|
من جديد .. من تيوزلندا الى دول الاسكندنافية.. السلام عليكم صباح الخير الى احلى منتدى اخذ افكار سفراتي منه .. بعد امريكا .. كندا .. استراليا .. نيوزلنا .. واجزاء من اوروبا .. ارجع مرة ثانية الى اوروبا وعلى ضفاف الدول الاسكندنافية هالمرة .. فيزتي على دولة التشيك .. وخطتي للسفرة 10-12 يوم التشيك -- النرويج 4 ايام بالتشيك و7 ايام بالنرويج .. اسئلتي الله لايههينكم -- - لو ازود الفترة الى 16 يوم .. هل يسوى الف باقي الدول مثلا السويد او الدنمارك ؟ ولا كلهم نفس الفكرة ؟ - هل في اقتراح ثاني بتغيير الدولتين الى خيار ثاني ؟ - مبدئيا راح ابدا ب براغ 4 ايام وانتقل للنرويج واجول فيها 7 ايام بالسيارة وارجع .. هل من اقتراح اخر ؟ -- اخيرا حنا عزابيين وخفيفين .. فلايوجد خوف من التعب او البرنامج الخفيف.. وسفرتي قريبة 20 /8 ميلادي فانتظر بصمتكم النهائية.. الله يسعدكم عشان احجز هاليومين وترتيب الخطة اذا موافقين على خطتي او اغيرها ؟ لاعدمنا نصايحكم |
مو بالعادة هدوء ! �� |
مو بالعادة هدوء ! 😅 |
اهلين يا دكتور اشوف طالما خفاف وعندكم نية على اسكندنافيا تلفوا على اغلبها من براغ على ستوكهولم ومن هناك على اوسلو ومنها على ريكافيك ايسلندا بكذا تكون رحلة مثيرة |
هلا بك يافتى لندن منور البوابة لاشفنا لا أمريكا ولاكندا ولا استراليا ولا نيوزيلندا هههههههه وعدتنا بتقرير وسحبت علينا بس مو مشكلة ابشر طال عمرك وأمرنا بعد بما انك بتوصل الدول الإسكندنافية زود المدة الى ١٦ يوم اذا تقدر او ١٤ ع الأقل عشان تأخذ جوله تستمتع فيها ومنها تزور كم دوله بما إنكم خفايف والرحلة شبابية ٤ ايام براغ ٣ ايام ستوكهولم ٧ ايام النرويج اخر يومين كوبنهاجن لو عودتك من النرويج اعكس ايام كوبنهاجن والنرويج أسعار التذاكر رخيصه بين دول إسكندنافيا لو تحجز الحين النرويج لو تطلع من ستوكهولم او كوبنهاجن ع مولدي مع الترانزيت في اوسلو وتبدا جولتك من جيرانجر مرورا ع سترين وماحولها لمدة ٣ ايام وبعدها تغادر الى بيرغين وتقضي ٤ ايام مابين بيرغن وفوس وفلام لو ماتبي المدة ١٦ يوم احذف كوبنهاجن وكمان لو تخلي ايام براغ ٣ ايام افضل يمديك تلف براغ في هالثلاثة ايام |
اعتذر والله لي أسبوع والنت عطلات في الحي كامل وما ادخل الا من الجوال بس تحت امرك ياباشه باي وقت لأي استفسار ومساعدة |
شكرا جزيلا .. ويعطيكم الف عافية تو مانور الموضوع .. بوجودكم والله يافارس .. لاب توب ماعندي ولل كان نزلت لك تقرير ل استراليا ونيوزلندا .. بصراحة نيوزلندا شي خرافي .. ودي اوريك. لسكاي دايفنق اللي سويته مع البنجي .. شيء خرافي .. --- نرجع لموضوعنا .. انا حاجز مبدئيا ٣ ايام براغ يوم كوبنهاجن استراحة ٣ ايام بيرجن وماحولها ( السكن في بيرجن ) فلام وفوس ٣ ايام جيانجر وماحولها ( السكن في جيرانجر) مالاوي وسترين ١ يوم اوسلو ١ يوم لندن اسئلتي راح تكون عن النرويج بالتحديد هل اسكن بيرجن ٣ ايام واتنقل لحولها وارجع بنفس اليوم ؟ ولا كل ليلة ب مدينة ؟ ونفس الاسئلة ل جيرانجر ؟ كيف التنقل بين بيرجن وماحولها وبين جيرانجر وماحولها ؟ سيارة خاصة او عبارة او رحلات قروب ؟ لان كل ما احط بقوقل ماب يطلع طريق ب عبارة ووقت طويل .. خصوصا اني ابغى ازور Trolltunga Pulbit rock وشكرا جزيلا .. كل فنادقي حاجزها ريفندبل يعني ممكن اغير اخطة لو كل مدينة ليلة .. |
راجع لك كتبت رد طويل وراح |
اذا التقرير واقف ع الاب توب عادي نسلفك ونرسلك واحد بس انت بتنزل لنا تقرير ولا :32: مشاوير مشاوير لندن ويوم واحد كمان هههههههه ليش كل هالعنى انت تدري ان روحتك للمطار وخروجك من المطار الثاني يحتاج لك من 4 ساعات الى 5 ساعات كوبنهاجن لو تحجز ع الطيران الاسكندنافي SAS من براغ ع بيرغن وتاخذ ترانزيت طويل مثلا 22 ساعه يكون افضل لك وفي هالفتره تشوف كوبنهاجن وكمان توفر في سعر التذاكر ومن بيرغن الى لندن كمان خلي حجزك ترانزيت طويل ع اوسلو يكون افضل لك لو تبي تشوف اوسلو ولو تبي شوري احذف لندن وخاصة انك زرت لندن اول يعني راح تكتفي بالدول الاسندنافية + براغ طبعا التنقل بالسيارة ضروري في جيرانجر وبيرغن لانها نص المتعه واكثر اما السكن اذا كنت صاحب نفس طويل وعادي المشاوير عندك اسكن في بيرغن ولو حبيت تكون في الوسط اسكن فوس ليلتين واخر ليله بيرغن عشان المطار يكون اقرب لك ومن فوس تقدر تزور فلام والمناطق القريبة منها لو سكنت في بيرغن انا ارشح لك تاخذ رحلة اليوم الواحد مع قروب عن طريق المكتب السياحي وتطلع لقرية فلام بالسفينه وكذلك رحلة قطار الاكذوبه فلام فالرحلة ممتعه جدا وخاصة انك بتشوف أجمل المضايق طبعا عند الحجز احجز بكج كامل للرحلة سفينة وقطار السكن في جيرانجر او سترين عادي قريبة من بعض ويمكن التنقل بالسيارة للاماكن السياحية اللي حولها اما ترول تونكا(اللسان ترول) trolltunga فهي قريبة من قرية اودا odda تقريبا 17كم ومن فوس تقريبا المسافة ساعتين واما من بيرغن بالمسافة 190كم بس مايمديك توصل لها المشوار شاق ومتعب ويبي لها لياقة افتح هالرابط وانزل اسفل الصفحة وشوف اللي كتبته https://www.arabtrvl.com/vb/t16785-6.html وكمان الرابط مفيد عن مدينة بيرغن ولانشطه السياحية وصخرة بريكستولن (preikestolen ) pulbit rock بعيدة وليست ع الطريق وهي بالقرب من مدينة سافانجر وتبعد عنها مسافة 25 كم او ساعة تقريبا واما مسافة المشي حتى توصل للصخره 4 كيلو رايح و4 راجع من مواقف السيارات وهي النقطة الاقرب للصخرة :32: رحلة ممتعه يادكتور Save |
اقتباس:
يعطيك الف عافية يارب .. ماقصرت يا اخي انا اعزك حبتين اكثر بعد نيوزلندا ومشوراتك ... ابشر بحاول اشتريي لاب توب واكتب تقرير ب شهر 9 😅😅 ------- نرجع لل رحلة فوق .. بالنسبة لندن .. هذي احاول ادخلها في كل رحلة لي لان احبها وعندي فيزا عشر سنوات فيها .. وموقت رحلتي لها يوم العيد اذا ماكنسلت الرحلة و اجلتها ل شهر 9 بالنسبة ل كوبنهاجن .. ماكانت من ضمن خطتي اصلا .. لكن بعد ماشفت رحلات شبه دايركت ل بيرجن حطيتها وقولت ابغى ازور legoland .. كفاية .. ،، بس مايمنع احط ترانزيت طويل وانزل فيها الترويج حاط فيها 7 ايام منها يوم لاوسلو فقط عشان السفر منها ولا مافيها شي يجذبني صراحة 6 ايام في غرب النرويج .. يابدا شمال وانزل جنوب او العكس بالبداية حطيت 3 بيرجن واتفرع ل حولها وارجع بنفس اليوم و 3 ايام جيرانجر واتفرع حولها بس حسيت كذا مع قوقل ماب و الطرقات صعب تروح وترجع بنفس اليوم.. الافضل كل ليلة بمدينة .. فابغى جيرانجر سترين اليسند او مالوي بالشمال كل وحدة يوم فوس فلام بلبيت روك و ترولنقا ( يارب يكفي يوم واذا مايكفي بلغي يوم اليسند او مالوي) كل وحدة يوم فكيف توزع لي المطارات والانتقال لهم ومتى اجر سيارة بحيث تكون الرحلة من الجنوب الى الشمال او العكس ؟ مثلا النزول ب سافجار واطلع لها وبعد كذا اطلع لل ترول تونقا وبعد كذا كل مدينة يوم .. ايش رايك ؟؟ نسق لي بالتفصيل وانا بناقشك لما استقر على خطة واضح؟ وماعليك من اللياقة .. صدقني قصدت النرويج عشتن هالمكانين 😅😅😅 |
| الساعة الآن 07:55 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO