|
رحلتي إلى اديس ابابا بسم الله الرحمن الرحم السلام عليكم ورحمة الله وبركاته أسعد الله أوقاتكم بكل خير :e304: انا مالي في التقارير كثير ونخليها دردشة عن اديس ابابا من (وجهة نظري) بعد زيارتي لها طبعا كانت رحلتي الذهاب الرياض جدة اديس يوم 30 مارس 2019 وصلت على الفجر الجو رائع برودة لطيفه المطار متواضع جدا موضوع تختيم الجواز هناك كان شوي مزعج وطوابير طويلة وبطئ في العمل ماعلينا طلعنا جانا صاحب الفيلا الي مستاجرينها يتعذر الفيلا انحجزت بالغلط ومدري كيف:21: رحنا فندق متوسط شكله مع انهم يقولون انه فخم المهم حجزنا ليله ونمنا اكثر شي ضايقني انه مافي ((((مكيفااااااات)))) الوضع اثار استغرابي وضايقني كثير صحينا الظهر رحنا مطعم يمني اظن اسمه حضرموت المهم شغل مندي وحنيذ والمطعم طبخه كويس بس جلسات غير مريحه وازعاج تمشينا كذا مكان داخل اديس ورجعنا الليل نمنا طبعا بداية الليل لان من اكبر عيوب اثيوبيا انه الساعه 9 بالليل كل شي يقفل تقريبا حتى اغلب انارات الشوارع هههههه اليوم الثاني رحنا الفيلا كانت صراحه كويسه ثلاث غرف دورتين مياه صاله كبيره حوش متأمنه بشكل ممتاز وشغاله معها بسعر 330 ريال في اليوم وقريبة من المطار بس برضه مافيه مكيفاااااااات :10: المهم كنا نصرف فلوس من السوق السودا لانه فرق الصرف عن البنك بشكل كبير يعني البنك اظن يصرف الالف سعودي بـ7500 بر والسوق السودا بـ9500 بر طبعا معنا سواق يوميته بـ1000 بر بما يعادل تقريبا 110 ريال واذا مشوار خارج اديس أبابا 1500بر طبعا بالمختصر زرنا اكثر من مكان مثل الشيرتون وكريفتو ودبرازيد وبعض الجبال ناسي اسمها وفنادق وكنائس واسواق شعبيه ومولات طبعا متواضعه وكذا منتجع وكذا مكان إيجابات البلد:e304: 1- الجو كان رائع من معتدل الى بروده لطيفه وممطر 2- رخص البلد يعني تقدر تقول بلاش 3- المناظر الخلابة والخضرة الدائمة 4- اهلها طيبين 5- محد يطلب بخشيش (بالنسبة لي) .... سلبيات البلد:e023: 1- ضعف البنية التحتيه من شوارع ومرافق عامه 2- الشحاته في الاسواق بشكل مبالغ فيه 3- النقطه هذه شوي ملخبطه موضوع الامن النفسي يعني محد ضايقنا او تعدا علينا ولكن انا او اي من اصدقائي لم نشعر بالامن الداخلي تحس ان فيه هاجس كذا 4- النت بطيييييييييييييييء 5- المطاعم سيئة جدا جدا بستثناء العالميه 6- الساعة 9 بالليل يسكروا اديس وينامون :32: اغلب الاماكن تغلق 9م ..... الخلاصة الواضح ان البلد مقبل على نهضة فأين ما نظرت تجد مشاريع صينية على قدم وساق حتى خارج اديس بالمختصر بالنسبة لي ووجهة نظري الشخصية البلد لم يناسبني أبدا ولا أنصح بزيارته أما بالنسبه للأشخاص الي يشوف السلبيات الي كتبتها عاديه فأنصح بزيارته لانه في الاخير بلد جميل المنظر جميل الجو العودة كانت في تاريخ 9 أبريل 2019 عن طريق الخطوط الاثيوبيه من أديس الى الرياض مباشرة إستغرقت الرحلة 3 ساعات والخطوط الاثيوبية جدا متواضعة في خدماتها وطائراتها ودمتم بحفظ الله ورعايته |
وجهة جديدة ومن الاماكن اللي مانشوف لها تقارير كثير شكرا عالتقرير وايضاحك للإيجابيات والسلبيات العامل النفسي ونقطة الامان مهم وهي اللي تحدد نجاح الرحلة من عدمها يعطيك العافية :e314: |
اقتباس:
صحيح العامل النفسي اهم شي مرورك وردك اسعدني |
الله يسعدك يابو عمر ما يميز اديس قربها من جدة والجو فيها خيالي خاصة بالصيف يكون الجو بارد فيها مع امطار فعلا الشعب طيب والاكل مقبول لو عرفت وين تاكل اديس محتاجة خبرة و واحد يزورها اكثر من مرة عشان تتعود على اجوائها بالنسبة لنا في جدة نعتبرها هي والقاهرة تغيير جو ممكن تروح لها ويكند لقربها جميل ذكرك للايجابيات والسلبيات وانا معك في كل ما ذكرته |
اقتباس:
اشكر مرورك وردك اسعدني |
شكرا لك على هالتقرير المختصر |
اقتباس:
العفو حبيبي مرورك أسعدني |
قواك الله بوعمر على الدردشة الخفيفه شنو كان هدفك من زيارتها ؟؟ ولا بس جذي تبي تشوفها ؟؟ |
يعطيك العافيه على ذكر تجربتك ونفس سؤال ابرار ماهو الهدف من الزيارهرسياحه والا عمل ؟ |
اقتباس:
حياك الله صراحة الهدف كان سياحة وتعرف على ثقافة غريبة وجديدة عن مجتمعنا الخليجي :e307: |
| الساعة الآن 11:19 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO