شمسك أشرقت (جولة مصورة)
 

السلام عليكم ورحمة الله وبركاته
تقري اليوم عن أجمل مهرجان كان منذ أيام في جدة
شمسك أشرقت كنا كدا 2
صراحة من أجمل المهرجانات اللي تقام في جدة من حيث تنظيم وفعاليات وتعرفت الجيل الجديد بعادات وتقاليد أهل أول أيام الطيبين اللي الكثير منها اندثر مع الزمن ونااادرا اللي يعرفه حبيت أبدأ معكم بهذه الكلمات اللي أحبها

‫ط§ظ‡ظ„ ط§ظˆظ„ ط¨ط¯ظˆظ† ظ…ظˆط³ظٹظ‚ظ‰ Rthath Almatr‬â€ژ - YouTube

أتركم مع جولتي المصورة في ثلاث زيارات مختلفة للمهرجان

رد: شمسك أشرقت (جولة مصورة)
 

رد: شمسك أشرقت (جولة مصورة)
 

ياعيني على جدة


جدة كذا اتي وبحر


شكرا ياعسل على الصور

رد: شمسك أشرقت (جولة مصورة)
 

كلمات جميله جدااا لشاعر التراث المكي ( عبد الله دبلول )
لأهل أول.. أهل أول..
يافل ياكادي ياكمل ..
يا أهل الأدب والزوق وعشت وبقيتو مجمل..
يا أهل الطيبة والرقة..
والهرجة المتبتبة الدقة..
ورب البيتو حشتوني من التاجر إلى السقا..
وحشني حتى فرقنا ..
بهنداسته وبكشة قماش..
وعم شاكر في دكانه بالفوطة وقميصه الشاش..
وحشتني حلاوة اللدو..
والبركة إللي في يده..
وحشتني الكحلة في عيونه ..
وحوا .. والصبي عبده..
وحشني كل ما فيكم..
يا ناس حتى أساميكم
يا ليت ترجعلنا الأيام وأسلم على أياديكم...
وأشم ريحة الرضا فيها..
وأشياء ما أقدر أسميها..
حاجة كدة ترد الروح .. صعب أوصف معانيها..
أهل أول !
ليسا المستكة في توبي..
تفحفح ريحته تهلي..
وفي السيارة في كم قرش..تشخلل صوتها يسلي..
وبنت أصباعها مدبق بتلحس في قدر ططلي ..
وشيبة فارش المصنف في وسط الليل بيصلي..
وحجة في الزقاق بتقول .. لاتشيلوا قمامة..
واللي يصلح الدافور عمال ينظف الماما
وباسم الطرف في الدهليز ..وكم ليانة ومنجد..
وواحد شحط جاله النوم على دكتنا متمدد..
وهاذا الأخ قال معزوم ومسوي فيها متحشد..
..

..

أهلأول .. !
تعالوا شيفوا اليوم..
كيف صار حالنا في حال..
لا عاد نعرف الموجٍب ولامعنى كلام رجال..
حتى العمة سبناها لراعي السوبيا والفوال..
سامحونا أهل أول) أهل أول

رد: شمسك أشرقت (جولة مصورة)
 

ماشاء الله روعه التقرير فتفوته
وزمان ياجده وياسلام ع البليله وكمان الطرب الجميل
صور رائعه تسلم اياديك ي عسسسل
وشكرا ع التقرير الجميل

رد: شمسك أشرقت (جولة مصورة)
 

تسلم يدك جوله رائعة وصور جميلة

اهم شي الطرب


اتخيلك الان ماسكه العود ومعطياها


يعطيك العافية

رد: شمسك أشرقت (جولة مصورة)
 

الفو ياجميل وأسعدني مرورك جدة حلوة دائما

يسلمو أخ وليد على الكلمات وأنا لما رحت وشفت الناس اللي صارت تروح البلد وتقول وااو وياي مرة حلوة والسلفي شغال قلت سامحونا يا أهل أول

تسلم يافارسنا مرورك الرائع
يسلمك ربي ويسعدك وحاضرين للطيبين

الله يسلمك يارب
أكيد أهم شي بس ماقدرت أصور الينبعاوي عشانه في فعاليات النساء هناك الطرب اللي يسلطن
هههههههه لا بدون عوود أنا جمهور بس
يعافيك ربي ويسعدك

رد: شمسك أشرقت (جولة مصورة)
 

يعطيك العافيه
حلوة تنوع المهرجانات وتوقيتها وحلوة اجواء البساطة
امتعتنا بتصويرك

رد: شمسك أشرقت (جولة مصورة)
 

الله يعافيك يارب
فعلا وهي من أجمل المهرجات في جدة صراحة كتنظيم وفعاليات
وأسعدني مرورك

رد: شمسك أشرقت (جولة مصورة)