاهد النظافة أمامنا حتى عربات الفود ترك في مانهاتن بنيويورك أكلنا منها و أكلهم نظيف أخر زيارة لنا في أمريكا كانت صيف العام الماضي 2021 قضيت مع عائلتي شهر و نصف في أورلاندو ان كنت معزم لا يردك الكلام اللى يقال من أشخاص ما عمرهم زاروا أمريكا و لا شافوها بس متأثرين بأفلام الأكشن |
اقتباس:
شكرا عل الرد السريع … انا كنت مرتب اموري للسفر قبل مصيبه كورونا ولكن قدر الله وماشاء فعل … وامريكا صراحه حلمي ازورها لكن الاعلام يخوف وكمان فيه محلل سياسي كويتي مشهور عل السناب كان فيها قبل فتره يذمها بشكل يخرع وهذا الي خلاني اتردد |
اقتباس:
و الله من عام 2014 و أنا أروح لها و لا عمرنا تعرضنا لشئ الحمد لله و أذا بتابع الأعلام و مشاهير الفلس و الناس الناقمة و اللى تتكلم بما لا تعي أو يكون عندهم مشاكل و عقد نفسية من أماكن و بلدان معينة ترا و الله بتتعب … و المعروف بأن ليس من سمع كمن رأى .. و إذا بتسمع شوري رتب أمورك و طلع الفيزا و الحين بعد صارت 10 سنوات و الله أن تصير كل أجازة بأمريكا … صدقني و الله أن أمريكا بلد كل العالم فيها و تبهرك من الوهلة الأولى |
اقتباس:
|
اقتباس:
|
توكل على الله و زورها رحله سعيدة |
اقتباس:
توكل على الله و أعقد العزم .. و أن شاء الله بتشوف عالم مختلف المهم .. لا تعلم اللى قالوا لك: "أن سمعه امريكا مو كويسه من عنصريه وتردي الامان والمعيشه ونظافه الاكل" موفق أن شاء الله |
حياك الله اخ عبدالرحمن ذبحتنا كلمة يقولون ترى هذي تجارب ناس اقحم نفسة في مشاكل وهذا المشهور هو مشعل النامي رجل محترم وخلوق لكن يقول امريكا خيبت ضني فيها وهذي وجهة نظرة تخصة |
لازلت اقول امريكا افظل بلد للسياحة فيها تنوع عرقي وثقافي وجغرافي ومناخي كل شي تبية موجود يكفيك تاخذها شرق غرب ما احد يوقفك ولا يسائلك وين رايح تبي ثلج وبراد رح الشمال تبي صحراء رح وسط امريكا تبي شواطي وفعاليات رح ميامي والساحل الغربي الامن انت من يحددة وين تروح ومع من تروح |
جزاكم الله خير جميعاً عل التفاعل … خلاص بديت اخطط للرحله واول خطوه هي الفيزا بس اقدم راجع لكم ان شاء الله عشان خطه السفره ✈🗽⛱ |
كل شخص يمدح ويذم على اللي يشوفه. انا متواجد هنا صار لي اسبوعبن والناس بشوشة ودايم ترحب فيني وعلى كثر زياراتي لامريكا وعشت فيها سنين ماقد واجهتني مشكلة عنصرية. وبالاخير يعتمد على وين تروح لان كل ولاية غير. العيب الوحيد هو الانفليشن اللي صاير او تضخم الاسعار للامانة اصبحت غالية جدا مثلا ادخل مطعم اقل شي 20 دولار. |
اقتباس:
مو السائح لانها فتره وراجع |
وعليك السلام والرحمة، بصراحة عكس الكلام إلي قلت تماماً زرت تايتسفل و ميامي و أورلاندو و نيونيورك الفترة كانت شهرين ما واجهت نهائياً أي عنصرية أو تفرقة بس خلك بعيد عن الاماكن المشبوهة و توكل على الله سبحانه |
اورلاندو امان و الاكل نظيف روح ميامي دامك واصل اورلاندو توكل على الله |
اقتباس:
امريكا تحتااااااااج ميزانيه لان كل شي بفلوس الاكل فيها افضل اكل ممكن تاكله بحياتك وفيها اسوء اكل لكن فلوسك هي اللي بتحكم تاكل وين !! اما من ناحية العنصريه لاتوجد ابدا والوضع طبيعي وكل الحياه جميله والناس بحالها .. نصيحه : رتب لك مخطط سياحي مفصل باليوم وحدد ميزانيه صح لكل شي حتى ماتتوهق واحجز كل شي مسبقا قبل بشهر تقريبا مناسب |
هلا بك اخوي … الميزانيه الحمد لله كويسه نفس كل سفرياتي قبل موعد السفره يكون كل شي محجوز ومدفوع من سكن وفعاليات وخلافه حتى بعض المطاعم … ويكون معنا مصروف حق الصرف اليومي زايد عليه مبلغ للطوارىء … دايم اسويها وارجع بمبلغ كبير الحمد لله |
| الساعة الآن 02:00 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO