|
شيكاغو يونيو 2018 Chicago السلام عليكم ورحمة الله اليوم بأذن الله بكتب لكم تقرير رحلتي الأمريكية الكندية، ولكن قبل لا ابتدي في تقرير الرحلة الكندية بتكون البداية في امريكا و بالتحديد في مدينة شيكاغو بولاية الينويز تاريخ 8 يونيو، وكان يصادف نهاية شهر رمضان الكريم، سبب الزيارة في هالوقت ماكان باختياري، السبب هوه حضور حفل التخريج في شيكاغو الي يقام كل سنة في تاريخ 10 يونيو للجامعة الي درست فيها، و بفضل الله اكملت دراسة الماجستير في هذي الجامعة الأمريكية الي لها فرع عندنا في البحرين، ومقرها الأم في شيكاغو. وللطلبة المتخرجين في البحرين وحابين يحضرون حفل التخريج مع الخريجين من شيكاغو بامكانهم حضور الحفل هناك. كان التخطيط المبدئي انهي تكون فقط رحلة امريكية، شيكاغو و سياتل وسان دييغو و ميامي و اورلاندو، لكن تغيرت الخطة الى كندا، لاحقا بذكر كل تفاصيل الرحلة الكندية ان شاءالله في بداية تقرير الرحلة الكندية بعد انتهاء تقرير رحلة شيكاغو طبعا كالعادة المرافق زوجتي العزيزة:54: تفاصيل الرحلة الخطوط الناقلة للرحلة: https://www.logodesignlove.com/image...-logo-1997.jpg خط سير الرحلة للطيران الدولي : البحرين > لندن (هيثرو) > شيكاغو خط سير رحلة العودة: مونتريال > نيويورك (جون كينيدي) > (لندن هيثرو) > البحرين سعر التذكرة 327 دينار بحريني للشخص السكن : Swissotel Chicago السعر 390 دينار بحريني (4 ليالي) تم حجزه من موقع بوكنق http://proactive-reservations.co.za/...oking-logo.png رابط الفندق V V http://www.booking.com/Share-wZR1fz يتبع.... |
يوم المغادرة ودعنا الأهل و وتوجهنا الى مطار البحرين، والحمدلله كانت الرحلة على الوقت على متن الطائرة بوينق 222-777، وصلنا مطار هيثرو الساعة 6:15 صباحا، اول مره انزل هذي المطار، نظيف و مرتب لكن حسيت روحي في الهند 80 بالمئة من المسافرين هنود، 80 بالمئة موظفين المطار ايضا هنود:45: !! اعتقد اعتقد انه توجهنا حق تيرمنال 3 بالباص وهوه ترمنال الرحلات للولايات المتحدة الأمريكية واقلعت الطائرة في وقتها بدون تأخير كانت من نوع بوينق 787:72::e01d: شيكاغو اليوم الأول (يوم الوصول) وصلنا مطار شيكاغو O'hare على الوقت 11:15 صباحا وكملنا اجراءات الدخول على جهاز kiosk رحنا قاعة استلام الشنط وتأخرو الشنط تقريبا 50 دقيقة !! لكل الركاب وانفرجت بعد وصول الشنط، استلمناهم وعلى طول خرجنا برع المطار واخذنا تاكسي الى الفندق سعر التوصيلة 49.28 دولار امريكي دخلنا الفندق وسوينا Check in وعلى طول للغرفة، صلينا وعلى طوووول نزلنا وسألت موظف الفندق عن اقرب محل AT&T حق شريحة التلفون، في رحلتي السابقة لأمريكا خذت شريحة T-Mobile بس هالمره قلت اجرب AT&T الفندق موقعه جدا ممتاز قريب من الـ Millennium park وشارع التسوق North Michigan الي اهوه معروف بأسم Magnificent Mile خرجنا من الفندق و على طول الـ Millennium Park حق اصور اشهر معالم شيكاغو واهوه الـ Cloud gate او مثل ما يسمونه الأمريكان The bean وبعدها دخلنه محل AT&T واخذت شريحة تلفون، بيانات غير محدودة (اهم شي) لمدة شهر وتستخدم لأمريكا وكندا و المكسيك، وبصراحة ماندمت الأنترنت سريع و تغطية في كل مكان طول الرحلة في كل اماكن كندا ايضا سعر الشريحة 101.49 دولار امريكي اخليكم مع الصور https://www.arabtrvl.com/up/uploads/...0995747511.jpg https://www.arabtrvl.com/up/uploads/...0995747582.jpg https://www.arabtrvl.com/up/uploads/...0995747653.jpg https://www.arabtrvl.com/up/uploads/...0995747734.jpg برج ترامب في سنة 2001 اعلن دونالد ترمب انه بيبني اطول برج في العالم في شيكاغو، ولكن بعد احداث 11 سبتمبر:48::24: غير كلامه، بدأ مشروع البرج في 2005 وانتهى في 2009 شيكاغو معروفة بالببيتزا الشهيره مالتهم Chicago deep dish pizza واشهر مطعم يتقنها اسمها Giordano's وله 6 فروع في شيكاغو (الداون تاون) شكلها صغير ولكن تشبع شخصين، انه خذت البيتزا وزوجتي طلبت باستا، الحساب 47.83 دولار https://www.arabtrvl.com/up/uploads/...0995747795.jpg https://www.arabtrvl.com/up/uploads/...0995747846.jpg تمشينة شوي في المدينة مبنى The Wrigley Building https://www.arabtrvl.com/up/uploads/...0995747897.jpg https://www.arabtrvl.com/up/uploads/...0995747968.jpg https://www.arabtrvl.com/up/uploads/...0995748029.jpg تقريبا بداية شارع ماقنفسنت مايل https://www.arabtrvl.com/up/uploads/...9957480610.jpg وبعد هذي الجولة البسيطة قلنه خلاص نرجع الفندق ونام حق اليوم الثاني يتبع..... |
مبروك التخرج وعقبال الدكتوراه صحيح مطار هيثرو كثير هنود بريطانيين بداية جميلة جدا الله على جمال شيكاغو وكلاود شيكاغو اول مرة اشوف البيتزا هذي احس اكلها صعب تعجبني اللي تكون رقيقة ومقرمشة بس مبين ما شاء الله لذيذة بالعافية عليكم يا سلام على تصويرك يا علي زوايا جميلة دايم مبدع متابعين |
السلام عليكم و رحمة الله و بركاته ..... يا سلام .... تقرير في وقته .... انا حاليا في شيكاغو و يصراحة المدينة جميلة و تستحق الزيارة Cloud Gate من احمل المواقع بصراحة ..... |
مبروك التخرج علي ومنها للأعلى ان شاءالله مطار هيثرو وبريطانيا بكبرها استعمار هنود �� ماشاءالله فندقكم سويس وايد حلو وكنت شايفه كذا واحد منهم في دول مختلفه حلوين صراحه فنادقهم ممتازه الله وايد تأخروا جناطكم 50 دقيقه شنو السبب ياسلااام جميله شيكاغو و الكل يمدح فيها ان شاءالله ازورها والتصوير ما شاءالله لا يعلى عليه قواك الله متابعين معاك واللهم زِد وبارك في التقارير الامريكية |
مبروك التخرج وعقبال الدكتوراه موقع الفندق رائع جدا اول مرة اشوف هالبيتزا شكلها لذيذ عليكم بالعافية بانتظار باقي التقرير |
مبروك التخرج AT&T زين يوم سووا بيانات غير محدودة اذكر اخر مرة استخدمتها كانوا يعطون 5 جيجا بس وارسالها افضل من تي موبايل البيتزا شكلها لذيذ شيكاغو هذي المدينة اللي أتمنى ازورها برغم زياراتي العديدة الى أمريكا وزرت اغلب المدن والأماكن السياحية اللا اني شيكاغو ما زرتها سجلني من المتابعين |
اقتباس:
الله يبارك فيك بوغسان اكلها مب صعب بس تشبع بسرعه منها اقتباس:
اقتباس:
الله يبارك فيج اختي اي والله الفندق ممتاز وسعره كان جدا مناسب مقارنة بالفنادق القديمة الي حصلتها في بوكنق والله ماعرف شنو كان سبب تأخير الشنط اقتباس:
اقتباس:
اهلا بيك استاذي اي والله شي طيب من AT&t واعتقد الحين T MOBILE عندهم نفس الباقة بالضبط شيكاغو حلوه حق فتره بسيطة مثل 3 ايام ممتازه جدا |
شيكاغو اليوم الثاني اليوم الثاني كانت الخطة ان نفطر في احد المطاعم او المقاهي القريبة من الفندق، وبعدها نتوجه الى Wintrust arena لإستلام روب/ثوب التخرج والعصر نتوجه حق الـ Navy pier.........المخطط اليومي مجهز من البحرين للرحلة كلها المقهى الي نبي نروحه للفطور اسمه Wildberry Pancakes & Cafe بعد ماصحينه وصلينه و تجهزنه شفنه انه الجو ممطر:e04b: و اخذنا المظلة ونزلنا نتمشى للمقهى وصلنا عنده بس كان مزحووم بشكل غير طبيعي:10: فتحتنا برنامج yelp و قوقل ماب نبحث عن شي حلو وقريب، وشفنه مطعم اسمه Eggys قريب من الفندق وتوجهنه له، وطلع شي مضبووط:58::58: طلبت قهوة وبوريتو، وزوجتي بيض بالجبن مع شاي، السعر 27.76 دولار https://www.arabtrvl.com/up/uploads/...3107361181.jpg خلصنا من الفطور ورجعنه للفندق بما انه المطعم صاير خلف الفندق حق نرجع المظلة لأنه وقف المطر و مابغي احملها معاي https://www.arabtrvl.com/up/uploads/...1073611872.jpg هذي الدرج يوصل الى خلف الفندق https://www.arabtrvl.com/up/uploads/...1073611943.jpg https://www.arabtrvl.com/up/uploads/...1073612024.jpg https://www.arabtrvl.com/up/uploads/...1073612095.jpg وهذي الفندق https://www.arabtrvl.com/up/uploads/...1073612146.jpg المسافة بين الفندق و الـ Wintrust arena تقريبا 55 دقيقة مشي، اخذنا Uber وتوجهنا هناك سعر التوصيلة 16.68 دولار Wintrust arena اهوه الملعب الخاص لفريق كرة السلة للجامعة الي يسمونه Blue Demons، و اهوه المكان الي سوف يقام فيه حفل التخرج وصلنا واستلمت روب التخرج و حبينه نرجع مشي هالمره حق نزور نافورة Buckingham Fountain في حديقة Grant park https://www.arabtrvl.com/up/uploads/...3107361227.jpg https://www.arabtrvl.com/up/uploads/...1073612298.jpg https://www.arabtrvl.com/up/uploads/...1073612369.jpg وهذي اهيه نافورة Buckingham Fountain استرحنا شوي عند النافورة واخذنا عصير مثلج، السعر 7.8 دولار https://www.arabtrvl.com/up/uploads/...0736124210.jpg https://www.arabtrvl.com/up/uploads/...1073682851.jpg واصلنا المشي للفندق واخذنا قسط من الراحة وهذي الإطلالة من غرفة الفندق لو تلاحظون نزل الضباب من جهة البحر و تغير الجو شوي https://www.arabtrvl.com/up/uploads/...1073682912.jpg وهذي حديقة Lake Shore East Park الي خلف الفندق ومقابلها مطعم eggys الي تفطرنا منها https://www.arabtrvl.com/up/uploads/...1073682953.jpg وهذي اهوه Eggys https://www.arabtrvl.com/up/uploads/...5310736834.jpg بعد قسط من الراحة كان بالبرنامج زيارة الـ Navy pier ويبعد تقريبا عن الفندق 20 دقيقه مشي https://www.arabtrvl.com/up/uploads/...1073683045.jpg طبعا المكان مقاهي و مطاعم ومحلات هدايا تذكارية https://www.arabtrvl.com/up/uploads/...1073683096.jpg https://www.arabtrvl.com/up/uploads/...1073683137.jpg https://www.arabtrvl.com/up/uploads/...1073683198.jpg وعقب المشي في الـ Navy pier طلعنا واشتد الضباب https://www.arabtrvl.com/up/uploads/...1073683249.jpg https://www.arabtrvl.com/up/uploads/...0736832910.jpg حسينه بالجوع واحنه نتمشه وشفنه مطعم برجر على الطريق، بس ماعجبني اعطيه 2 من 5 السعر 30.55 دولار https://www.arabtrvl.com/up/uploads/...1073732791.jpg لفت انتباهي هذي البيت الحلو و والبسيط وسط العمارات https://www.arabtrvl.com/up/uploads/...1073732832.jpg وصلنا ال Magnificent mile وقالت زوجتي بتدخل بعض المحلات، وانه قلت لها بكون على الشارع اخذ بعض الصور https://www.arabtrvl.com/up/uploads/...1073732883.jpg https://www.arabtrvl.com/up/uploads/...1073732934.jpg https://www.arabtrvl.com/up/uploads/...1073732985.jpg https://www.arabtrvl.com/up/uploads/...1073733036.jpg https://www.arabtrvl.com/up/uploads/...1073733087.jpg بعد شارع ماقنفسنت كنت ابي ازور مسرح شيكاغو Chicago theatre حق اخذ له بعض الصور، وهوه احد الأشياء المشهورة في المدينة والي انفتح عام 1921 https://www.arabtrvl.com/up/uploads/...1073733128.jpg https://www.arabtrvl.com/up/uploads/...1073733179.jpg وانتهى ثاني يوم بمرورنه بال Cloud gate و تصوير مسائي للحديقة https://www.arabtrvl.com/up/uploads/...0737332210.jpg https://www.arabtrvl.com/up/uploads/...1073745631.jpg https://www.arabtrvl.com/up/uploads/...1073745692.jpg يتبع..... |
شيكاغو اليوم الثالث اليوم الثالث هوه يوم جفل التخرج، صحينه من الصباح الباكر مع انه الحفل يبتدي الساعة 1:00 الضهر نفس يوم امس رحنه حق مقهى Wildberry وكالعاده كان زحمة لأنه عطلة وقلنه اليوم الي بعده اذا مزحوم بننتظر، بس اليوم نبقي نكسب وقت ورحنه فطرنه عند Eggys مره ثانية بس ماصورت اليوم:17: سعر الفطور :26.65 دولار ورجعنه للفندق و تجهزنه لحفل التخرج وصورت في الـ Cloud gate بالروب التخرج للذكره واخذنه Uber للـ Wintrusr Arena بسعر 19.95 دولار, سعر الـ Uber شي بسيط مرتفع لأني خذت Uber X خاص للمشوار تفاديا للزحمة، العاده اخذ Uber pool الي يكون معانه ناس او ياخذ ناس على دربه للتوصيل. وصلنه هناك واخذت المدام الكاميرا معاها وانه دخلت واتفقنه نتلاقه عند فندق Marriot Marquis مقابل الصالة بعد انتهاء الحفلة صور الحفل https://www.arabtrvl.com/up/uploads/...1082101641.jpg https://www.arabtrvl.com/up/uploads/...1082101712.jpg https://www.arabtrvl.com/up/uploads/...1082101753.jpg https://www.arabtrvl.com/up/uploads/...1082101814.jpg https://www.arabtrvl.com/up/uploads/...1082101875.jpg https://www.arabtrvl.com/up/uploads/...1082101936.jpg https://www.arabtrvl.com/up/uploads/...1082102047.jpg و بعد انتهاء الحفل رجعنه ايضا بالـ Uber للفندق بسعر 11.34 دولار ارتاحينه في الفندق وطلعنا العصر نتمشى و واكلنا في مطعم مكسيكي https://www.arabtrvl.com/up/uploads/...1082102148.jpg https://www.arabtrvl.com/up/uploads/...1082102219.jpg المطعم كان لا بأس فيه، السعر28.18 دولار و تمشينه شوي في الجزء الغربي واحنه داخلين على الماقنفسنت مايل وارجعين للفندق https://www.arabtrvl.com/up/uploads/...0821022610.jpg https://www.arabtrvl.com/up/uploads/...1082120051.jpg https://www.arabtrvl.com/up/uploads/...3108212012.jpg https://www.arabtrvl.com/up/uploads/...1082120153.jpg وقبل لا نرجع الفندق اكلنا آيسكريم عند Ghirardelli بسعر 13.23 دولار https://www.arabtrvl.com/up/uploads/...1082120194.jpg فندق Hyatt قريب من فندقنا وموقعه ممتاز https://www.arabtrvl.com/up/uploads/...1082120255.jpg الفيرمونت على اليمين و الراديسون على اليسار ايضا مواقعهم جدا جدا ممتازه https://www.arabtrvl.com/up/uploads/...1082120297.jpg و هذي نهاية اليوم الثالث يتبع...... |
| الساعة الآن 06:56 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO