|
استفسار السلام عليكم صباح الخير للجميع محدثكم زار جده كثيررررررر لكن ولا مره اعجبني فندق شكل وسعر بكل مره يكون سعر الفندق مبالغ فيه حاب اجرب فندق سعره مناسب ونظيف والاهم الاثاث نظيف جدا وحاب تعطوني اسماء مطاعم اكلها لذيذ جربت مطعم القلزم اللي في ابحر الشماليه وكان جميل اذا فيه احلا منه للاسماك ياليت تدوني خبر وشكرا |
حياك الله بجدة الفنادق المطلة ع البحر هيلتون روز وود حياة بارك انتركنتوننتال البلاد الشيراتون لكن مااعرف اذا تناسب ميزانيتك او لا وفي شقق مفروشة بشارع الامير سلطان اسمها سلطان بلاس بخصوص المطاعم افضل والذ سمك ممكن تاكله بجدة في استراحات الاسمال على طريق المدينة توينا ممتاز جدا وله فرع بالحمرا لكن مو زي فرع طريق المدينة المرجان ممتاز كمان وفي مطاعم ثانية ستوديومصر مأكولات مصرية المطعم راقي ونظيف والاكل منتاز والاسعار مناسبة خيال تركي ونظيف وراقي واسعارة رخيصة بيلاجيو منتزه جميل ومع الاجواء الحلوه راح يعجبكم اسعاره مرتفعه نوعا ما لكن الاكل لذيذ اوشن بلو مطعم ع البحر مباشرة اكله محدود نوعا ما لكن كويس وكمان اسعاره حلوه مقابل الاطلاله عندك سلسلة المطاعم في لو مول شارع التحلية وهي ((شيك شاك. تشيز كيك فاكتوري. مطعم صيني. بيتزا اكسبرس. ومطعم ستيكات نسيت اسمه)) مطعم نارنج اكل شامي لبناني ممتاز اسعاره شوي مرتفعه لكن فعلا لذيذ وفيه جلسات خارجيه وداخليه وانصحك تطلع على مواضيع الاخ آخر فرصة كنا هنا اتكلم عن مجموعة مطاعم زارها قريب حياك الله بجدة |
مرحمبموا وحياك الله بجدة. .. ماقصرت خبيرتنا اذا تبي فندق حلوه عندك حياة بارك وهوليدي ان وبرضوا الفنادق المذكوره فوق ممتازه بس غاليه. .. إذا شقق عندك شارع صاري طب واختار. . مطاعم التحليه حلوه ولايفوتك شيزان مطعم هندي ممتاز جدا أيضا في مطعم صيني عند نهاية شارع حراء عند الدوار ممتاز أيضا عندك في الحمراء مجموعة مطاعم ممتازه جدا عندك اطيب زاد مشويات برضوا ممتاز بالنسبه للأكل البحري أنصحك تروح ثول وتشتري من الصياده جدة حتى لو تأخذ من القريات تبقى أم الرخا والشدا:18: وأي استفسار آخر عنها لايردك غير لسانك |
و عليكم السلام منور يا بو ماجد الموضوع يعتمد على المنطقة اللي تحب تسكن فيها الافضل تحديد ميزانية يومية للسكن لأن الاسعار تختلف حسب المنطقة ممكن من 150 ريال الى 3000 ريال باليوم أشوف الفنادق هنا تبالغ بأسعارها و الافضل شقة فندقية نظيفة |
اقتباس:
تبغى سعر مناسب وأثاث نظيف هوليدي إن طريق المدينة فتح جديد وأسعاره حلوة وموقعه حلووو يطلعك على طريق المدينة وعلى شارع الأمل وشارع الأمير سلطان وفي صاري في مجمع أسكوت فتحت شقق فندقية راااائعة وموقعها مميز خصوصا إنها جنب ستارز أفينيو وبنفس المجمع في مجموعة مطاعم جديدة فتحت من ضمنها أهواك ومطعم روسوبومودورو الإيطالي في أكبر حديقة معلقة بجدة وعندك مطعم أم شريف ومطعم سلطان ستيك هاوس هدول أجد مطاعم في جدة ولذيذين بس أسعارهم شوية غالية وطبعاً بالإضافة للمطاعم اللي ذكرتها طوق الياسمين بالنسبة للسمك عندك ناجل البحر بشارع الأمير سلطان للان أنا أعتبره أفضل مطاعم السمك في محيط جدة ومو حابب تطلع ثول ورحلة سعيدة |
طوق الياسمين الجوكر اخر فرصه فتاة الدمى كل الشكر لكم احرجتوني بطيبكم وتفاعلكم معي اذا ع الفندق اتوقع هوليدي ان الجديد اعجبني سعره اذا فيه احد مجربه ياليت يعطينا رايه فيه والمطاعم كفيتم ووفيتم الله يعطيكم العافيه تحياتي للجميع |
وتعقيبن ع كلام اخوي اخر فرصه جدا مبالغ باسعار الفنادق بجده يعني مافيه حل وسط وللاسف الخدمه ماتكون ممتازه جدا عاديه واذا عندك خبره بلفنادق السعر المناسب بنسبه ميزانيتي لليوم من ٥٠٠الى ٧٠٠ |
شوف يابو ماجد منطقة الهوليدي ان مزنوقة و شعبية نوعاً ما و مطل على طريق المدينة يعني ازعاج لو ما هو مركب قزاز عازل و الحقيقة اني ما دخلته عشان احكم بس ترا جنبه مول العرب الضخم و سوق حراء و المطار و الكورنيش مش بعيد أبداً خدمة الفندقة هنا اما مبالغ في اسعارها أو ادفع في شي ما يستاهل بعض الشقق الفندقية تفوق الفنادق في الموقع و الاثاث لكن ينقصهم الخدمة هل هدفك التسوق أو التمشية على الكورنيش أو تجربة المطاعم أو زيارة المنطقة التاريخية عشان نحدد لك المكان الاقرب لاهتماماتك لأن جدة كبيرة و راح تتعب في التنقل القيادة متعبة هنا لكثرة المشاريع اللي ما انتهت أنا ارشح لك منطقة الحمراء غالباً سيارتك راح تكون واقفة و تتمشى على رجلك برضه منطقة مول الريد سي جميلة و قريبة من الكورنيش فيها فندق ايلاف بس أتوقع سعر غالي |
ملاحظة لا تفكر تروح مول العرب فيه اعمال صيانة داخل المول والمطاعم اغلبها مقفله |
اقتباس:
لم تتم تجربته شخصيا بالنسبة للاقامة زيارة له لم تتجاوز جلسة اللوبي ولكن شفت تقييم الناس له على تويتر الاغلب اعطاه 4 نجوم بالنسبة للخدمة والنظافة والموقع بس ما أدري ليه ابوغسان قال مزنوق ومنطقة شعبية رغم انه بعيد عنها وما احد انتقد ازعاج لطريق المدينة صح مطل عليه ولكن يعتبر شارع فرعي ومثل ماقال ابوغسان حسب طبيعة جيتك ل جدة تتحدد منطقة اختيارك للسكن شبكة ومنتديات العرب المسافرون |
| الساعة الآن 07:03 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO