|
مطعم ( أطيب الزاد ) بجدة .. مساء الورد :e303: دايما لما أزور مطعم أصور بنية إعداد تقرير لكم وجئتكم الآن بما في جعبتي رغم إن البوابة عامرة بالتجارب والتقارير الجميلة ما شاء الله أطيب الزاد هو مطعم تركي يقدم الأطباق التركية والعربية نبدأ بالعنوان واجهة المطعم ( أخذتها من النت لأني لا أملك صورة واضحة ) :(39): الصور من 3 زيارات خلال الأربعة شهور الأخيرة تقريبا الزيارة الأولى مدخل العوايل يوجد مصعد طبعا هنا جلستنا ( ويوفرون بارتشن من قلب ) مستحيل ينشاف شي من وراه :32: نأتي للأهم وهو المنيو والأطباق طلباتنا سلطات مشكلة ( صغير ) أعطيها 10 / 10 لذيذة فعلا ودايما أطلبها النكهات متوازنة وعندهم البنجر شي خطييييير الخبر ( العيش ) و العصيرات ( رمان وبيبسي ) الرمان لذيذ 8 / 10 لأن شاورما شاكر وعالم العصيرات يضبطونه أفضل من كذا بكثييير :58: جمبري ( ربيان ) مشوي هذا طلب زوجي الدائم وراح تشوفونه في كل زياراتنا للمطعم نقيمه 10 / 10 رغم انو ليس الأفضل بشكل مطلق طلبي طاجن كفتة دجاج بالجبنة ( صغير ) بمجرد ما قرأت مكوناته في المنيو عجبني يقدمونه في الفخار ويقدم حااار ويغلي والجبنة سايحة بشكل مشهي لكن يعيبه انو طعم الدجاج ما كان تمام فيه نكهة غير محببة أعطيه 8 / 10 رز أبيض سادة أعطيه 9 / 10 انتهت طلباتنا للزيارة الأولى ما طلبنا حلى المرة هذي حلينا برى سلطة فواكه بالآيس كريم من عالم العصائر :72: وهذي الفاتورة بصراحة الأسعار مقبولة جدا يكفي انو البيبسي بـ 3 ريال فقط :D |
يعطيكي العافيه مشرفتنا. .. أطيب زاد من أفضل مطاعم جدة |
الزيارة الثانية سلطات مشكلة + مسقعة المسقعة 8 / 10 طعمها جيد لكن زيتها كثير جدا وتفتقد للنكهة اسكندر دجاج 7 / 10 طعمه مقبول لكن الدجاج عندهم فيه نكهة غير محببة وكمان الطعم مو اسكندر على أصوله ! عصير برتقال 9 / 10 الحلى .. رز بحليب أعطيه 10 / 10 وهذي الفاتورة الزيارة الثالثة ( كانت قبل 3 أسابيع تقريبا ) واضح هنا الشمندر اللذيييذ والتبولة حموضتها مضبوطة رغم انو قليل من المطاعم اللي يضبطها مسقعة وعيش كل مرة أجرب طبق غير وكان المرة هذي كباب دجاج أعطيه 9 / 10 والربيان كان حاضر طبعا وهذا طبقي رز بحليب الفاتورة انتهى التقرير وأتمنى أن يفيدكم ويعطيكم فكرة عن هذا المطعم التقييم بشكل عام جودة وطعم الأطباق 9 / 10 النظافة 10 / 10 الخدمة 9 / 10 كل مرة تختلف حسب مقدم الخدمة الأسعار 10 / 10 مقارنة بالمطاعم اللي في نفس مستواه الموقع 10 / 10 دمتم في رعاية الله .. |
اقتباس:
الله يعافيك أخوي الجوكر إن شاء الله تكون شفت باقي التقرير :) تسلم عـ المتابعة |
عوافي على قلويكم يارب شكل السلطات المشكلة تدوخ وخاصة الشمندر والبيديان المشوي والمتبل والمسعقة حلوة الشكل زوحك مثل بنتي دانه دايما طلباتها الربيان بكل انواعه يعطيك العافية على التقرير الشهي |
هني وعافيه اختي شموخ الطلبات باين عليها مشهيه ما عدا إسكندر دجاج ما حبيته دام ضابطين حموضه التبولة فالمطعم ممتاز لانه قليل المطاعم الي تضبطها شكرًا لذكر تجربتك |
والله من شكل الاطباق واضح انه رهيييب الله يعطيك العافية |
اقتباس:
الله يعافيك أم حسين تسلمين يا غالية السلطات عندهم لذيذة بصراحة وتقريبا هي نص وجبتي وباقي الوجبة من بقية الأطباق الروبيان عندهم يمدحه زوجي كثير أتمنى آكل السمك والربيان بس مافي أمل :27: الله يحفظ لك دانة وأخوانها يارب ويبلغك فيهم خير مشكورة يا عسل |
اقتباس:
يعافي قلبك يا غالية فعلا الاسكندر كان صدمة بس باقي الأطباق ما بين لذيذة ومقبولة الشكر لك مشرفتنا عالمتابعة والرد الكريم |
اقتباس:
الله يعافيك أخوي القحطاني تسلم ولهذا السبب نكرر زيارته كل فترة وفيه أفضل منه من وجهة نظري وإن شاء الله أنزل تقارير عنها لكن تفوووق من ناحية الأسعار شكرا لـ حضورك |
بالعافيه عليكم من كلامك الدجاج ماش :2: |
صحة و هنا ثلاث مرات يعني المطعم تمام و عاجبكم من المطاعم المعروفة بجدة و أسعاره معقوله جداً السلطات مبين لذيذة بس دايم تصويرك يحلي الاشياء ماشاء الله وضوح الصور عالي بانتظار تجارب المطاعم الثانية على وجه اجازة و هذي التجارب تفيد أهل و زوار جدة الله يعطيك 1000 عافية |
اقتباس:
يعافيك اخوي فيصل تسلم بصراحة نكهة الدجاج ما عجبتني يمكن تمشي مع غيري ويشوفها عادية بس أنا أي ريحة زفرة في اللحوم تقلب نفسي :9: مشكور مديرنا عالمتابعة |
اقتباس:
اقتباس:
على قلبك ياابو غسان تسلم جالسه أصور بروقااان ما أحب أهجم عالأكل بالإضافة إلى أن كاميرة سوني اكسبيريا لا يعلى عليها :58: المطعم حلو ومرتب وخدمته سريعة وأكله جيد وأسعاره جيدة كمان لذلك نكرر الزيارة لكن السبب الأهم انو عاجب زوجي كثير عشان الروبيان وهو طبقه المفضل وكمان البارتشن مررره عاجبه :1: ابشر الباقي جاي في الطريق إن شاء الله ومو بس في جده وإن شاء الله أقدر أفيد المتابعين ولو بشي بسيط الله يعافيك يارب شاكرة حضورك |
صباح الفل والياسمين :e306: ياسلام مطعم تركي يم يمي صحتين وعافية على قلبكم صور مشهية صراحة المقبلات التركية لا تقاوم سلطاتهم وخلطاتهم لذيذة وعجيبة أنا كمان أحب الجمبري المشوي بس ماقد جربته عندهم شكله لذيذ أحس أهم شي في التتبيلة بس نفسي مرة أكل جمبري مشوي في مطعم يكون معاه سلطة الجرجير والحبق واحنا مرة جربنا كباب الدجاج عندهم كان لذيذ ده المطعم مستحيل أنساه وكل ما أروحه أحس بالإنهزام لانه مرة دخلنا تحدي بأنه من اسم المطعم أكله إيراني ولا تركي وقلنا اللي بيطلع تخمينه غلط هو اللي بيدفع الحساب وأنا ما أقدر لازم أفتي بكل شي فأصريت على إنه إيراني وللأسف طلع تركي وكلهم تشمتوا فيا ومع كل طلب كان قلبي يوجعني :2: صراحة نسيت كل طعم الأكل بعد مادفعت الفاتورة دحين إذا مرينا منه وسألوني ايش ده المطعم أقولهم بنقالي :1: بانتظار المزيد والمزيد حتى لو كانت البوابة مليانة تجارب منك أكيد غير :e306: |
عوافي يا شموخ شكل الاكل عجبكم وايد كررتوا المطعم أكثر من مرة طبق الدجاج بالجبنه اللي بالفخار هذا الطبق دايما يسوونه باللحم |
اقتباس:
صباح الورد الطايفي كله :e032: يا هلا بـ فتاتنا العسل الله يعافيك يارب ضحكتيني بالموقف ( المؤلم ) هذا ههههه أنا واثقة من بعده ما بتراهنين أبدا :24: يمكن شفتي المطعم الإيراني ( شايه ) قدامه قلتي أجل المنطقة كلها مسكونة :32: تسلمين يا غالية عالكلام الحلو وذوقك المعهود الله يسعدلي طلتك الحلوة :e20c: |
اقتباس:
الله يعافيك يا غالية تسلمين المطعم مريح فعلا وأكلهم بالعموم حلو وخدمتهم سريعة أطباق الفخار دايما مميزة وإذا كانت بالجبنة شي خرافي :18: يعطيك العافية عـ المتابعة نورتي |
ماشاءالله بالعافية شكلك من نوعيتي تعلقين على مطعم معين فتره اطيب الزاد اشتهر على نطاق واسع واتوقع السبب الاسعار الممتازة وتوفر البارتشن انا زرته كذا مره وماشاءالله دايما زحمة وفعلا يستحق كل الاطراء وشكرا لك شموخ على نقل تجاربك وتنوع طلباتك ننتظر جديدك |
اقتباس:
تسلمين طوق حبيبتي كلك ذووووق :e030: صحيح لما نرتاح لمكان معين نكرر زيارته والمطعم يستحق شاكرة حضورك ومتابعتك يا عسل |
ماشاء الله بالعافية عليكم مطعم مرتب وشكل الاكل لذيذ .. مشكورة شموخ على التغطية الحلوة والتصوير المميز |
اقتباس:
الله يعافيك أخوي فهد تسلم مشاركة التجارب مع الآخرين لها متعة وفايدة كذلك الشكر لك مشرفنا عالمتابعة والإطراء |
عوافي عوافي عليكم ولو أنها جات متأخره |
اقتباس:
الله يعافيك ويجزاك خير ياابن العم المهم تستفيدون من هذي التقارير الخفيفة عند زيارتكم جدة بإذن الله تحياتي .. |
تجربة جميلة بنت عتيبة الاطباق مشهيه عوافي عليكم اما الاسعار جدا مناسبة استغربت افتكره اغلى من كذا بسبب موقعه قرب الكورنيش يعطيك العافية |
أفضل تناول الأكلات البحريه في المطاعم المتخصصه بالأكلات البحريه فخبرتهم فيه تكون أكبر وطرق إعدادهم له يكون بها تنوع أكثر لكن واضح أن هذا المطعم مرتب واطباقهم شهيه يديكي العافيه وبالهنا والشفا |
عليكم بالعافية اختنا شموخ ومدينة جده ماشاء الله عامره بالمطاعم . |
يسلموا على هذا التقرير لهذا المطعم وبالعافية عليكم صحن الجمبري مشهي والاسعار جداً مناسبة ويستحق الزيارة ان شاء الله |
هني وعافية اهم شي عندي وقت الاكل السلطات بانواعها وفعلا ماتضبط التبولة الا بحموضتها والفتوش بدبس الرمان ومبين على المطعم انه نظيف واكله لذيذ |
جميل |
بالعافيية عليييك |
يعطيك العافية يا مشرفتنا المتميزة الأسعار بصراحة حلوة جدا توقعت أكثر من كذا خاصة الببسي قلت يمكن 8 ريال اقل شيء :21: الطاجن من أفضل الأطباق اللي اكلها لكن مثل ما قلتي أحيانا في نكهة في الدجاج غير محببة وبالفعل مريت بالتجربة ذي في مطاعم ثانية:4: |
تقرير مميز بطرحه يعطيك العافييييه |
شكراً جزيلاً |
| الساعة الآن 08:45 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO