|
الاحوال السياسيه الامريكيه السعوديه السلام عليكم استفسار بسيط هل تتوقعون انه بسبب الازمه السياسيه الحاليه الافضل تاجيل السفره لامريكا لان الوضع مخيف |
وعليكم السلام أنا معك لخطورته اقتصادياً وسياسياً لابد من البحث عن الأمان خلال رحلاتك متوقع تكون فيه أزمة بنزين في امريكا فقد وصل الجالون 6$ في كالفورنيا وهذا يخلق غضب شعبي ينعكس على المعيشة وأخلاق الناس برضه فيه تصعيد اعلامي ضد السعودية قد يخلق جو مشحون ومحاولة الاعتداء من ضعاف النفوس رأيي البعد عن امريكا + اوروبا الى أن تنتهي الأزمة على خير والسفر ملحوق عليه اللي مصمم على السفر عندك استراليا نيوزلندا شرق آسيا جنوب افريقيا |
عزيزي عند وصولك بالسلامه إلى امريكا لا حد درى شنهي جنسيتك داخل البلد ولا احد درى عنك شي كل شخص بحاله والشعب الامريكي ماله علاقه بالسياسه الخارجية وان تطرقت بالحديث بتشوف الشعب غير مؤيد لقرارات بايدن .. ولكن كل هذا لا دخل له بالسياحة ... الناس تسافر بشكل يومي إلى نيويورك " عطني طياره فاضيه رايحه نيويورك ؟" ماراح تحصل لانا الوجهه الاقوى على مستوى العالم الشيء الوحيد اللي ممكن يخليك تلغي فكرة السفر باكملها سوى إلى اوروبا و امريكا وغيرها من دول العالم هو " الحرب العالميه" غير هذا الامور طيبه |
اقتباس:
هلا اخوي ،، كنت انا و العائلة في امريكا في جولاي الماضي بداية الحرب مع اوكرانيا والأسعار كانت مرتفعه جداااا جداااا البنزين نار والمطاعم وتذاكر الدخول للأماكن الترفيهية مرتفعه جداً ، لاكن الوضع الآن مختلف عن قبل 4 شهور والله اعلم ! |
اقتباس:
الآن الوضع أسوأ للأسف بسبب ضغط المصافي الامريكية على الحكومة كل شئ راح يكون مرتفع كذلك قرب الانتخابات يضغط أكثر على الشعب لعلنا شفنا كثرة النهب والسرقات وازدياد الهوملس كل هذا بسبب الاوضاع الاقتصادية الحالية |
ياساتر انا كنت مخطط للسفر بتاريخ مايو 2023 لكن يبدو لي ان الافضل تاجيلها قد يكون تعليق البعض فيه شيئاً من الصحه هناك محد بيعرف انت من وين لكن الحرص واجب خاصه بالسفر وامريكا تعتبر السعوديه عدوه الان للاسف يعني المفروض حتى حنا يالشعب مانعدعم دوله زي كذا الحمله علينا قويه جدا لكن لاحظت كل مابسافر دوله تصير مصيبه 😂😂 شكلها لليابان 🎭 |
اقتباس:
مرينا بأزمات مشابهة خلال تواجدنا بامريكا التركيز على الملامح اللون واللبس زي ما حنا نميزهم هم يميزونا تماماً وبعض الأحيان يتم التعريف بك من خلال ناس حاقدين ومهاجمتك دون سبب لذا الأولى الانتظار لحين انفراج الأزمة وان شاء الله ما تطول ولا شك عندي أن الطلبة بامريكا يعانون حالياً وما يخرجون الا لضرورة |
اقتباس:
|
الوضع ما تغير ولا شي (صار لي ١٥ سنة مقيم هنا) وكل يوم الناس جايين سياحة حتى من السعودية ولا احد تعرض لشي. غلاء البنزين والمشتريات اليومية صار في اماكن كثيرة في العالم مو بس هنا، والحين ارتفاع سعر البنزين خف كثير مقارنة بالصيف وحتى خطوة تقليل الانتاج غالبًا ما بتأثر على الاسعار بشكل كبير. في كاليفورنيا وغيرها ارتفاع اسعار البنزين اكثر شي بسبب الضرايب على البنزين في الولاية وليس فقط بسبب سعر البرميل العالمي (في ولايتي ارخص سعر للبنزين حاليًا ٣.٣ دولار للغالون). لكن ارتفاع الاسعار في كل شي ثاني حتى الاماكن السياحية وتذاكر الدخول هذا مو بس في امريكا وهو جزء من تبعات كورونا الاقتصادية. اذا قررت تجي امريكا في الوقت الاصلي لحجوزاتك لا تشيل هم وان شاء الله ما بيصير الا الخير. على قولة اخونا عاشق امريكا ما احد بيهتم من وين انت ويمكن ما يدروا انه في مشاكل سياسية ولا شي وعى الارجح ما احد بيتعرض لك، واتمنى من الجميع انه ما يكون في تهويل زايد ومبالغ فيه لان هذا منتدى سفر مو قروب وتساب. |
اقتباس:
|
اقتباس:
يا غالي اطرح رأيك دون التعرض لآراء الآخرين والتقليل منها مثل أخونا عاشق امريكا النقاش يتسع لجميع الآراء وبالنهاية القرار الأخير للمسافر ان سافر أو كنسل الله يوفقه بكل الأحوال |
اقتباس:
|
اقتباس:
عزيز وغالي :e306: |
الي قاعد يصير الحين سياسياً ماصار من السبعينات … الموضوع مو بسيط ابدا ومايستهان فيه مادري اعتقد ماتستحق المجازفه |
رفع نبي اخر الاحداث والتطورات اذا ممكن |
ما صار شي جديد أو أي تغييرات لا من ناحية إجراءات أو سفر أو قيود أو صعوبات ولا في أي مشاكل على الأرض تجاه مواطنين البلدين في البلد الثاني، ولا حتى أي مستجدات سياسية تستدعي القلق تحياتي |
اقتباس:
ولكن وجهة نظر الشباب في محلها .. مع التوتر اللي حاصل من يضمن ان الشخص مايتعرض لمضايقات عنصريه ... الامن في امريكا عموما مريب ؟ رأينا الناس تسرق من المحلات علانيه ؟ تحياتي لك |
اقتباس:
موضوع السرقة او غيرها هذي اشياء من زمان موجودة وخفّت وتيرتها، والسياح اللي أعرفهم يتعرضوا للسرقة اكثر شي ينسرقوا في دول اوروبا بالذات في الفنادق بالمقارنة مع امريكا او كندا. بس الفرق ان الناس تتداول اخبار السرقات في امريكا اكثر من غيرها اتوقع فهذا مؤثر على النظرة اكيد. |
لا يوجد اي شي يستحق التكلم فيه بخصوص الاوضاع السياسيه .. لان مايهمنا هو الوضع السياحي والمعامله والامن وكيف تطورات الحياه في امريكا ... كل هذا يجري في اتجاه واحد>>> لا يوجد شيء الحياه طبيعيه واكثر من طبيعية |
الاوضاع السياسيه تؤثر بشكل او بآخر عل الحياه الطبيعيه من تكاليف وتعامل الخ ودي اسمع راي الناس الي راحوا بها الفتره كيف الامور والاسعار والتعامل |
اقتباس:
أخ Abdrhman .. صدقني لن تجد أثنين يتفقون على أن بلد معين مثالي بكل المقاييس !!! ستجد البعض يمدح لدرجة تقول هالبلد من أفضل البلدان و ستجد أخرون يذمون و ستقول هالبلد من أتعس البلدان فكل منهم صادق في وجهة نظرة .. و رؤيه للأمور و الأوضاع لو تسألني .. هل تروح أمركيا في ظل ما يقال عن الأوضاع السياسية قلت لك: "نعم و بلا تردد .. فالبلد رأيت فيه الكثير من الأمان و الكثير من الأشياء المريبة ..." أتبع النصائح التى تعتبر هي أساس حفظ النفس و المال بعد حفظ رب العالمين مثل عدم التواجد في الأماكن المشبوة .. عدم التداخل في نقاشات سياسية أو حتى مواضيع فيها أختلاف لوجهات النظر (يا رجال مشجعين الكورة ربعنا و هم يسولفون يتطاقون تقل حرب) تجنب لبس الملابس و الكماليات التى تثير الأنتباة (في السفر حتى ساعة ما ألبس لو هي بــ 5 ريال) الخروج بالليل أو العودة في أوقات متأخرة قد يكون من أسباب التعرض للمشاكل أشياء كثيرة .. و في الختام أنت اللى بتسافر و أنت الوحيد المسئول عن نفسك لا تعتمد على أراء الأخرين مهما كانت تؤيد أو تنصح |
اقتباس:
احب اقولك الامور ولله الحمد جدا طبيعية والسياح بكل مكان وصادفت كثير شباب وعوائل سعوديين وخليجيين ، انا جلست ١٠ اايام وزرت نيويورك وشيكاغو، التعامل من الناس او الشرطة او في المطار ولا اروع وما كان في اي مشاكل ولله الحمد، انا اقولك توكل على الله ولا تشيل هم ^_^ |
انا مسافر اورلاندو بعد اسبوعين في اي اجراءات قبل السفر وشو اجراءات الوصول |
تروح وترجع بالسلامه ولاتنسانا …شاركنا تجربتك 🫶 |
من ناحية الامور السياسية لا تشيل هم لان الشعب الامريكي الغالب وبنسبة كبيرة ما يهتم للامور السياسية الخارجية ، لو رحت الولايات السياحية الاشهر مثل كاليفورنيا وفلوريدا ونيويورك ما بتحصل العنصرية الي انت خايف منها ((وحتى لا قدر الله لو في اسوا الظروف حصلت بتكون نسبة قليلة جدا جدا )) لانه اغلب الولايات دي تكون فيها جنسيات منوعة من انحاء العالم الامريكان عموما مهم عنصريين ويهتمون بالسياسة مقارنة بتركيا مثلا الي لمن اتوترت علاقتها مع السعودية ، السياح واجهو عنصرية مقيتة وسرقات ونصب. اذا مخطط لامريكا توكل على الله ولاتشيل هم كثير ، اذا بالنسبة للاسعار العالم كله في ازمة اقتصادية وليست مقتصرة على امريكا فقط |
| الساعة الآن 03:58 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO