|
لاحد يبخل علي اليله إن شاء الله مغادر للفلبين سفري للفلبين همي الاول والاخير علاج الاسنان لاتحرمونا من نصائحكم الي متخوف منه الوضع الامني هل هو تمام ولا كي |
رد: لاحد يبخل علي نفسي اعرف مين اللي معطيك فكره انهم مجرمين :(48): امورك طيبه عزيزي خذ نفس عميق وانبسط طالما انك في حالك مافي احد يكلمك البلد آمنه وجميله وشعبها طيب ومحب للابتسامه وخلك مثلهم لاتبخل بالابتسامه تراها صدقة قبل كل شئ وبالتوفيق في رحلتك ان شاءالله واي استفسارات اخرى ماراح نقصر معاك تحياتي |
رد: لاحد يبخل علي أهلا بك أخوي منصور ... سفرا سعيدا وبإذن الله وعودا لأهلك حميدا .. خذ هذه النصائح : 1- تقوى الله سبحانه والتوكل عليه فهو الحافظ أولا وقبل كل شيء . 2- لا تخرج وتتمشى ومعك مبلغ كبير من المال خذ ما يكفيك فقط ودع الباقي في الفندق . 3- لا تتمشى في وقت متأخر من الليل ، وإذا أردت مكان في الليل والمسافة بعيدة خذ تاكسي 4- حاول أنك ما تطلع فلوسك بالشارع لأن الشحاتين كثير خاصة في مانيلا عكس باقيو وإذا شافوك مطلع فلوسك يجونك. 5- إذا أعطيت مالا لأحد الشحاتين حاول يكون لحاله أو بدون ما يراك أحد لأنهم أحيانا يكونون مجموعات وإذا أعطيت واحد تجمعوا عليك البقية علشان تعطيهم. 6- إذا فكرة تسوي مساج لا تسمع للعروض اللي في الشارع يقول لك تعال مساج ، في أماكن راقية ونظيفة ومحترمه . 7- أصحاب التكاسي بمانيلا إذا قال لك 400 بيسو قل له 200 بيسو إذا قال 800 بيسو قل له 400 بيسو ، طبعا باقيو ما يحتاج تكاسر في السعر لأن كل التكاسي يتعامل بالمتر . 8- حاول تتجنب أكل البيتزا لأن غالبها يكون مزين بقطع لحم الخنزير حاول تأكل بالمطاعم العربية وإذا أكلت بمطعم أجنبي أسأله هذه الأكله فيها خنزير ولا لا . لا تكون حذر زيادة عن الزوم تمش وفلها البلد بعد حفظ الله أمان النصائح اللي فوق مجرد تنيه أنا عايش بالبلد هذا 5 أشهر مرتاح ولله الحمد شعب طيب فوق ما تتصور . ولا تنسى تصور وتكتب لنا عن رحلتك .. رافقتك السلامة ... |
رد: لاحد يبخل علي اقتباس:
يانعنبا مطار اندونيسيا شعب طيب جداًجداً اشكرك جزيل الشكر يابطل |
رد: لاحد يبخل علي اقتباس:
ونعم بالله عز وجل اللهم لاتزغ قلوبنا وأغننا بحلالك عن حرام أبشرك اني خير من يمثل بلادي عزة نفس وشموخ الدنفسه ماني براعيه ماني بلصمقها ولا اعرف لصماقها ههههههههههههههه مثل يقولونه الطيبين المهم يالامير اني وصلت الفلبين ومن قبل احجز من ثلاث شهور وانا متفق مع فلبيني طلع كمخه اتصل عليه في يوم الرحله مايرد علي عاد انا وياه بنفس الرحله 870 حاجز بناءاً ع حجزه مارد علي وقبل اطلع الرحله قابلت سعودين شرواكم وقلت لهم سالفتي وقالو اتركه انت الربحان وحنا بنسنعك وحنا بالطياره مرتين رحت الى اخر الطياره عشان المصلي اصلي وارجع ومنها اتلفت يمين يسار يمكن اشوف الفلبيني الكمخه مالقيته قلت يمكن غير رحلته وشردت بالذهن وانا بالطياره الى هالدرجه وش سالفته هل هو خايف مني ولا مايبي يبلش فيني ع قولتهم دنا احوليت يارقاله عبينا بطاقة الدخول الى الفلبين وسعود ابو محمد شخص امير سعودي ببطاقة مواطن هو الذي قام بتعبئه بطاقة الدخول يصحبه اثنين من اخوياه والله ماعرفهم الا وحنا متوجهين بنركب الطياره عاد طال عمرك وعمر من يقرا الحين ، سحبناها نومه الين قبل نزول الطائره بحدود ساعه الا ربع وحنا نستلم او نتظر العفش قابلت الكمخه الفلبيني خويي والشباب استلمو عفشهم وينتظروني برى قابلته وهلا والله ليش انتى مافيه رد عاد يتعذر يقول جوالي مندس داخل الجنبيه الي لابسها قلت مافيه بروبلم روح انا وانتى سوا قال نو بربلم طلعت لا ابو محمد بيض الله وجهه ووفقه لما يحب ويرضى امير امير يالربع قال خلك معنا قلت لقيته وإن شالله اموري طيبه وعطاني رقمه ورجعت لخويي الفلبين وامحق خوي :(127): استلمت عفشي انا وياه وطلعنا وجا اخوه وركبنا معه وحنا نمشي بالسياره حسيت انه مبتلش فيني اخو العيال قلت يافلان ودي اوتيل وانت روح مع فاملي بعدين تعال رحنا لمول اس ام كني معطيه عطا عاد رحنا للأوتيل وخذيته بألف وستميه بيسو ابد فندق لونه اخضر مقابل اس ام اتوقع اسمه ايرو نمت فيه والصباح جاني بالفندق وقالي المدام في المول تنتظره وانه مشغول والمدام زعلانه تبي يفضى لهم قلت الله يستر عليك بكل ود واحترام حزمت اغراضي وحجزت عن طريق البوكينق فندق طلع بعيد في منطقه اسمها كالوكان مادريت انه بعيد الا يوم نزلت تحت لقيت سواق واخذته وسيده لفندق مكاتي بالاس غالي والله بس قلت اباخذه لين تتيسر اتصلت بأبو محمد الي هو سعود وقال ابد امورك طيبه بنحجز لك فندق قريب من شقتنا وبكره الصباح بغادر الفندق متوجه للفندق الجديد عاد نسيت اسمه اتوقع ارفيل توني زي كذا اسمه هذي اعلومي وسلامتكم وسوف نوافيكم بكل جديد يالامير التصوير واني بسوي تقرير ماضنتي ياعبيد تاكل بطاطا لا وتصوير بعد والله انه ودي بس لاكامره وفوق كذا ماعرف انزل صور أشكرك يالامير ع النصايح وكثر الله امثالك وعسانا مانفقدك يالامير |
رد: لاحد يبخل علي اقتباس:
الحمد لله على السلامة أخوي منصور ... والله فاطس ضحك على سوالفك :yolks00290: الحمد لله .. الله يسر لك الشباب يساعدونك .. يالله أستمتع وأقضي إجازة سعيدة .. راح تكون بعد سنين من الذكريات وعقبال ما ترجع عند أهلك وأبتسامتك كذا :yolks00740: العفو يا غالي ربي يسعدك |
| الساعة الآن 01:59 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO