شبكة و منتديات العرب المسافرون - ( new) منتجع يديد في قرية كوخيم cochem الالمانيه .. لايفوتكم

- بوابة المانيا (https://www.arabtrvl.com/vb/f144.html)

( new) منتجع يديد في قرية كوخيم cochem الالمانيه .. لايفوتكم

Ferienresort Cochem
https://s.yimg.com/qn/cdn/m002/trave...ink3/c5n1e.gif

مقدمه
https://s.yimg.com/qn/cdn/m002/trave...ink3/72fnb.gif

لما قررنا نسافر السنه اخترنا نسير المانيا وسويسرا

ولكن بغيت مكان جديد في المانيا ماجربته ، فشفت انه جانب

دوسلدورف واللي حواليها مازرناه من قبل

وبديت رحلة البحث عن السكن

في البدايه بغيت في دسلدورف بس ماحصلت السكن اللي يرضيني

وعقب وانا أبحث في المنتديات قريت عن قرية كوخيم ولكن ماشي تقارير كثيره عنها

وشفت موقعها مناسب وبعد البحث مع بوعيسى

حصلنا سكن في هاي المنطقه وحصلنا هالمنتجع الخطير https://s.yimg.com/qn/cdn/images/spo...es/new/011.gif

مميزات هالمنتجع
https://s.yimg.com/qn/cdn/m002/trave...ink3/72fnb.gif

1- موقعه في قرية جميله وكل شي حواليها وهاي القريه فيها

فعاليات وانشطه ( بكتب عنها تقريرمنفصل ان شاءالله )

2- انه المنتجع ماسبق سكنوا فيه عرب أو خليجيين ونحن كنا أول ناس حسب كلام الموظفه
يعني تفضلوا اغزوهم https://s.yimg.com/qn/cdn/images/spo...es/new/005.gif

3- المنتجع فيه كثير من الانشطه مثل الغولف وبولينج وبليارد وتأجير سياكل ..الخ

4- المنتجع كبير وفيه كل أنواع البيوت الصغيره والكبيره

5- متوفر في المنتجع سوبرماركت صغير ومطعم

6- قريب وايد من المنتجع ع بعد دقايق بسيطه بالسياره سوبرماركتين ( اسألوا الرسبش عنهم )

7- المنتجع فيه آمان وشرح وحلو
متوفر في البيوت أغلب احتياجاتنا من غسالة الثياب والنشافه وغسالة الصحون ، والمطبخ تقريبا متكامل

8- سرعة خدمتهم لأي شكوى أو ملاحظه أو عطل في السكن

سلبيات المنتجع
https://s.yimg.com/qn/cdn/m002/trave...ink3/72fnb.gif

1- انه الفوط وفراشات الاسره بفلوس وهذا صدمنا

لما طلبنا 6 أطقم مفارش للاسره ( الطقم عباره عن شرشف ومخده )

طلعوا علينا بـ 50 يورو وطبعا الفراشات ترجع لهم في آخر يوم

واذكر لما يا الريال يا يعطينا المفارش وكان بوعيسى مموجود قلتله نبا فوط 6 وعطانا 6 أطقم

( الطقم عباره وحده كبيره ووحده صغيره )

وعقب لما يابوعيسى وخبرني سالفة الرسوم انصدمت وانقهرت منهم بصراحه

وقلتله انا خذيت فوط منهم أكيد عيل هذا برسوم ، قال عقب لما نطلع ونحاسبهم بنشوف بكم بياخذون عنا

وعقب نسيت السالفه ، وان شاءالله ماخذوا شي منا يمكن مايدرون عنهم https://s.yimg.com/qn/cdn/images/spo...es/new/005.gif

2- بعده عن بعض المدن مثلا

دوسلدورف تبعد ساعتين

وكولون ساعه ونص

وبون أظن ساعه ونص

وفرانكفورت بعد ساعتين أو ساعتين ونص وهكذا

بس بالنسبه لنا ماكان عائق ، لأنه عندنا سياره والجو أغلب الايام جميل

3- غرف النوم صغيره انا أحب الغرف الكبيره

4- البيوت عباره عن طابقين ولأنه نحن خذينا ثلاث غرف نوم ،

فطلعت غرفة نوم وحده تحت وهنتين فوق

طبعا يختلف حسب حجم البيت اللي بتحجزونه ، والتفاصيل في الموقع لكل سكن وبيت

وتفاصيل كامله حتى شو اللي متوفر في هاي البيوت من خدمات يكتبونها

حتى انتوا تختارون رقم البيت اللي تبونه من حيث موقعه

5- المنتجع بدون تكييف ولامراوح فاذا الجو حار فالله يعينكم

والمشكله اذا فتحنا الدرايش ممكن اتينا حشرات

بس المنتجع في منقه مرتفعه والجو عادة يكون حلو فيها

6- الكوايه ممتوفره ونطلبها منهم مبلغ تأمين ويرجع لما نرجع الكوايه سليمه

7- الحمام منفصل عن الشور وتقريبا هذا نظام اغلب الاجانب وما

أدري شو هالتخطيط التعيس اللي يسوونه

8- غرفتنا كان فيها البانيو ولكن الغريب انه قسم الشاور يفصله عن غرفة نومنا جداربدون باب

يعني مفتوح ع الغرفه ومافيه خصوصيه

وعزكم الله الحمام ( المرحاض ) برع الغرفه في الممر

والطابق اللي فوق كان الحمام منفصل ، وغرفة الشور والمغاسل بروحها

9- الواي فاي كان برسوم ولكن عيبه ضعيف

ما أدري هذا بسببهم لابسبب الشبكه أو الشركه اللي اشترينا منها البطاقات ، كانت شركة blau

ملاحظات
https://s.yimg.com/qn/cdn/m002/trave...ink3/72fnb.gif

اللي يحب يسكن في هالمنتجع انا رآيي ياخذ معاه

فراشات للاسره قديمه من بيتهم ويتخلص منها هناك

فوط

كوز للحمام لأنه ماعندهم شطاف

موقع المنتجع

Ferienresort Cochem - Holiday Park Ediger-Eller :: Roompot Parcs

موقع المنتجع بالعربي

الترجمة من Google

عنوان المنتجع

Am Kellerborn 1, 56814 Ediger-Eller,

خريطة موقع المنتجع

خرائط Google‏

صور من النت عن المنتجع

صور منوعه عن المنتجع (أضغط هنا )

صور للمنتجع من تصويري

https://s.yimg.com/qn/cdn/m002/trave...ink3/72fnb.gif

ع فكره نحن يلسنا فيه 18 يوم ، واول يومين فطسنا من الحر

ولكن من عقب انجلب الجو وصار حلو لين روحنا

بالنسبه للسعر ماعندي فكره كم بوعيسى دفع ، وعموما تقدرون تعرفون هالشي من موقعهم

يالا نتفرج ع الصورhttps://s.yimg.com/qn/cdn/images/spo...es/new/012.gif

https://s.yimg.com/lo/api/res/1.2/OC...ps3754e089.jpg

هذا مبنى الاداره

وفي هالمبنى بتحصلون كل شي

السوبرماكت والمطعم والالعاب والرسبشن

https://s.yimg.com/lo/api/res/1.2/eM...ps6ba443ef.jpg

https://s.yimg.com/lo/api/res/1.2/ZA...ps2371eddb.jpg

https://s.yimg.com/lo/api/res/1.2/aQ...ps864922d6.jpg

https://s.yimg.com/lo/api/res/1.2/Hh...psd8bb7240.jpg

https://s.yimg.com/lo/api/res/1.2/QT...ps95bbe521.jpg

https://s.yimg.com/lo/api/res/1.2/J_...ps86926e0b.jpg

https://s.yimg.com/lo/api/res/1.2/N8...ps8d4c1452.jpg

https://s.yimg.com/lo/api/res/1.2/_p...psb2f49629.jpg

https://s.yimg.com/lo/api/res/1.2/LH...ps69045d79.jpg

يسوون حركات حلوه حق اليهال

https://s.yimg.com/lo/api/res/1.2/h2...ps5eca59d1.jpg

https://s.yimg.com/lo/api/res/1.2/4J...ps9576b30d.jpg

https://s.yimg.com/lo/api/res/1.2/BP...ps644e54eb.jpg

https://s.yimg.com/lo/api/res/1.2/RC...ps565aef83.jpg

https://s.yimg.com/lo/api/res/1.2/bX...ps49b00b68.jpg

https://s.yimg.com/lo/api/res/1.2/Nd...ps619f2eed.jpg

عزكم الله ، في هالمكان الزبالات

وكل يوم نرمي زبالتنا هنيه بعد مانجمعها في هاي الخشه

https://s.yimg.com/lo/api/res/1.2/w3...psba93f91e.jpg

في المنتجع مسطحات خضرا وبحيره وممشى حلو

كنت بعض الاوقات أنش بدري والكل نايم والبس لبس رياضه واتمشى في المنتجع

وهاي الاوقات من أحلى الاوقات عندي لأني أكون مع نفسي والطبيعه والجو الحلو

https://s.yimg.com/lo/api/res/1.2/Cy...ps1c8d0cbf.jpg

https://s.yimg.com/lo/api/res/1.2/hl...psc9bbb66a.jpg

https://s.yimg.com/lo/api/res/1.2/_i...psf67bc35d.jpg

https://s.yimg.com/lo/api/res/1.2/_N...ps5cb33edf.jpg

https://s.yimg.com/lo/api/res/1.2/D6...ps0ee9f745.jpg

https://s.yimg.com/qn/cdn/m002/trave...ink3/72fnb.gif