|
رحلتي إلى سيرلانكا sri lanka حبيت افيدكم برحلتي إلى سيرلانكا.... كانت الرحله مقسمة بين ثلاث مناطق كاندي ثم نوراليا ثم كولمبو وصلنا لمطار كولمبو الساعه 10 صباحا بعد مضي خمس ساعات في الطيارة .. فقررنا نرتاح يوم في نقيمبو قبل لانتجه لكاندي لان كاندي اربع ساعات صعبه نروح لها من المطار راح يكون تعب جدا ... استقبلنا السواق في المطار طبعا كنا مخططين معه من قبل ومتفقين على كل شي اتجهنا اول شي لنقيمبو جلسنا فيها يوم نرتاح ومن بكره اتجهنا لكاندي...في الطريق لكاندي فيه مزرعه لمسلمين يشرحون فيها الاشجار والبهارات والزيوت المستخرجه من الاشجار كزيوت الحساسيه وزيوت التخسيس وزيوت المفاصل ووو...الخ وعندهم معرض لبيع الزيوت والبهارات ..كانت المزرعه جميله وممتعه كاندي وما ادراك ما كاندي جداا جميلة وأجواءها أجمل .. هواااا عليييييييل يجيب العااافيه لا برد ولا حر وجو غااائم مع رذاذ مطر خفييييف... الفنادق اللي حجزنا فيها اريل ريجنسي وجميل انصح فيه نظيف وخدمة حلوة وفطور يفتح النفففس والفطور مطل على مكان جمييل.. الاماكن السياحية في كانندي ... بحيرة على جبل هوناس فولس اتعب وانا اتكلم عن جمالها رووعه ومشهورة عند السياح طبعا الطريق لها راح يكون عن طريق التك تك لان الطريق ضيق جدا لكن ممتع للغااااااايه وانصح بأخذ القهوة والشاي وما تبعهما... برضو في كاندي فيه العرض الفلوكري ما اعجبني وجدا بايخ مضيعة وقت وبس .. يوجد في كاندي مصنع المجوهرات جدا جمييل بس بضاعتهم غاليه لكن يستاهل.. ومصنع الاخشاب والمعروضات الخشبيه وكيفية استخراج الالوان من الاخشاب ... الخ ومن الاماكن السياحيه حديقة نسيت اسمها لكن معروفه عند السائقين واي سائح يرشدونه لها ...حديقه كبيره جدا وممتعه للغايه . وايضا يوجد سوق سيتي لكن ما انصح بالتسوق من كاندي لان كولمبو مدينه مليانه بالاسواق ... ثلاث ايام ممتعه قضيناها في كاندي.. بعد ذلك اتجهنا لنوراليا المدينه الخياليه .. راااااائعه بمعنا الكلمه بس مشكلتها الطريق لها متعععب لانه حلزوني ف يجيب الغثيان .. لازم كل شوي نرتاح عشان نركد من الغثيان... لكن يبقا ان مناظر الطبيعه والشلالات شي جميل ... ف الطريق توقفنا عند مصنع الشاي وشرحوا لنا كيفة صنع الشاي ووووو... الخ ويوجد معرض لبيع الشاي يمدحون الشاي السريلانكي والله اعلم... وصلنا لنوراليا واتجهنا للفندق كان جميل بجميييع تفاصيله خدمة نظافه رائحه تفتح النفس مطل الغرفه كان جميل نصحى من النوم الشباك قدامنا يطل على خضار ومطررر فيه اجمل من هالتصبيحه ؟؟..ويكفي ان صاحبه مسلم نوراليا طبعا باااارده لانها فوق جبل وبحكم البرد والمطر المتواصل 24 ساعه ما قدرنا نطلع كثير ... الفندق كان اسمه بيوت يونك الريفيه .. طبعا الفندق على شكل كوخ جمييل وسعره اجمل وما انصح بالفنادق اللي فيها مسابح لان الجو بااارد وماراح يكون فيه فايدة من المسبح وبرضو ما انصح بالشاليهات لان الدنيا برررد ومطر والواحد ماراح يقدر يطلع ويتمشى .. في كولمبو اخذنا فندق سينمون ريد روووعه جديد هالفندق ماله شهرين فاتح ..لونه كله احمر في احمر ع اسمه ( رد) اعجبني فيه المسبح كان في الدور ال 26 يعني اللي يسبح يشوف العالم ... الفندق كان وسيع صدر والخدمات متاحه واكلهم برضو جميل .. كولمبو كان اكثر طلعاتنا للأسواق أسواقهم حلووه واشوف ارخص من اسوااقنا ... رحنا لحديقة الاسماك كانت تجربه ممتعه نتفرج على الاسماك بجمييع اشكالها .. اشكال عجيبه سبحان الله ... اخر يوم جلسنا ف الفندق ما طلعنا قلنا نرتاح ونضف عفشنا ... وبعدها الحمدلله رجعنا لديارنا سالمين.. من الاشياء المهمه اللي حابة اقولها .. اولا : الشعب السيرلانكي شعب محبوب بعكس ما سمعت وبالعكس ابتسامات وترحيب .. ثانيا: من ناحية الأكل كثير اسمع واقرى في تقارير ان اكلهم متعب وغير اكلنا ... باللعككككس هناك كثير مطاعم عالميه مثل ماك و برقركج ودمينوز بيتزا وبيتزا هوت وكنتاكي وغيرها من المطاعم ويوجد مطاعم لأرز والاكلات الشعبيه .. يعني مافيه أي تعب من ناحية الاكل ... اخذ سيدي قران او اناشيد لسماعه في الطرق والتنقلات عبر المدن لانه مع الاجواء شي ثاااني .. الفرق اللي كنت بقوله بين سيرلانكا والهند ان سيرلانكا اننننظف بكثيير وارتب من الهند.. والهند جوها رطووبه وكتمه وحر بعكس سيرلانكا بجميييع مناطقها جوها جميل معتدل عدا نوراليا بارده كما ذكرت.. وسلامتكم... ان ذكرت شي رجعت اكتبه وانتظروا الصور. |
رائع اخوي خالد في التنقل بين المدن السيرلانكية وياليت توضح لنا كيف وزعت ايام الرحلة وكم تستحق كل مدينه بداية جميلة للتقرير وننتظر كامل التفاصيل والصور وبلاشك الصور هي من يعطي التقرير أجمل اللحظات للتمتع بالمنظر وكمان نعيش الجو معااااك متابعييين:e032: |
ماشاء الله سيرلانكا كانت ضمن الخطة لكن كنسلتها بسبب طرقها ننتظر نشوف الصور |
مخطط جميل لسيريلانكا وتقسيم ايام الرحلة ممتاز ياريت تزودنا بالصور عشان نعيش الاجواء |
شكرا لك خالد حقيقه عيبها الطرق أما البلد جميله جدا مسأله الأكل حقيقه صادفتها لكن ولد خالي سافر بعدي بسنتين ويمدح الأكل يعني فيه خيارات غريبه ما مريت مزرعه الفيله أو مزرعه الفراوله في نوراليا سينامون أعتقد هي سلسله فنادق لها في كولمبو ممكن اربع أو خمس شكرا لك |
شكرا لك |
السلام اخوي خالد وتقرير لرحلة طيبه وتشكر عليه واما بالنسبة للطرق حاليا في مشروع قائم وقيد الانشاء وقريبا الافتتاح على بداية 2019 وهو طريق هاي وي من كولومبو الى كاندي وراح تكون المسافه قرابة ساعه تقريبا الى كاندي وتقبل تحياتي اخوكم خليجي 100 |
تمنيت يكون فيه صور تنقل لنا تفاصبل رحلتك في ربوع سريلانكا و اهم شيء انك تكون استمتعت و حققت اهداف الرحلة |
الحمد لله ع السلامة ... وبانتظار جميل إلتقاطاتك للرائعة سيرلنكا .. |
يعطيك العافيه لو شوية صور تنقلنا فيها معاك |
| الساعة الآن 10:56 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO