|
وصلنا امريكا قبل ساعات السلام عليكم ورحمة الله وبركاته كل عام وانتم بخير واسعد الله اوقاتكم بكل خير وصلت واشنطن انا وام سلمان البارحة على رحلة الرياض واشنطن وكانت رحله جميله وخفيفه وفيها اكثر من 100 مقعد فاضي وكان فيها مساحه من المقاعد للراحه واشكر جميع طاقم الطائره كانوا خدومين بشكل لايمكن وصفه .. نزلنا المطار وماشاء الله تبارك الله كان توقيت رحلتنا مافيه الا طائرتنا نازله والجوازات فاضيه لدرجة اني جيت عند كاونتر انا اول من جاه وسبحان الله في كل رحله لي لامريكا تتقلص الاجراءات الى درجة ان موظفة الجوازات بس خذت بصمة العين فقط وكم بتجلسون وبس لاتختيم ولا ورقة زرقاء حقت الجمارك ولا كم معك كاش ولا حتى الجهاز اللي قبل الجوازات اللي تحط بصماتك عليه مافيه اي شي هذا بالنسبه لنا اما غيرنا والله ما عندي خبر ،،، المهم عطتنا جوازاتنا والله ماجلسنا عندها دقيقه ورحنا للعفش واخذت عربيتين كل وحده ب6 دولار وماشاء الله تبارك الرحمن طلعت الشنط كلها دفعه وحده وطلعنا على طول والله لاجمارك ولا فكوا تغليف الشنط مع اني ماخذ كرتون تمر مكنوز 8 كيلو وقهوة المسافر وشاهي خاص لي ومشت الامور اللهم لك الحمد … طلعنا من المطار وسالت على مكاتب تأجير السيارات وكنت حاجز قبل شهرين عن طريق موقع ALAMO سيارة 7 ركاب مع انه مافيه الا انا والمدام ،،،كان السعر شامل كل شي تقريباً 1700دولار لمدة 22 يوم والله الاسعار كل مالها ترتفع بالنسبه للسيارات ،، المهم ركبنا الشتل الخاص بشركة المو وودانا لمكتبهم يبعد تقريباً 5 دقايق وجيت المكتب وقلت ابي ترفيع للسياره مجانا قال مافيه مجاناً قلت طيب بفلوس قال تدفع زود 500 دولار لكامل المده ونعطيك BMW X5 وقلت ماله داعي … خلاص بس عطني سياراتي اللي انا ماخذها .. طلعت وخيروني في عدة سيارات واخذت قراند شروكي 2023 ماشي 2900 مايل فقط شبه جديد صراحه فخم وعزم وقوه … ماشاء الله تبارك الله .. حجزت فندق لمدة يومين في واشنطن وبعدها ماعندي خطة معينه يعني ماخذها رحلة استجمام وهدؤ لكن النصيب الاكبر بأذن الله لمعشوقتي اورلاندو فمهما زرت ورحت تبقى اورلاندو خصوصاً وفلوريدا عموماً تكسب الرهان … احببت انقل لكم تجربتي .. دعواتكم لنا ولكم |
وعليكم السلام ورحمة الله وبركاته وانت بخير وصحة وسلامة يابو سلمان الحمد لله على سلامتكم وفي إنتظار التقرير الرائع عند عودتك إن شاء الله تكون رحلة موفقة وميسرة تحياتي لك . |
اقتباس:
|
الحمد لله على السلامة أخوي أبو سلمان و نتمنى لكم رحلة سعيدة أن شاء الله |
اقتباس:
الله يسعدك اخي ابا معتز |
الحمدالله ع السلامة أخوي أبو سلمان ونتمنى لك ولأم سلمان الله يحفظها رحلة سعيدة بأذن الله |
اقتباس:
الله يسعدكم |
الحمدلله على السلامة يبو سلمان وان شاء الله رحلة سعيدة ونستنى منك تفاصيل واحداث الرحلة بعد العودة بالسلامة. |
الحمد لله على السلامة ابو سلمان رحلة سعيدة و استمتع بالتجوال في بلد العم سام … يبدو ان إجراءات القدوم تغيرت الى الأفضل اتذكر سابقاً قبل الوصول الى الجوازات يوجد جهاز تضع فيه الجواز لنسخ الفيزا و الاجابة على عدة أسئلة من ضمنها الافصاح اذا معك اطعمة ام لا .. طبعاً القهوة والتمر ضرورية في السفرة … هل تم السؤال عنها في المطار؟ لأنه انا والعائلة ان شاء الله مسافرين الاسبوع القادم الى امريكا. |
اقتباس:
|
اقتباس:
يسعد ايامك مثل ماقلت بالنسبه لي ما سألتني الا كم يوم بتجلسون فقط واخذت بصمة العين ولا حتى طالعت في الجوازات ولا فتحتها ولا ختمت عليها ،، بالنسبه للجهاز اللي تقول لازال موجود لكن للامانه في رحلتنا التفتت عليه اكثر من مره اشوف احد بيقول روحوا للجهاز او احد عنده لكن ماشفت احد عنده كلنا في السراء |
جلسنا في واشنطن 3 ايام وبعدها بالسياره الى اورلاندو لكن بتنا في مدينة سانت اوغسطين قبل اورلاندو ب200 كلم وكنت متعمد ابات فيها بعد ماقطعنا يمكن 1200 كلم مشيتها في اليوم الاول ،،المهم مدينة سانت اغسطين مدينه تاريخيه عظيمه لها تاريخ وفيها اثار قديمه واللي بيقراء عنها يشوف الى درجة انه فيه بيت واحد من اكثر من 100سنه وحاطينه متحف مزار واكثر ديكوراته وتحفه عربيه حتى فيها كتابات من القران الكريم والغريب فيها صور اهل البيت قبل 100 سنه في نفس الغرف الحاليه والله شي مبهر … وزرنا مبنى قديم وحالياً صار جامعه ومزار ولفينا فيها ابوساعتين طبعاً هذا كله اليوم الثاني لان اورلاندو مهيب بعيد وماحنا مستعجلين عليها على مايحين وقت دخول فندق اورلاندو .. وصلنا كيسيمي وكنت حاجز تقريباً نفس المنتجع اللي اخذه كل سنه ومخلين الرحله استجمام بدون الابناء الله يحفظهم .. رحنا يوم الى مدينة كليرووتر البحر في تامبا ومنها متعمد ابي اروح مطعم ايراني سبق ان اكلت فيه 2013 عندهم بوفيه غداء وعشاء ،،، بعد كيسيمي عودتنا من واشنطن لكن مخطط باذن الله ارجع واشنطن واروح من عندها الى مدينة هيرشي في ولاية بنسلفينيا لانها قريبه من واشنطن بروح وارجع في نفس اليوم والحقيقه ماعمري جيتها مجرد قريت عنها فقط واللي عنده معلومات عنها لايبخل علينا مشكور … حبيت انقل لكم بعض من رحلتي المتواضعه |
| الساعة الآن 03:23 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO