|
ابي اسافر للصين لاكن .. مخاوفي غالبتني السلام عليكم ورحمه الله وبركاته اخواني اخواتي بقول لكم قصتي وابي شوركم في السفر الي الصين من للتسوق .. طبعا الوالد قاعد يبني عماره الان وقبل سته شهور كلمته انه يجيب اغراض السباكه واغراض البيبان والتاسيس من الصين وكنت متخوف ولا زلت الي الان متخوف من هذا الشي , لان الاسعار هنا جدا مرتفعه وسبحان الله كان التحوف هذيك الفتره قوي وتكنسلت وقبل يومين تعرف علي شخص يقول لي انه مدير شركه وانه يجيب بضايع من الصين وتحمست معاه اني اروح الصين اشتري الاغراض اللي براسي خصوصا ان الاسعار هناك ممتازه لاكن انا مخاوفي كلها اني ما اضمن حقي وخصوصا اني رايح اشتري بملغ كبير بالنسبه لي ومن اشخاص لا اعرف عنهم شي ابي نصائحكم وانا ابي استغل اجازه الجامعه وبروح هالاسبوعين رجاء فيدوني لاني صراحه احس نفسي متوهق كثير |
عليكم السلام ورحمة الله وبركاته مدري عن الصين ماعمري زرتها بس نسمع أكثر الي يسافرون لها لغرض التجاره سافر وتوكل على الله سبحانه وماراح تبلش لاتنسى السفاره بتفيدك وإن شاء الله خبراء العرب المسافرون بيفيدونك تقبل أجمل التحايا |
وعليكم السلام حياك الله بيننا حسب رأيي الشخصي و بناء على زيارتي السابقة للصين لغرض تجاري لا يمكن الوثوق أبداً بالصينيين الغش عندهم غير طبيعي بعضه عيني عينك اذا واحد جديد و يروح لوحده فهذا اكبر خطأ لابد من مرافقة شخص ثقة متمرس كمان لا يمكن الاعتماد على موظفين الشحن الحضارم لأن عمولته 5% من مشترياتك و هذا يخليه وراك عشان تشتري أكثر و خبرتهم كمان قليلة الموضوع مش سهل أبداً كما يتصور البعض على سبيل المثال " الباب " له أنواع و موديلات و النوع الواحد له مواصفات مختلفة طيب كيف تقارنه مع الاسعار اللي عندنا اذا ما عندك خبرة الشغله ماهو بس رخيص و اشتري لا أنت محتاج سعر و جودة و هذي صدقني ما يعرفها الا الخبير في السوق ان لم تكن هذا الخبير فالشراء من السوق هنا أفضل لك و فيه طرق كثيرة لتقليل التكلفة لأن السوق عندنا راكد يعني مستعد التاجر الآن يكسب منك شي بسيط بس يبيع و لو انتظرت لبعد صدور الميزانية أفضل و أفضل زي ما يقولون الآن الكاش ملك و لعلك لاحظت نزول اسعار الحديد المتتابع كم تتوقع نسبة التوفير اللي راح تحصل عليها ؟ المتوقع حسب رأيي 30% لا أكثر وبعد حسابها مع زميل لي طلعت عنده 20% في مقابل أنه اشتري أشياء كثيرة مالها داع و ندم عليها منها اقفال للابواب بالبطاقة لذا اللي يبغي يشتري من هناك يكون كاتب قائمة بالاشياء اللي راح يشتريها من هناك مع سعرها هنا و مواصفاتها عشان ما يشتري كل شي يشوفه و يقدر يقارن الاسعار هل فكرت بالطريقة اللي راح تدفع فيها ؟ عطنا رأيك عشان نعرف مدى تحضيرك لسفره هامة زي هذي |
انا محضر لسته بجميع طلباتي اللي محتاجتها العماره وعارف اسعارها هنا كون ان عندنا شقه تتكون من 7 غرف كلفتنا فوق 40 اللف اغراض وتسليك واشياء السباكه والشخص اللي نصحني قال 40 اللف تخلص لك فوق 5 شقق |
.. انا مع كلام أبو غسان. .. معرفة الأشياء ومعرفه أسعارها هنا. .. والسفر مع شخص موثوق تجنبن للغش التجاري أيضا لاتنسى أن هناك جمارك يعني مو في يوم وليله توصل اغراضك. .. اطلع أكثر وأكثر عن السوق الصيني قبل ماتذهب وذلك من خلال القراء ومعرفت الشركات المضمونه. .. 40 الف لأكثر من 5 شقق لا أتوقع ذلك. .. تذكر أن عمارتكم ملك لكم يعني أفضل انك تبحث عن الجوده قبل السعر. ... صدقني شيل مبداء الخوف لأنه أحد أسباب الفشل دوم توكل على الله ثم إقراء الكثير وابحث عن الجوده وشوف الجمرك كم يكلف ويطلع عليك. .. واحد من الزملاء شغال في السوق الصيني لدرجة أنه متزوج صينيه وعنده مكتب وخبراء واسعه في السوق مايعرف السعوديه غير برمضان وان شاء الله اني أجيب رقمه وارسله لك ع الخاص. .. |
اخوي من الافضل أن ترافق شخص له معرفة تامة بالبلد حتى تجنب بعض الامور الذي لم تكون بالحسبان:e14e: |
| الساعة الآن 05:33 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO