|
طقس هونج كونج في شهر مايو 2017 السلام عليكم ما هي الاجواء في هونج كونج في بداية شهر مايو قرات مواقع انها حارة ورطبة واخرى تقول موسم الربيع ما ريكم حسب خبرتكم وهل ينصح السفر في هذا الوقت ؟ |
اقتباس:
في شهر مايو درجات الحرارة حوالي 30 درجة والجو حار بعض الشي مع ارتفاع في الرطوبة بحكم انها منطقة ساحلية افضل وقت لزيارة هونق كونق هو من اكتوبر الى مارس يكون الجو جميل لكن في مقابل الجو الجميل ترتفع اسعار الفنادق خصوصاً في راس السنة ترتفع الاسعار بشكل خيالي لذلك يفضل تجنب اعياد راس السنة هناك اتمنى لك التوفيق |
السلام عليكم كم يوم يكفي هونج كونج ؟ وهل الامكان ادمج معها دوله اخرى ؟ |
اقتباس:
عليكم السلام البلد جميل لكنه غالي جداً انا اشوف انه تكفيه 5 ايام ويمكن اضافة الصين حيث ان كوانزو تبعد ساعة فقط بالطائرة او زيارة تايوان يبعد ساعتين بالطائرة او الفلبين تبعد مانيلا ساعتين ونصف |
بالنسبة لهونج كونج في شهر 5 إذا كان الجو مشمسا أو ممطر فاذهب إلى مراكز التسوق وإذا كان الجو غائما بدون أمطار فاذهب إلى ديزني لاند أو الأوشين بارك أو القمة |
اخواني الكرام هل هونج كونج اغلى من اوروبا عملتها كم تساوي بالريال السعودي ؟ |
اقتباس:
العام الماضي كنت في هونق كونق جلست 15 يوم يعيبها الجو في شهر مايو ويوليو واغسطس حار رطب عدا جزيرة ايسلاند اللي قرب المطار اللي فيها تمثال بوذا وتطلع لها بالتلفريك الجو لطيف نوعا ما مع ضباب خفيف صرفت 100 ريال إلى 204 دولار هونق كونق في مبنى ملاصق تماما لفندق هوليداي ان في تسيم شا تسوي يوجد هناك مايقارب 10 او اكثر محلات صرف عملات وافضل صرف حصلته عند هندي مسلم ولازال كرته عندي سكنت في هوليدي ان 8 ايام جاني عرض من موقع اقواد على بريدي تقريبا الليلة غرفة ديلوكس 500 ريال والفندق الثاني بي بي انترناشونال 4 نجوم 390 ريال مع الافطار والافطار منوع ويصلح لنا كعرب بيض مقلي وعيون وكراسون تست ابيض وبر وانواع كثيرة من الفواكة بطيخ شمام بنوعيه اناناس (طبعا انا من عشاق هذه الفواكه خصوصا :e022: عصائر تفاح وبرتقال زبده فراوله حليب كوفي كابتشينو الغرف ممتازة ونظيفه وواسعه وتطل على البحر اطلاله جزئية وعلى حديقة بجانبها بها مسبح كبير نسيت اسمها خدمة الغرف روعه الموقع ممتاز 15 دقيقة مشي الى ميناء فيكتوريا بقالة 7 قريبة محل مساج روعة من باب الفندق سيده على طول 2 دقائق مشي على اليسار محل مساج ب50 ريال نصلف ساعة الباص من المطار الى باب الفندق مجاني مباشرة مجاني وهذا في اغلب فنادق هونق كونق كذلك من الهوليدي ان من المطار الى باب الفندق بالباص مجاني وانت طالع من المطار تركب مصعد الى مواقف الباصات وتحصلون اسم الفندق على اللوحة وتنتظر حتى وصول الباص وتركب فيه التنقل بالباصات والقطارات انس شي اسمه تاكسي - من محطة كولون الى المطار بالقطار بـ50 ريال ارشح فندق هوليدي ان وفندق بي بي انترناشونال كسكن وافطار بحكم تجربتي لهم مناسب جدا لنا كعرب الغداء يكون بجانب الهوليدي ان كذلك العشاء مطاعم هندية برياني دجاج غداء ربع دجاجة بـ50 دولار مايقارب 25 ريال وعدس للعشاء 15 ريال ماكدونالدز وجبة السمك فقط تذكرة الديزي لاند هي اللي غاليه باقي الاماكن اسعارها في متناول اليد - الاوشن بارك -قمة فكتوريا بالنسبة للتسوق اللي يقول غاليه بصراحة بالغ كثير - اشتريت قمصان لي ولأطفالي ماركة جيورلاند بولو القميص (الرجل اللي راكب حصان )2 قميص بـ360 دولار اسعار ثابته مع العرض مايقارب 70 ريال للقميص الواحد - عندنا بالرياض واقف عليه بكارفور اللي بغرناطه بالرياض وبمحل بالبطحاء القميص الواحد بـ 140 ريال بناطيل نسائية ورجالية رياضية وعادية بــ 50 ريال طبعا غير محل جيورلاند بولو خامة ممتازة الجزم وانتم بكرامه نايك اديداس وغالب الماركات على الشارع اللي علىه المسجد بكولون الاسعار انزل من عندنا من 100 ريال الى 150 ريال شي واحد قبل السفر اقرأ كثير من التقارير وسجل بالجوال وبدفتر صغير كل التفاصيل والاماكن اللي بتزورها بتحس انك عارف البلد ومسافر لها كذا مره مع انها زيارتك الاولى لها بداية اغسطس حكون هناك ومنها الى جزيرة هونان وشنزن |
اقتباس:
عليكم السلام نعم حار رطب وبترجع لون بشرتك برونزي البلد يستاهل الزيارة وبقوة -- تحمل 10 ايام وبترجع مستانس كثير خاصة لو معك اطفال الحر واحد سواء في دول الخليج او هونق كونق لكنها مطعمة بالرطوبة لكن بصراحة رياضه -بشرتك تتنفس من جد اكثر من شرب السوائل والماء وجسمك يقول التعرق علي نظافة اكيده وخروج سموم من الجسم -- وخذ معك شنطة صغيرة فيها غيار ملابس وفوطه واقرب مكان بدل وعلبة ماء فارغة للتواليت وانت بكرامة لأن اغلب الأماكن السياحية مافيها شطاف - والشطاف السفري اللي بساسكو ماينفع هناك لأن مافيه مكان تركبه فيه واذا بغيت تبرد على نفسك شوي روح لأقرب مطعم او مول او محل وبرد شوي واكمل التجوال واذا بغيت البراد رح جزيرة هونان |
اقتباس:
|
الله يسهل سفرتكم الحررر والرطوبه ما تنبغى لو بأحلى مكان كافي عندنا بالخليج بس عندي سؤال على الاسم باللغه العربيه انا دايما اكتبها وشفت كذا موقع يكتب الاسم كاللفظ هونغ كونغ بس ليش انتو كاتبينها هونج كونج او هونق كونق ايها الاصح ؟؟ |
| الساعة الآن 12:25 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO