|
رحلتي الثانيه لكوانزووووو ... كم هير السلام عليكم ورحمة الله وبركاته ان شاء الله بروح كوانزو للمره الثانيه وحابه اخذ فكره كووويسه واجمع معلومات اكثر من المره السابقه لان رحتها اول مره وكانت رحله غير مرتب لها مسبقا مجرد فكره طرت على بالنا وفي خلال اسبوعين جهزنا كل شي وسافرنا مع الاسف جلست في كوانزو 14 يوم لاكن حسيت ما استفدت شي مع الاسف لعدة اسباب اول سبب مارتبنا للسفره من بدري ولا جمعت معلومات عن المدينه والاسواق و مواقع الفنادق كان كل شي سريع سريع وثاني سبب المترجمات الي اتعاملت معاهم :(123): كانت اول مترجمه كل مانطلبها سوق تودينا لنفس طلبنا لاكن محلات جمله وتقول ماتعرف غيرها استمرت معانا 3 ايام واضطرينا نغيرها واخذنا مترجمه ثانيه وكانت اخس منها تودينا نفس الاسواق ونفس المحلات مادري هل هو جهل منهم بالاسواق ولا هم لهم غرض معين ومقصد معين الله اعلم اول شي المولات مادخلناها ولا نعرفها بسببهم اغلب الي دخلناها اسواق شعبيه ومحلات في مفرقه بالشوارع و اسواق جمله اسواق لبيع التجزئه مايعرفون غير الجمله اماكن سياحيه جبل واحد الي يعرفونه فقط الي فيه التلفريك :(7): طلبتهم اماكن مخصصه للمساج قالت اوديك محل تلاقين الحريم في الشارع يسوون مساج تاخذي اي وحده فيهم للفندق وتسويلك مساج :yolks00590: يعني السفريه ماكانت جميله والله ادري طولت عليكم وانا اشتكي تحملوني المهم انا الان ناويه اسافر ان شاء الله لكوانزو مره ثانيه وبقعد فيها مايقارب 20 يوم و ان عجبني الوضع ممكن امدد كمان:harhar1: السفره راح تكون 5 بنات والغرض من السفريه هذه التسوق الشخصي مو تجاره اول شي ابي فندق يكون 5 او 4 نجوم نظيف وامان بعد الله وسعره ممتاز ويكون قريب من الخدمات يعني البقالات و المطاعم الاسلاميه ويكون قريب من الاسواق يعني المسافه بين الفندق و الاسواق ماتتعدى ال 10 دقائق بالسياره بالكثيررر (( انا افكر في فندق كانتون لان اشوف اغلب العرب يكتبون عنه وابي رايكم فيه )) هل يتعبر جميل ونظيف وامان ولالا ووين موقعه بالظبط عن الاسواق بعيد ولا قريب 2- ايش افضل وسيله للنقل تاكسي بالعداد ولا سائق خاص باليوميه 3- هل يوجد اوت لت في كوانزو ؟؟؟ ولو كان موجود ياليت تفيدوني بموقعه 4- اريد رقم مترجمه ومكتب شحن و سائق 5- الرحله راح تكون في نهاية شهر 12 ان شاء الله يعني بعد شهر وشوي كيف بتكون الاجواء بارده ولا حاره ورطبه عشان ناخذ احتياطنا وكم تقريبا درجات الحراره ؟؟؟؟ 6- اهممممم سؤال الحين احنا عددنا 5 و اغلب الفنادق الفايف ستارز يكون في الغرفه سريرين فقط كحد اقصى ولا يوجد مكان لسرير اضافي الا ف النادر لبعض الغرف لو كنا كل اثنين في غرفه هل ينفع نكون 3 في غرفه بسريرين ولا يدققون لان بعض الفنادق مايدققون والبعض لا لازم الغرفه لعدد معين من الاشخاص لان صعب كل اثنين بغرفه ووحده لحالها بغرفه :yolks00780: 7- ياليت تدلوني على افضل اسواق الاحذيه و الملابس النسائيه وملابس الاطفال و الشنط تكون جودتها ممتازه واسعارها رخيصه الي متوسط وتكون بالحبه لاني تعبت في السفره الاولى اغلب المحلات يرفضون يعطوني بالحبه :yolks00600: 8- رحت سوق الساعات كان دور واحد ومافيه محلات كان زي الكشكات صغيره او طاولات قزاز ومعروضه فيها الساعات هل يوجد سوق اخر غير هذا السوق للساعات ؟؟ 9- ابي اماكن سياحيه جميله هل فعلا اكبر مدينو ملاهي في اسيا تقع في كوانزو ؟؟؟؟؟؟ ياليت احد يفيدني ويجاوبني على الاسئله |
ما شاء الله أرسلت من GT-I9500 بإستخدام تاباتلك |
مرحبا عزيزتي هل مازلتي محتاجه اجابات عن الاسئله ؟؟؟ اتوقع انك سافرتي |
اهلين اختي ام عزيز لسا الرحله بعد شهر ونص ان شاء الله الى الان محد افادني بشي وحايه اعرف وش اسم الحي الي فيه فندق كانتون و اسيا ؟؟؟ وابي اعرف فندق دونق فانق بعيد عن شارع العرب ولا قريب اتمنى احد يجاوبني |
اقتباس:
مرحبا :) فندق كانتون مشهور جداً , كل التكاسي تعرفه و خذيها قاعده عامه , اي محل تبين تروحين له , يكون مكتوب معاك في الجوال او في ورقه اقتباس:
فندق كانتون ممتاز امامه حديقه صغيره و مسجد و بقالات خلفه شارع بكين , تمشين تقريباً 5 دقايق قريب من مركز مساج فخم و راقي , مشي 10 دقائق فقط ان شاء الله اصور لك بطاقة المساج قريب من المطاعم العربيه , مشي 15 دقيقة تقريباً اقتباس:
بالنسبه للمنطقه اللي فيها جبل بايون , قريب منها حديقة الزهور حديقه رااااااااااااااااااااااائعه حاولي تروحين من الساعه 3 - 3:30 عشان توصلين لها بدري لانها بعيده عن كانتون عندهم مدينة ملاهي كبيــــــــــره اسمها تشم لونق تضاهي دزني لاند عندهم النهر و أكيد عندهم أكثر اقتباس:
جوانزو كلها اوت لت لكن ما اعرف محل محدد اقتباس:
الجو نفس جو جده ما راح يكون بارد الا بروده بسيطه الفنادق - ما تدقق في عدد المقيمين في الغرفه الوحده و ممكن اذا طلبو منك جوازات اللي بيسكنون في الغرفه , لا تعطينهم كل الجوازت اعطيهم اثنين فقط اقتباس:
نصيحه اطلبي من موظفات الفندق يكتبون لك اسماء اي سوق تبين تروحين له البنات يفهمون افضل و يعرفون اللي تبينه تسوق شخصي بصراحه كم مره نطلبهم يكتبون لنا اسماء اسواق , و تطلع روعه اقتباس:
سوق الساعات هو نفسه اللي رحتي له لكن ؟ لازم تطلعين معاهم للمكاتب و تدورين زين زين انا اشوف ان سوق الساعات ينفع للي يبي يشتري جمله اذا اقل من 12 ساعه ما يسوى التعب , بتلاقين في سوق الشنط ساعات حلوه و اسعارها متقاربه عزيزتي ان شاء الله اكون افدتك و ان استفدتي , ادعي لي :) و اي استفسار آخر الله يحييك . |
اذا كانت معك العناوين ماتحتاجين مترجمه أخذت كتيب من مطعم البسفور فيه اغلب الأماكن من أسواق ومنتزهات وفنادق بالعربي والصيني والإنجليزي اشري عالمكان لسائق التاكسي ويكون معك كرت الفندق للعودة بالنسبه لفندق كانتون موقعه رائع شارع بكين قريب منه جدا التسوق فيه رااائع بالنسبه للمطاعم ألعربيه قريبه جدا بالتاكسي او ممكن تطلبونها ديلفري |
شكرا ام عزيز و ام عبدالعزيز على ردودكم كم المسافه بين كوانزو و مكاو ؟ وماهي طريقة المواصلات لها طيران ولا فطار ولا سياره ؟؟ وهل تحتاج فيزا ؟؟واذا كانت تحتاج من وين استخرجها من كوانزو ولا من السعوديه اطلع فيزتين لمكاو و كوانزو ؟؟؟ اتمنى احد يفيدني وشكرا غلبتكم معي ومع كثرة اسئلتي احبكم في الله |
اقتباس:
مكاو تابعه لهونغ كونغ اللي تحتاج فيزا هي فقط جوانزو لكن لو طلعتي من جوانزو لـ هونغ كونغ او مكاو , ما تدخلين مره ثانيه لجوانزو الا بفيزا اذاً وش الحل ؟ الحل انك تطلعين فيزتين دخول لجوانزو لانه غالباً راح تكون مغادرتكم ( العوده للسعودسه ) من جوانزو .. المواصلات من جوانزو لـ هونغ كونغ قطار مدة ساعتين تقريباً .. |
شكرا ام عزيز غلبتك معي سامحيني اخر سؤال وين مكان فريند شيب ستور عن فندق كانتون وايش المنتجات الي يبيعها هل هو سوق عام لكل شي ولا متخصص لشي محدد ؟؟ وهي يبيع جمله ولا مفرد ؟ وسوق بوو ين للاحذيه هذا اسمه بالصيني 广州步云天地国际商贸中心 يبيع مفرد ولا جمله ؟؟ وشكرا |
اقتباس:
حيــــاك الله و الله يا عزيزتي ما عندي فكره عنها لكن موظفين الفندق ممكن يفيدونك .. رحله موفقه .. |
| الساعة الآن 07:19 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO