|
وصلنا ميامي قبل ساعات بسم الله الرحمن الرحيم وصلت انا والعائله الى ميامي البارحه الساعه 9 بتوقيت السعوديه 2ظهرا بتوقيت ميامي الرحله كانت من الرياض الى لندن على البريطانيه تقريبا 6ساعات وجلسنا ترانزيت4ساعات في مطار لندن واقلعنا بعدها الى ميامي على طيران امريكا ايرلاينز واستغرقت الرحله 9 ساعات نزلنا المطار وخلصنا من الجوازات بعد سرا ساعه الا الولد الكبير عمره12سنه ماختمو جوازه دخلونا غرفه كبيره وقالوا اجلسو وكانت مليانه وكان اغلبهم مكسيكان انتظرنا ساعتين وما احد جانا وكنا تعبانيين من الرحله ودرجه سياحيه وضيق المهم كلمناهم وقلنا لهم وش فيه؟ اذا فيه اي مشكله بلغونا او دخلونا او رجعونا بس وضعنا كذا بعد رحله 24 ساعه ولا نوم واطفال مايصير قال ابدا مافيه شي شكلهم اصلا نسونا والدليل بعد ما كلمناهم نادونا واسالوا الولد ليش جاي امريكا وخلاص وطلعنا بعد ما طلعنا وتنفسنا الصعدا طلعت لنا مشكلة العفش بما اننا تاخرنا عند الجوازات اكيد انهم اخذوه وودوه مكان عام للعفش المتخلف عنه اصحابه المهم سالنا وينه -- ومن باب الى باب لين طلعنا من المطار ودخلنا مع باب اخر ولقيناه في بوابة24 الخاصه بعفش امريكا ايرلاينز اخذنا العفش وركبنا القطار من الصاله الى مبنى تاجير السيارات اخذنا السياره من شركة المو سياره هونداي suv شهر مع التامين الشامل 1680دولار احسه غالي طلعنا من المطار الى الفندق حاجز جناح مطل على المحيط لكن والله ادبلوا كبدي لاعاد لي نفس لا في محيط ولا جناح من ها الجوازات والعفش لكن الحمد لله على كل حال الفندق اللي انا ماخذه GRAND BEACH HOTEL SURFSIDE مافيه كلام دعواتكم لنا وكل عام وانتم بخير |
رد: وصلنا ميامي قبل ساعات حمدلله علي السلامه هونها وتهون يا رجال ان شاءالله بدايه بس وبعدين كل الفله والوناسه الله يسعدكم وييسر امركم |
رد: وصلنا ميامي قبل ساعات حمدالله على سلامتكم الله يعينكم عليهم بس ان شاء الله تستانسون و تنسى هالموقف باجر تتذكره و تضحقك |
رد: وصلنا ميامي قبل ساعات الله يسلمكم من كل شر يارب ويعطيكم العافيه |
رد: وصلنا ميامي قبل ساعات حمدا لله على السلامه وهذا هو الأهم أستمتعوا برحلتكم وأنسوا الجوازات وإجراءاتها الأمنيه فغالبا الأمن لا يفرق معهم إلا إجراءاتهم الأمنيه وخلاص رحله سعيده وعوده هانئه بإذن الله |
رد: وصلنا ميامي قبل ساعات الحمدلله على السلامه واتمنى لكم رحلة موفقة واهم شيء تنسون ماحصل لكم وتستمعون برحلتكم |
رد: وصلنا ميامي قبل ساعات الحمدلله على السلامة ومبارك عليكم العيد هناك .. وعيش اللحظه لاتنسانا من التقرير صور كل شيء هههههه هولمز |
رد: وصلنا ميامي قبل ساعات الغردقاوي 5-الامان بعد الله فالبوابات لاتفتح للسيارات الا برقم سري يعطى للساكن اول ما يعمل شك انمقدام شارلوك هولمز الف شكرا على التهنئه والدعوه لنا بالنسبه لنا جلسنا في ميامي ثلاث ليال وطلعنا منها يوم الجمعه قبل امس ورحنا بالسياره الى اورلاندو كنا حاجزين منتجع في كيسيمي اسمه Regal Oaks a CLC World Resort - Kissimmee سبق ان سكنت فيه في 2013 لكن فرق 180درجه من عام 2013 والان فقد كانت وقتها يعملون صيانه وتوسعه وكان المسبح مقفل والبحيره مقفله والبوابات مفتوحه اما الان فاللامانه يستحق السكن لعدة اسباب 1- السعر مقابل السكن معقول جدا 2-هناك فلل جديده ممكن ان تتوفق وتاخذها 3-المنتجع يبعد عن طريق 192 700متر والشارع يتوفر فيها كل احتياجات السائح من مسجد اولا ومطاعم بجميع درجاتها 4-اكتمال المنتجع من جميع النواحي من نادي رياضي ومسابح ومواقف مجانيه ونت سريع الاسبوع ب15دولار فقط |
رد: وصلنا ميامي قبل ساعات وعليكم السلام ورحمة وبركاته الحمد لله على سلامة الوصول وان شاءالله تستمعون برحليتكم ونشوف تقرير طيب لكم وبالنسبة للسيارة اتوقع سعرها معقول لان شهر بدون تامين بيكون سعرها 1300 الى 1400 دولار مفتوح الكيلو مترات.. ياليت تفيدنا عن الخطوط البريطانية كيف خدماتهم وانتم سافرتم سياحي او بزنزس وكل عام وانتم بخير وشكراً لك |
رد: وصلنا ميامي قبل ساعات وصول سعيد لأورلاندو وعلى حد علمي فأسعار الفنادق والشقق السياحيه فيها معقول جدا فأورلاندو مدينة سياحيه بتكلفة معقوله جدا وهذا عامل جزب كبير لها تتهنوا إن شاء الله |
| الساعة الآن 08:13 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO