شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة اليابان (https://www.arabtrvl.com/vb/f126.html)
-   -   رحلة اليابان فزعتكم (https://www.arabtrvl.com/vb/t40067.html)

محمد1990 18-03-2019 02:28 AM

رحلة اليابان فزعتكم
 
السلام عليكم ورحمة الله وبركاته
بعد انقطاع طويل

عندي هالموضوع وما بطول عليكم

سفرتي إلى اليابان قربت راح تكون يوم الخميس 21/3/2019 والوصول إلى مطار ناريتا في طوكيو راح يكون ظهر الجمعة 22/3_2019
عندي عدة إستفسارات اتمنى إقامتي
بالنسبة للفنادق والخطة حتى الان

حجزت اول ليلة فندق طوكيو دوم وثاني يوم نروح إلى اوساكا في فندق Art hotel Osaka bay tower ونقعد 3 ليالي فيها لين يوم 26/3وبعدها نرجع طوكيو 4ليالي في غراند نيكو اوديبا ، العودة من طوكيو عصر يوم السبت 30/3 إن شاء الله، وبالنسبة تذاكر jr pass بستلمها باجر إن شاء الله عن طريق شركة الشحن

استفساراتي هي:
س١: عند وصولي مطار طوكيو ما هي انسب طريقة للانتقال من المطار إلى فندق طوكيو دوم؟
س٢: إذا كان انتقالنا من المطار بالقطار أو الباص هل يوجد مكان لوضع الشنط ؟
س3: بالنسبة لاستخدام تذكرة jrpass هل ممكن استخدامها داخل طوكيو ام فقط للانتقال بين المدن البعيدة؟

س4: وين تنصحوني اروح في اوساكا خلال 3 ايام؟
س5: وين تنصحوني ازور في طوكيو ؟
س6: ايهم افضل ديزني لاند أو ديزني سي أو يونيفرسال اوساكا؟
س7 : افضل المناطق اللي تنصحوني بزيارتها سواء من طوكيو أو اوساكا؟

س8 : هل الفنادق اللي اخترتها مناسبة؟
س9 : وانا مسافر من الامارات أخذ معاي الين الياباني ولا اخذ دولار أمريكي واصرف في اليابان؟

س 10 : بالنسبة لشراء الهدايا وملابس الأطفال والعاب الأطفال وين اروح اشتري من اوساكا أو من طوكيو واي منطقة بحصل بأسعار تكون مناسبة ، وأخيرا وين بحصل محلات كل شي 100 ين أو دايسو؟


سامحوني عالاسئلة لاني صدق مختبص في هاي السفرة واحتاج مشورتكم ادري ما تقصرون :25:

بانتظاركم ماباقي غير القليل من الوقت الضيق:e434:

Prince Kytu 18-03-2019 06:52 AM

وعليكم السلام ورحمة الله وبركاته

سظ،: عند وصولي مطار طوكيو ما هي انسب طريقة للانتقال من المطار إلى فندق طوكيو دوم؟
سظ¢: إذا كان انتقالنا من المطار بالقطار أو الباص هل يوجد مكان لوضع الشنط ؟

بالباص أفضل وفي مكان للشنط بالباص والقطارات
وأفضل شي لما توصل المطار تسأل مكتب الاستعلامات تقولهم عن اسم فندقك وهم يعطونك مكان وقوف الباص وشراء التذاكر


س3: بالنسبة لاستخدام تذكرة jrpass هل ممكن استخدامها داخل طوكيو ام فقط للانتقال بين المدن البعيدة؟

ممكن استخدامها في طوكيو لقطارات JR وأشهر خط فيها بطوكيو اسمه Yamanote Line يمر على اشهر المحطات مثل Tokyo / Akihabara / Shinjuku / Harajuku / Shimbashi / Shibuya
أما قطار الأنفاق الميترو ما يشملها


س4: وين تنصحوني اروح في اوساكا خلال 3 ايام؟

يونيفيرسال - أكواريوم - نامبا - حديقة Tsurumi Ryokuchi Park - محطة أوساكا - Yodobashi Umeda - قلعة أوساكا
في وايد أماكن بس يعتمد على اهتماماتك


س5: وين تنصحوني ازور في طوكيو ؟

الاختيارات كثيرة جدا شوف الموضوع الشامل المثبت في البوابة

س6: ايهم افضل ديزني لاند أو ديزني سي أو يونيفرسال اوساكا؟

كاحتفالات ديزني كألعاب يونيفرسال

س7 : افضل المناطق اللي تنصحوني بزيارتها سواء من طوكيو أو اوساكا؟

المناطق والأماكن تحتاج لتخطيط مسبق فأنصحك تختار من الموجود في الموضوع المثبت

س8 : هل الفنادق اللي اخترتها مناسبة؟

موقعها مناسب ولكن كان الأفضل مبدل الفترة بين فندقين طوكيو لأن أودايبا تحتاج أيام أقل

س9 : وانا مسافر من الامارات أخذ معاي الين الياباني ولا اخذ دولار أمريكي واصرف في اليابان؟

الين الياباني

س 10 : بالنسبة لشراء الهدايا وملابس الأطفال والعاب الأطفال وين اروح اشتري من اوساكا أو من طوكيو واي منطقة بحصل بأسعار تكون مناسبة ، وأخيرا وين بحصل محلات كل شي 100 ين أو دايسو؟

دايسو موجود تكتب اسمه في قوقل ماب يطلع لك
الهدايا تقدر تشتريهم من محطة طوكيو في السرداب أما الأشياء التقليدية والشعبية في السوق في أساكوسا




محمد1990 18-03-2019 08:09 AM

اقتباس:

المشاركة الأصلية كتبت بواسطة Prince Kytu (المشاركة 460822)
وعليكم السلام ورحمة الله وبركاته

سظ،: عند وصولي مطار طوكيو ما هي انسب طريقة للانتقال من المطار إلى فندق طوكيو دوم؟
سظ¢: إذا كان انتقالنا من المطار بالقطار أو الباص هل يوجد مكان لوضع الشنط ؟

بالباص أفضل وفي مكان للشنط بالباص والقطارات
وأفضل شي لما توصل المطار تسأل مكتب الاستعلامات تقولهم عن اسم فندقك وهم يعطونك مكان وقوف الباص وشراء التذاكر


س3: بالنسبة لاستخدام تذكرة jrpass هل ممكن استخدامها داخل طوكيو ام فقط للانتقال بين المدن البعيدة؟

ممكن استخدامها في طوكيو لقطارات JR وأشهر خط فيها بطوكيو اسمه Yamanote Line يمر على اشهر المحطات مثل Tokyo / Akihabara / Shinjuku / Harajuku / Shimbashi / Shibuya
أما قطار الأنفاق الميترو ما يشملها


س4: وين تنصحوني اروح في اوساكا خلال 3 ايام؟

يونيفيرسال - أكواريوم - نامبا - حديقة Tsurumi Ryokuchi Park - محطة أوساكا - Yodobashi Umeda - قلعة أوساكا
في وايد أماكن بس يعتمد على اهتماماتك


س5: وين تنصحوني ازور في طوكيو ؟

الاختيارات كثيرة جدا شوف الموضوع الشامل المثبت في البوابة

س6: ايهم افضل ديزني لاند أو ديزني سي أو يونيفرسال اوساكا؟

كاحتفالات ديزني كألعاب يونيفرسال

س7 : افضل المناطق اللي تنصحوني بزيارتها سواء من طوكيو أو اوساكا؟

المناطق والأماكن تحتاج لتخطيط مسبق فأنصحك تختار من الموجود في الموضوع المثبت

س8 : هل الفنادق اللي اخترتها مناسبة؟

موقعها مناسب ولكن كان الأفضل مبدل الفترة بين فندقين طوكيو لأن أودايبا تحتاج أيام أقل

س9 : وانا مسافر من الامارات أخذ معاي الين الياباني ولا اخذ دولار أمريكي واصرف في اليابان؟

الين الياباني

س 10 : بالنسبة لشراء الهدايا وملابس الأطفال والعاب الأطفال وين اروح اشتري من اوساكا أو من طوكيو واي منطقة بحصل بأسعار تكون مناسبة ، وأخيرا وين بحصل محلات كل شي 100 ين أو دايسو؟

دايسو موجود تكتب اسمه في قوقل ماب يطلع لك
الهدايا تقدر تشتريهم من محطة طوكيو في السرداب أما الأشياء التقليدية والشعبية في السوق في أساكوسا




يعطيك العافيه اخوي ما قصرت كفيت ووفيت

بالنسبة لمنطقة اوديبا يعني الافضل اخلي الفندق في طوكيو ومن طوكيو أزور اوديبا يوم وارجع طوكيو ؟

وبالنسبة لألعاب الأطفال وملابس الأطفال وين بحصل بأسعار مناسبة؟

بشكل عام التسوق وين أفضل في طوكيو ولا اوساكا؟

تم الإرسال من SM-N950F باستخدام Tapatalk

Prince Kytu 19-03-2019 06:05 AM


يعطيك العافيه اخوي ما قصرت كفيت ووفيت

الله يعافيك

بالنسبة لمنطقة اوديبا يعني الافضل اخلي الفندق في طوكيو ومن طوكيو أزور اوديبا يوم وارجع طوكيو ؟

تقدر تسكن في أودايبا أيام أقل أو من طوكيو تروح اودايبا وترجع الأمر متروك لك
لكن كان قصدي انك حاط 4 ليالي أودايبا و3 ليالي طوكيو والمفروض العكس لأن أودايبا أصغر وما تحتاج أكثر من يومين

وبالنسبة لألعاب الأطفال وملابس الأطفال وين بحصل بأسعار مناسبة؟

Kiddy Land

بشكل عام التسوق وين أفضل في طوكيو ولا اوساكا؟

بالنسبة للتسوق في محلات دايسو وCan Do
التسوق بشكل عام مناسب بكل منطقة أنا كنت اشتري بإلي أمر عليه وأشوفه مناسب
وبشكل عام أوساكا أرخص من طوكيو

محمد1990 19-03-2019 11:19 AM

اقتباس:

المشاركة الأصلية كتبت بواسطة Prince Kytu (المشاركة 461076)

يعطيك العافيه اخوي ما قصرت كفيت ووفيت

الله يعافيك

بالنسبة لمنطقة اوديبا يعني الافضل اخلي الفندق في طوكيو ومن طوكيو أزور اوديبا يوم وارجع طوكيو ؟

تقدر تسكن في أودايبا أيام أقل أو من طوكيو تروح اودايبا وترجع الأمر متروك لك
لكن كان قصدي انك حاط 4 ليالي أودايبا و3 ليالي طوكيو والمفروض العكس لأن أودايبا أصغر وما تحتاج أكثر من يومين

وبالنسبة لألعاب الأطفال وملابس الأطفال وين بحصل بأسعار مناسبة؟

Kiddy Land

بشكل عام التسوق وين أفضل في طوكيو ولا اوساكا؟

بالنسبة للتسوق في محلات دايسو وCan Do
التسوق بشكل عام مناسب بكل منطقة أنا كنت اشتري بإلي أمر عليه وأشوفه مناسب
وبشكل عام أوساكا أرخص من طوكيو

ما قصرت اخوي

انا اقصد انه السكن يكون في اوديبا ومنها اروح حق باقي المناطق ولكن متردد ومحتار والسفر بعد يومين والالغاء المجاني اليوم اخر يوم عندي

[emoji849]

تم الإرسال من SM-N950F باستخدام Tapatalk

Prince Kytu 19-03-2019 03:44 PM


خلك على خطتك لأن حتى حجوزات بأماكن ثانية صعب تحصل كان المفروض من قبل
ولكن لعلها خير وتستمتع
تروح وترجع بالسلامة ورحلة ممتعة

محمد1990 19-03-2019 03:52 PM

اقتباس:

المشاركة الأصلية كتبت بواسطة Prince Kytu (المشاركة 461237)

خلك على خطتك لأن حتى حجوزات بأماكن ثانية صعب تحصل كان المفروض من قبل
ولكن لعلها خير وتستمتع
تروح وترجع بالسلامة ورحلة ممتعة

الله يسلمك اخوي

بالنسبة لتذاكر دخول ديزني لاند كم سعر التذكرة للشخص البالغ وهل اشتري التذاكر اون لاين ولا من عندهم عند الوصول ؟

وشكرا لك مرة ثانية

تم الإرسال من SM-N950F باستخدام Tapatalk

Prince Kytu 19-03-2019 05:18 PM



سعر التذكرة 7400 ين
بالنسبة لي أفضل اشتريها عند المدخل
لتجنب الأيام الممطرة أو لأي ظروف أخرى واضمن أكون بهذا اليوم مستعد

محمد1990 24-03-2019 03:35 AM

اقتباس:

المشاركة الأصلية كتبت بواسطة Prince Kytu (المشاركة 461263)


سعر التذكرة 7400 ين
بالنسبة لي أفضل اشتريها عند المدخل
لتجنب الأيام الممطرة أو لأي ظروف أخرى واضمن أكون بهذا اليوم مستعد

شكرا لك على المعلومات ما قصرت

انا حاليا في اليابان

اليوم الثالث لي في اليابان ومتواجد بالتحديد حاليا في اوساكا

ابغي اجرب من مطاعم السوشي في اليابان سواء في طوكيو أو اوساكا وابغي اجرب تاكوياكي رحت اكثر من مطعم امس في شارع ماعرف اسمه قريب من محطة نامبا في اوساكا ولكن سألت البائع في المطعمين عن الاكل الحلال وخليته يشوف الصور ما فهمت عليه والمطعم الثاني اللي يبيع تاكوياكي على الرغم من الزحمة سألته قال مافي خنزير بعدين قالي وقف في الطابور حسيت انه حلال يعني ، بعد شوي شفته يرش زيت على الاكل انسحبت من الطابور على الرغم من اني كنت يوعان وخاطري اجرب هههههههه


الخلاصة: اللي يعرف اسم مطعم أو مكانه عالاقل قريب من اي محطة أو سوق يفيدني وشكرا

تم الإرسال من SM-N950F باستخدام Tapatalk

حوآء قطر 24-03-2019 11:36 AM

شنو اكلة تاكوياكي؟


الساعة الآن 09:58 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO