مخطط لرحله صيف 23
 

السلام عليكم اخواني ..
صراحه استفدت كثير في رحلتي الاخيره لامريكا من هذا المنتدى ..
كانت شتا عام 2021

الرحله كانت واشنطين ليلتين
نيويورك 4 ليالي
سان ديغو ليلتين
لوس انجلس في سانتا مونكا 3 ليالي
بعدها في انهايم 3 ليالي
بعدها 7 ليالي في البفرلي هلز

وكانت رحله ولا اروع امريكا جميله جدا ..
واذا في حد عنده استفسار عن هذي المناطق انا بالخدمه


وحابه اكرر الزياده فالصيف باذن الله

كان عندي استفسار حابه اسوي رحله كالتالي واقترحو علي اغير ولا اخليها
فانكوفر
سياتل
بورتلاند
هاوواي
لوس انجلس


ولا اروح
واشنطن
وبعدها طريق لغايه سموكي ماونتن وبعدها اتلانتا وطيران على لوس انجلس
لو اتبعت الرحله الثانيه ممكن تخبروني وين ممكن اقعد ليلتين في منتصف الطريق من واشنطن الى السموكي ماونت

وجزاكم الله خير .. :e20c::e20c:

اهلين اخر فرررصه ..

اطير من بورتلاند لهوواي والرجعه طيران للوس انجلس
اعتقد المسابقه من بورتلاند ل لوس انجلس فوق ال10 ساعات سياره صح

وعليكم السلام ورحمة الله وبركاته

عندي بعض الاقتراحات على الرحلة وبعض الأسئلة

الخطة الافضل تبدأ من سياتل، وفانكوفر انا اشوف مالها داعي المبيت فيها

المسافة بين بورتلاند وفانكوفر قريبة جدا اقل من 20 دقيقة بينهم جسر فقط

فالافضل الاختيار احداهم. نقطة ثانية وحاب انبه عليها بورتلاند تغيرت كثيييير وكثرة الهوملس للاسف طغى على المدينة

هل الهدف من زيارتها هو السياحة حواليها او فقط بورتلاند؟ ووش خطتكم هناك حاب اعرف حتى اقدر اعطيكم اماكن للزيارة حواليها

طبعا بالسيارة من سياتل ل بورتلاند ولو حبيتوا فانكوفر هي جنبها بالضبط ومن ثم اقترح الخروج من بورتلاند صباحا وزيارة كريتر ليك crater lake وبعدها التوجه وممكن المبيت في مدينة Medford واليوم التالي ممكن السواقة تكون لسان فرانسيسكو

وتقضون فيها يوم وبعدها الى لوس انجلوس (هالخطة ذي راح تكون اريح بالنسبة لعدد ساعات السواقة في اليوم)

ومن لوس انجلوس ممكن حجز تذكرة طيران الى هاواي

هنا المقصد فانكوفر واشنطن لان فانكوفر كندا تحتاج لفيزا كندية بالنسبة لمواطني المملكة العربية السعودية

بما انك راح تزوري فانكوفر و عندك فيزا كندية

ليش ماتجربين شلالات نياجرا الجانب الكندي

مثلا

تورينتو
الوصول تورينتو ثم التوجه الى نياجرا الاقامة ثلاث ليالي


فانكوفر
ثم طيارة الى فانكوفر و منها زيارة سياتل بدون اقامة


هونولولو
من مطار سياتل الى جزر هاواي هونولولو
الطيران المباشر من سياتل اليها :

طيران هاواي
طيران الاسكا
طيران دلتا


لوس انجلوس
من هونولولو الى لوس انجلوس
نفس الشركات بالاضافة لطيران الامريكي و اليونايتد

انا عن تجربتي الاخيره في سياتل المدينه تستحق تستحق تستحق المبيت فيها اقل شي 3 ليالي
1- فيها اجمل اروع جبل ثلجي وهو مونتن رينر ومع البحيرات اللي حوالين الجبل وهو تقريبا بالنسبه لي اجمل منظر طبيعي من بعد شلالات نياقرا >> الجوله هذي تحتاج يوم كامل لان هايكنق وفيها مسافه
2- فيها مصنع طائرات البوينق وبالامكان زيارة المصنع وهو تجربه بحد ذاتها جديده لان بالعالم كله فيه شركتين الاولى وحده بفرنسا والثانيه في سياتل
3- بالامكان زياره اول محل ستاربكس في العالم >> يفضل التقاط صور ذكرى فقط الانتظار عاده يكون طويل فيه
4- الاسواق والبرامج الترفيهيه الاخرى متوفره كذلك

يعني بالمختصر تحتاج 2-3 ليالي اقل شي في سياتل ... اما موضوع مرور الكرام هذا لا يسمن ولا يغني من جوع

بخصوص باقي المخطط فهو ممتاااااز
نياغرا + فانكوفر + سياتل + بورتلاند + هاواي + لوس انجلوس

اشوفه حلو ممتع وله طابع جميل وافضل مافيه الابتعاد عن سان فرانسيسكو >> عاصمة الميم في العالم
ولكن الموسف عدم زيارة لاس فيقاس فهي الاقوى من ناحية العروض والايف شوو والبرامج الترفيهيه

شكرا على الرد بس اعتقد انه فانكوفر تبعد كثير عن بورتلاند اوريغون بس اذا فيها هوملس كثير نكنسلها طبعا

عندي حطه ثانيه مسويتها للشتا فيها الشلالات وتورنتو وبعذها نيويورك واورلاندو فكنت افكر اروح جهه الغرب في الصيف بس انا شفت رفيوات واعتقد حابه ادخل كروز الاسكا وش رايكم بدل هاواي

شكرا جزيلا على الرد ولكن لو حذفت هاواي واخذت كروس الاسكا يقولون يجنن فالصيف وموسمه

فالرحله تكون كالتالي
شيكاغو مضطره لانه الطيران الدولي مايروح الا 3 مدن في امريكا ومنها شيكاغو وهي الاقرب
وبعدها نروح طيران لفانكوفر واذا برايكم اكنسلها يصير بعد ونروح دايركت لسياتل
الكروز اللي شفته يطلع من سياتل لمده 7 ليالي
بعدها طيران لفيغاس ومنها لوس انجلس

المشكله انا بالكثير احازاتي 3 اسابيع ماعندي اكثر
فمش عارفه اوزع المدن والايام

حابه الاقتراح اللي عندي يكون اوضح ..

شيكاغو
نقعد يومين

بعدها طيران على فانكوفر او سياتل

سياتل
يومين او 3 ممكن

بعدها يبدا كروس الاسكا

كروس الاسكا
الكروس لابد يكون 7 ليالي اقل شي
يبدا وينتهي في سياتل

فيغاس
نروح طيران على لاس فيغاس من سياتل
ممكن نقعد يومين او 3

لوس انجلس عشقي
هني نخلي فيها باقي الايام اعتقد حول ال7 ليالي
بس ممكن تقترحون علي وين ممكن اسكن لانه الشقق اللي سكنتها صح ماودي اغيرها ولكن مكلفه شوي


وبالنسبه للفيزا لكندا مواطنين الامارات مايحتاجون فيزا اذا بالسياره من امريكا اذا طيران نحتاج بس نعبي فورم على ماسمعت