|
اهم المعالم والاسواق لزيارتهاقريبة من البيت الابيض واشنطن سلام عليكم،،، حبيت اعرف اهم المعالم والأسواق القريبة من البيت الأبيض حيث ارغب تكوت رحلة خفيفة ولا استعمل وسائل المواصلات بحيث اصلها مشي على الاقدام والشي الثاني شو رائكم بفندق best wastern georgtown hotel and suites |
رد: اهم المعالم والاسواق لزيارتهاقريبة من البيت الابيض واشنطن البنتاغون مول من اكبر مولات واشنطن كذلك تايسون سنتر |
رد: اهم المعالم والاسواق لزيارتهاقريبة من البيت الابيض واشنطن منيرة مشكورة ، طبعا قريبة من البيت الابيض.. ( اقدر امشي لها) سوف ابحث |
رد: اهم المعالم والاسواق لزيارتهاقريبة من البيت الابيض واشنطن طيب طيب مع ان اللي ذكرتهم ممكن تاخذ مترو لهم بس ممكن تمشي الى غالاريا Gallery Place, Chinatown, Washington, DC |
رد: اهم المعالم والاسواق لزيارتهاقريبة من البيت الابيض واشنطن مشكورة (: |
رد: اهم المعالم والاسواق لزيارتهاقريبة من البيت الابيض واشنطن في واشنطن الافضل والاريح لكم بما انكم عائله انكم تستأجرون سيارة هذا تقرير بيفيدكم في واشنطن والمعلومات عنها بتلقونها في الجزء الثالث موسوعة مقدام الامريكية ..اماكن سياحية.احداثيات.خرائط |
رد: اهم المعالم والاسواق لزيارتهاقريبة من البيت الابيض واشنطن مقدام ، شكرًا لكن اقامتي قصيرة وهدفي فقط زيارة البيت الأبيض والمنطقة القريبة ومااحتاج للسيارة |
رد: اهم المعالم والاسواق لزيارتهاقريبة من البيت الابيض واشنطن العفو اخوي المقنع فندقكم قريب من شارع الام ستريت وتقدرون تزورونه مشي وبعد تقدرون تزورون مشي الجورج تاون منطقة المطاعم الكوفيات على النهر والبيت الابيض تقدرون تزورونه مشي ويبعد حوالي كيلو باقي الاماكن ممكن تزورونها بالمترو وهو ارخص من التاكسي واقرب محطة مترو لكم هو في شارع الام ستريت واسمه foggy bottom metro station واهم الاماكن اللي ممكن تزورونها بالمترو البيت الابيض واقرب محطة metro center station منطقة النصب التذكاري ومبنى الكونجرس والمتاحف محطة smithsonian metro station والمحطات السابقة يوصل لهم المترو السيلفر والازرق والاورنج مركز تسوق التايسون مول اشهر مركز تسوق في واشنطن وتوصلون له بالمترو السيلفر واسم المحطة tyson center مركز تسوق البنتاجون مول وتوصلون له بالمترو الازرق واسم المحطة Pentagon City وهذي خريطة للمترو واشرت عليها على اهم المحطات http://www.arabtrvl.com/up/uploads/a...3439665691.jpg وهذي خرائط لاهم الاماكن في واشنطن http://www.arabtrvl.com/vb/picture.p...pictureid=3123 http://www.arabtrvl.com/vb/picture.p...ictureid=13475 وبالتوفيق |
رد: اهم المعالم والاسواق لزيارتهاقريبة من البيت الابيض واشنطن مقدام مشكور يزاك الله خير وضحتلي هالامور وماكنت اعرف عن شارع ام ستريت انها قريبة وايضا جورج تاون بان يمكن المشي لها وعن محطات المترو عندي 3 اسئلة 1-:- هل للاطفال يكون مجانا للمترو. 2- عرفت ان البيت الابيض يكون مفتوح للزوار لبعض الاماكن اللي فيها لكني ماعرفت المواعيد ؟؟ فهل هذا الصحيح. 3- هل ممكن ان نمشي من الفندق الى البيت الابسض ثم الى الكونجرس ثم العودة والاتجاه الى نصب بيت الابيض ثم الى نصب الرئيس لينكلون وثم العودة للفندق؟؟ او بيكون متعب مع ان ودي اضربها مشي؟ شو رايك؟ |
رد: اهم المعالم والاسواق لزيارتهاقريبة من البيت الابيض واشنطن اقتباس:
1- الاطفال اقل من 4 سنوات مجانا 2- اغلب زياراتي للبيت الابيض تكون من الخارج ولا مرة دخلته ولزيارته من من الداخل يجب عليك حجز موعد مسبق قبل بفترة وهذا الرابط بيفيدك https://www.whitehouse.gov/about/tours-and-events 3- ممكن تمشي لكن بتكون متعبه عليكم والمسافة اللي بتمشونها للاماكن اللي ذكرتوها تقريبا اكثر 12 كم واذا ماتريد المترو انصحكم بالباصات السياحية وهي تاخذكم في جوله سياحية للاماكن السياحية في واشنطن وتوقف عن البيت الابيض ومبنى الكونجرس والنصب التذكاري ونصب الرئيس لينكولن واماكن سياحية اخرى وهو افضل وسيلة لاستكشاف واشنطن Washington DC Map | DC Bus Tours | Big Bus Tours وممكن يفيدكم الفندق اللي ساكنين عن اماكن توقف الباص وشراء التذاكر |
| الساعة الآن 04:56 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO