|
استفسار عن كورنيش الشرقية السلام عليكم ورحمة الله أخواني لدى رغبة في زيارة المنطقة الشرقية وهذه أول مرة سأذهب لذا اريد رأيكم ماهو الأفضل .. كونيش الخبر أم الدمام من حيث النظافة والترتيب والخدمات ومناسب للعائلات ... مع خالص الشكر |
حياك الله اخوي بالشرقيه بالنسبه لاستفسارك كورنيش الدمام انصحك في الواجهه البحريه بالدمام من وجهة نظري انظف بحكم انهي الاجدد لكن حط بعتبارك الزحمه خصوصا بالليل وبالنسبه للخبر يتميز الكورنيش بمطاعمه افضل من الدمام بكثير المطاعم اللي بالواجها والمطاعم اللي عند فؤاد سنتر وعندك جزيرة دغيثر الموجوده في كورنيش الخبر لكن اسال عن المطاعم اول لان في مطاعم مميزه ومطاعم غاليه لكن للاسف الاكل فيها شكل من غير طعم باختصار تبي جلسات والعاب اطفال الواجهه البحريه في كورنيش الدمام انتبه الواجهه البحريه لان الكورنيش يوجد فيه مناطق الافضل الواجهه واما اذا تبي مطاعم فخمه وروقان تلقاها اكثر في كورنيش الخبر بالتوفيق |
اقتباس:
يعطيك العافية أخي على التوضيح ما رأيك بشاطئ نصف القمر واحد من الشباب يمدحه ... |
شاطئ نصف القمر حلو للي يبي سباحه والشوي والجلسه امام البحر والموج قدامه لكن يعيبه الله يكرمك دورات المياه ماتندخل خصوصا ايام الويك اند لا تطاق وثانيا الالعاب الاطفال الموجوده منتهيه من الشمس والزمن وبشكل عام البحر والكورنيش في الويك اند يزدحم بشكل غير طبيعي بسبب الجو وتقل النظافه خصوصا في شاطئ نصف القمر أرسلت من SM-G935F بإستخدام تاباتلك |
اقتباس:
هل الذهاب إلى جسر الملك فهد مسموح للتنزهة يعني ماهو لازم ندخل البحرين ... نرجع من قبل الجمارك .. |
كورنيشات الدمام والخبر كلها حلوة مثل ما تفضلت الاخت عشقي السفر .. وبما انك بتزور الشرقية يفضل زيارتها كلها لقرب المسافة .. لكن لو قررت السكن في الخبر بتكون اقرب للشواطى مثل العزيزية وشاطئ نصف القمر واقرب لجسر البحرين . بالتوفيق |
اقتباس:
لابد من دفع رسوم الجسر بالبدايه 20 ريال حط في بالك الأسعار ناار نااار في اجازه الدراسه بعد اسبوعين واحتمال ما تحصل سكن اذا وقت سفركـ بعد الأجازه او قبل راح تحصل اسعار روعه بأغلب الشقق الفندقيه |
اقتباس:
اقتباس:
يعطيكم العافية أنا أرغب في السفر لها الليلة أو غدأ إن شاء الله ليوم واحد أو يومان لدى استفسار أخير أين أجد شاليهات جيدة في الخبر أو نصف القمر ... |
الشاليهات في هذي الفتره ترتفع اسعارها ولازم تحجز قبل اسبوع حتى تلقى حجز دور على ارقام الشاليهات واتصل عليها قبل ماتتعنا لها أرسلت من SM-G935F بإستخدام تاباتلك |
شكراً جزيلاً |
| الساعة الآن 04:53 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO