|
افتتاح منفذ سلوى الحدودي الجديد مع قطر تم اليوم إفتتاح منفذ سلوى الحدودي الجديد مع دولة قطر بعد تطويره بـ 6 أضعاف طاقته الاستيعابية سابقا شي مفرح خاصة مع قرب كأس العالم تم الإرسال من SM-N960F باستخدام Tapatalk |
الله يسهل عبور المشجعين باذن الله فرصة يشوفون لعب الفرق العالمية والابطال |
تسلم أبو نواف متوقع حضور كبير للجماهير السعودية وهذا من باب التسهيل عليهم ما قصروا الله يعطيهم العافية |
خبر جميل جدا شفت صور الافتتاح المنفذ وايد كبير |
ان شاء الله يكون لنا نصيب بعبوره انا وابوي ناوين نروح بالكرافان 😁😁 ما شاء الله بالتوفيج |
ماشاء الله اخت ابرار عندك كرفان وش نوعة وحجمة هل يستاهل ان الواحد يشترية من زمان وانا ناوي اشتري واحد حتى في زيارتي لمريكا رحت لمصنع الكرفانات بين لوس انجلس وسان فرانسسكو |
خبر مفرح بالتأكيد انا زرت المنفذ زمان وضعه سيئ للأسف الأن بعد التطوير مميز ويواكب التحضير لكأس العالم |
صدقت والله كان وصمة عار في حق مملكتنا مسارين فقط وبناية متهالكة |
اقتباس:
ابوي عنده شفر وكل شي فيه ما اعرف حجمه بس ما شاء الله سعي حتى فوق السايق مكان للنوم هذا ثاني واحد ياخذه ابوي يطلبهم من امريكا اذا تطلع فيه وتمشى يستاهل والله احنا نمنا فيه بالبر وناسه |
حياكم الله و بياكم في قطر ضعوا في الاعتبار جميع من سيعبر الحدود سوف تكون هناك مواقف خاصة للسيارات الشخصية والباصات ولن يتم دخول اي سيارة شخصية خلال فترة كاس العالم وسوف يكون هناك باصات متوفره تنقلك الى السكن او الملعب او احدى محطات المترو وغير مسموح بدخول السيارات الشخصية لتفادي الزحمة داخل الدوحة لان كل دول الخليج سوف يتوافدون باذن الله بيكون العدد كبير جدا جدا |
| الساعة الآن 04:04 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO