|
احتاج مشورتكم الله يرضى عليكم السلام عليكم ورحمة الله اخواني بإذن الله النيه هالصيف البوسنه ف نهاية شهر 7 ميلادي انا وزوجتي فقط واهتماماتنا الطبيعه البكر و الاستجمام احتاج منكم الله يرضى عليكم اللي عنده خلفيه عن الفنادق او الاماكن افضل من اللي اخترتها يفيدني ولكم جزيل الشكر علما بأن الجدول مقترح من شركه سياحيه في البوسنه وشامل السائق اليوم الاول الوصول و الراحه اليوم الثاني الزيارة الجبال الاولمبية ونبع البوسنة اليوم الثالث الزيارة بحيرة بروكوشكو اليوم الرابع الذهاب الى موستار اليوم الخامسالزيارة مدينة موستار,نبع بونا وشلالات كرافيتسا اليوم السادس الزيارة مديتة يايتسا, شلالات وبحيرة, العودة الى جبل فلاشتش اليوم السابع الذهاب الى جبل فلاشتش والزيارة مدينة ترافنيك,مبيت في فندق بلانكا اليوم الثامن الذهاب الى بيهاتش اليوم التاسع الزيارة شلالات شترباتشكي بوك اليوم العاشر الزيارةقلعةاوستروجاتسومدينةاوتوكا اليوم الحادي العشرالذهاب الي يايتسا ومبيت على البحيرة اليوم الثاني العشرالعودة الى سراييفو اليوم الثالث العشرالزيارة بحيرة غزلان اليوم الرابع العشرالزيارة مدينة كونيتسا, منتجع جنة في جنة وبحيرة يبلانيتشكو اليوم الخامس العشر الزيارة المدينة القديمة وكهف بيامباري وجبال تريبيفيتش ساني لاند اليوم السادس العشر المغادرة الى المطار فندق ملاك ريغينسي في سراييفو 3 ليالي فندق ايدن ليلتين موستار فندق بلانكا جبال فلاشتش ليلتين فنق بليفسكو في يايتسا ليلة واحدة فندق ريزيدنس اين باي ماريوت في سراييفو 4 ليالي ليت الله يجزاكم تطلعون ع البرنامج و الجدول وتوضحون لي اذا فيه تعديل او تغيير |
وعليكم السلام ورحمه الله وبركاته اولا : اتمنى لكم رحله سعيدة ثانيا : انا وزوجتي اول مرة في حياتنا سافرنا خارج المملكة وكانت الوجهة الى البوسنة والحمد لله اننا ما ندمنا على اختيارها كانت رحله موفقة بعون الله وجميله جدا اهنيك على اختيارك للبوسنة ارض الجمال والانهار والشلالات والطبيعة البكر واختيارك لفندق ملاك ريجنسي روعه للغاية فندق جميل والفطور لا تفوتة من الساعة السادسة صباحا حتى العاشرة افضل فندق في البونسة ولا تفوت حبحب البوسنه لذيذ ثالثا : كل مافي البوسنة جميل وجدولك جميل جدا ولكن احب ان اضيف لك بعض الاماكن اذا كان عندوك وقت روحها وهي : 1 : نبع البوسنة اتمنى انكم تذهبون اليه سيرا على الاقدام وتتمشون فيه وترجعون على العربات التى تجرها الخيول 2 : السوق القديم البتشارتشيا لزم تمرة يفضل في المساء ولا تفوت الكباب البوسني طبعا هذا في العاصمة سرايفو 3 : نفق الحياة في سرايفو عندما حاصر االصرب المسلمين كان هو النفق الوحيد الذي يدخلون عن طريقه الاكل والشرب والعلاج ونقل الجرحى يستحق الزيارة يقفل الساعة 5 مساء 4 : اليوم السادس بتزور مدينه يايتسا قريب منها مدينه دوني واقف فيها مطعم لزم تمره تتغدى مطعم جميل جدا لا تفوته مطعم رائع أسمه ساميشنيتسا بمدينة دوني واقف والشلالات تتساقط روعه فيه لحم عجل مشوي لا تفوته وسمك وكل الى تبي روعه والمكان خيااااال اذا ما تغديت فيه كنك ما رحت البوسنه ههههه اي خدمه استفسار تحت امرك اخوي ( ملاحظة رحلتي كانت جدول انا سويته بنفسي وستاجرات سيارة وفريت كل البوسنة على قوقل ماب ) |
السلام عليكم اخي الكريم رحلتي نهاية شهر 6 شباب العدد تقريبا 5 ونرد ان نستاجر سيارة . هل الافضل ان نستاجرها بسائق او بدون . وهل الافضل السكن في فيلا او فندق . وكم تقريبا ايجار سيارة تتسع لعدد 5 اشخاص وشكرا لك |
اقتباس:
|
اقتباس:
كيف الحصول على دعوة من هناك . وكم تتوقعون تكلف التاشيرة شامل كل التكاليف من دعوة وارسال الجوازات ومبلغ السفارة |
الفندق اول فندق حاجز فيه تواصل معه بالايميل ورقم حجزك في البوكينق واطلب منه يرسل لك دعوة بكامل المدة وهو يرسل بالبريد السريع ان كان مزاجهم رايق لان اصل الدعوة مطلوب لاجل التاشيرة البوسنة والهرسك تحسسني بشرط الدعوة وكأني مسافر إلى أفضل بلد في العالم وعلى قول بن جدلان ترى الدنيا مناكبها عراضي .:14: تيامنوا والا تياسروا شوي وترى الماطر واحد في شرق وشمال اذربيجان وشمال تركيا والتأشيرة من اللاب توب في البيت والا في المطار ولا دعوة ولا حجوزات فنادق يقول بن جدلان رحمه الله أما انا فحقي على الطيب وله حق عليه ... نحوهم لا احط تأييدي ولا احط اعتراضي ساجـــــد لله خضــــوع ورافـــــع لله يديّه ... السمــا مدرار والدنيـــا مناكبهــا عراضي |
اقتباس:
أما الماطر واحد ،، الله يسعدك أخي الكريم |
متابع |
اقتباس:
كم يتسغرق وصول الدعوة عبر البريد السعودي وكم تكلف تقريبا |
اقتباس:
ووجهك ماله دخل البريد السعودي .. اذا وافق الفندق على إنه يعطيك الدعوة فهو سيرسلها على DHL مثلا وبيقول لك التكلفة وغالبا يعطونك ثلاثة ايام لكل يوم حجز مدفوع في نفس الفندق .. وعلى شان ما يجي الحباي من تحت المنبطح احجز عندهم يومين في اول رحلتك ويوم في اخرها وسيضطرون يعطونك كامل المدة ويمكن تنجح الخطة ويمكن لا ... سيصلكم البريد بأقل من تكلفة جواز واحد لدى المكتب السياحي خاصة ان عددكم 5 واشوف فيه ناس مدمنين البوسنة والهرسك راح يفيدونك اكثر اقرا تقاريرهم ممكن تجد فيها ضالتك |
| الساعة الآن 07:17 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO