شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة ايطاليا (https://www.arabtrvl.com/vb/f156.html)
-   -   استفسار عن ميلان وروما ؟ (https://www.arabtrvl.com/vb/t1253.html)

توت احمر 12-01-2015 08:51 PM

استفسار عن ميلان وروما ؟
 
مساء الخير للجميع
ان شاء الله الجميع بخير وعافية
انا عندي استفسارات والي يجاوبني اكون له ممنون انا مسافر الى ايطاليا انا وشريكتي وقطعت التذاكر وخلصت منها بس باقي البرنامج مو مزبوط وابغى مساعدتكم والرحلة 5 ايام بميلان و4 ايام بروما واستفساراتي كالتالي :

1- افضل سكن حول الدومو بمعدل 400 ريال الى 600 في الليلة ويكون حول محطة القطار الرئيسية
2- بنحضر مباراة في ملعب سان سيرو كيف نوصل لها من ساحة الدومو
3- ملاهي جاردا لاند كيف نوصل لها وهل الافضل نسكن هناك ولا نروح ونجي من ميلان
4- هل استطيع اعرف احد من الاخوة العرب هناك يكون دليل لنا عشان لغتي انا وشريكتي صفر
5- السفر من ميلان الى روما بالقطار هل احد عنده معلومات وهل اللغة عائق هناك
6- افضل منطقة سكن مناسب بروما
7- حديقة الحيوانات بروما هل احد عندة معرفة ومعلومات عنها وحدائق الزهور ابغى ازور وحده منها
الله يعطيكم العافية وشكرا للجميع

وجهات أوروبية 13-01-2015 04:06 AM

رد: استفسار عن ميلان وروما ؟
 
ياهلا ومرحبا اخوي توت احمر منور الله يسلمك
الله يباركم لكم انت وشريكتك ان شاء الله
وتستمتعون بالسفره
اللهم امييين




بالنسبه للأستفساراتك الله يقدرني اني افيدك
والمشرفين ان شاء الله كلهم ماراح يقصرون معاك


بسم الله توكنا على الله


مساء النور والسرور بخير الله يسلمك ومن صوبك


1- يفضل سكن حول الدومو بمعدل 400 ريال الى 600 في الليلة ويكون حول محطة القطار الرئيسية


اكيد اخوي يفضل السكن حول الدومو او اذا بغيت ارخص يكون قريب من الدومو وقريب من محطه المترو لسهوله التنقل من والى
اذا ممكن تعطينا تقريبا حدودك بالليله عشان الاخوان يساعدونك


2- بنحضر مباراة في ملعب سان سيرو كيف نوصل لها من ساحة الدومو


محطه الدومو اسمها Duomo
هالمحطه فيها خطين الاحمر رقم1 - والاصفر رقم 3


تاخذ الخط الاحمر رقم واحد هو الي يوصلك الى ملعب السان سيرو


محطه مترو سان سيرو اسمها Lotto Fiera


من الدومو الى لوتو فيير ( سان سيرو ) 7 محطات
والثامنه هي محطه لوتو فييررا


ومترو الدومو تحصله بنص الساحه الي فيها الكنيسه
في درج تنزل لها تحت

3- ملاهي جاردا لاند كيف نوصل لها وهل الافضل نسكن هناك ولا نروح ونجي من ميلان


من ميلانو الى GARDA LAND
بالسياره تقريبا ساعتين الاربع
لو بتحسبها روحه ورجعه 4 ساعات
ويبغيلكم وقت داخل الالعاب

لو تقعد ليله في مدينه سيرموني ( Sirmione ) القريبه منها افضل وعلى بحيره جاردا


من سيرموني الى مدينه الالعاب مابين ربع ساعه الى 20 دقيقه


والسبب الثاني ان عدد ايامك حلوه 5 ايام
وميلانو تستحق بالكثير 3 ايام
وتقدر يوم تروح الى لوغانو ( سويسرا )




5- السفر من ميلان الى روما بالقطار هل احد عنده معلومات وهل اللغة عائق هناك


بالقطار تختلف حسب سرعه القطار
اسرع رحله توصل في ساعتين و 40 دقيقه
الى 3 ساعات و ونص
والرحلات دايركت بدون تبديل قطار

تطلع من ميلانو من محطه Milano Centrale
وتوصل روما بمحطه Roma Termini


6- افضل منطقة سكن مناسب بروما




افضل منطقه سكن بروما هي المنطقه القريبه من ساحه الاسبان
كل شي يكون جنبك شارع المركات والمطاعم والمحلات التجاريه

7- حديقة الحيوانات بروما هل احد عندة معرفة ومعلومات عنها وحدائق الزهور ابغى ازور وحده منها




بالنسبه لحديقه حيوانات روما


اسمها بيوباركو (Bioparco Rome )
وهي قريبه من محطه القطارات الرئيسيه في روما من شمالي المحطه




اوقات افتتاح الحديقه :
انا ماعرف وقت السفر
بس من يناير الى 27 مارس من الساعه 9 ونص الصبح - وتغلق الساعه 5 مساء
من 28 مارس الى 27 سبتمبر من 9 ونص الصبح - وتغلق 6 مساء
في الويكند تفتح الساعه 9 ونص الصبح - وتغلق 7 مساء
سعر دخول الحديقه للكبار 15 يورو
وللصغار من طول متر الى عمر 12 سنه السعر 12 يورو
عندهم قطار يتجول داخل الحديقه سعره 1.5 للشخص
طريقه الوصول لحديقه الحيوان بالمترو
تصل له عن طريق محطتين
وخط المحطتين باللون الاحمر حرف A
1- Flaminio
2- Spagna


اما حديقه الزهور
اذا تقصد حديقه نينفا ninfa
جنوب روما بالسياره
بمنطقه اللاتين
للأسف تفتح فتره قصيره بالسنه للمحافظه على الطبيعه الي فيها
الان مغلقه راح تفتح ان شاء الله شهر ابريل الى نوفمبر
وايضا كل شهر تفتح بس كم ومن ثم تغلق
اتمنى استطعت الاجابه على استفساراتك
اذا عندك اي استفسارات اسدحها ومايصير خاطرك الا طيب
مجرد اقتراح بما انك راح انت وشريكتك والمده 9 ايام تكفي لروما وميلان وزياده
اذا لك خاطر تزور البندقيه ( فينيسيا ) او فلورنسا او برج بيزا المائل !!
تحياتي لك




توت احمر 13-01-2015 05:39 PM

رد: استفسار عن ميلان وروما ؟
 
تسلم عيونك اخي qa6ar911 وهذا كله من ذوقك الله يعطيك العافية

بالنسبة لميزانيتي ما بين 400 ريال الى 600 ريال
وحبيت استفسر يعني لما نطلع الى السانسيرو نطلع الى محطة الدومو هل تقصد محطة سنترالي ؟
وهل يااخي الذهاب من الدومو الى جاردا بالسيارة مكلف ولا لا ؟
اقصد حدائق تيفولي الله يسلمك

اش رائك بجدولي جدولي بيكون :
نوصل ميلان يوم 5 مايو ونرتاح بالفندق ثم نتجه يوم 6 مايو الى سيرموني ونبغى نجلس بها يومي 6 و 7 مايو عشان نفر الملاهي فر ثم نتجه الى لوغانو يوم 8 مايو ثم الرجوع الى ميلان يوم 9 مايو عشان نحضر المبارة يوم 10 مايو بين الميلان وروما ثم يوم 11 نتجه بالقطار الى روما
وننظم الى رحلة جماعية :
لمدة 6 ايام بنزور فلورنسا وفينسيا و اسيسي


مشكلتي اخي اني اول مرة اسافر خارج البلد ولغتي ضعيفة جدا هل تنصحني ان ابحث في ميلان عن مرشد عربي وهل هو مكلف حيث ان بقية برنامجي الي من روما مع مرشد ظمن الرحلة الجماعية

والله يعطيك العافية وتسلم عيونك

توت احمر 13-01-2015 05:43 PM

رد: استفسار عن ميلان وروما ؟
 
من الدومو الى لوتو فيير ( سان سيرو ) 7 محطات
والثامنه هي محطه لوتو فييررا


اخي اول مرة بطلع القطار عندنا بالسعودية ما نستعملة عشان كذا مو فاهم هل تقصد اذا ركبنا احسب 7 وقفات بعدين ننزل في الثامنة

مقدام 13-01-2015 07:06 PM

رد: استفسار عن ميلان وروما ؟
 
الافضل من وجهة نظري تسكنون الخمس ايام في ميلان ومنها تزورون الاماكن اللي حولها بالقطار


وللوصول الى حديقة العاب جاردا بالقطار من ميلان يكون من محطة Milano Centrale
الى محطة Peschiera del Garda والوقت تقريبا ساعه و7 دقايق
ومن محطة Peschiera del Garda فيه باصات شتل مجانية تاخذكم الى حديقة العاب جاردا وتنطلق كل نص ساعه


واوقات القطارات من ميلان الى جاردا
الساعه 7.35 صباحا و 8.35 و9.35 و 10.05 و10.35
والافضل تتأكدون اكثر من مواعيد الرحلات عند حجز التذكرة

توت احمر 13-01-2015 07:29 PM

رد: استفسار عن ميلان وروما ؟
 
اقتباس:

المشاركة الأصلية كتبت بواسطة مقدام (المشاركة 19600)
الافضل من وجهة نظري تسكنون الخمس ايام في ميلان ومنها تزورون الاماكن اللي حولها بالقطار


وللوصول الى حديقة العاب جاردا بالقطار من ميلان يكون من محطة Milano Centrale
الى محطة Peschiera del Garda والوقت تقريبا ساعه و7 دقايق
ومن محطة Peschiera del Garda فيه باصات شتل مجانية تاخذكم الى حديقة العاب جاردا وتنطلق كل نص ساعه


واوقات القطارات من ميلان الى جاردا
الساعه 7.35 صباحا و 8.35 و9.35 و 10.05 و10.35
والافضل تتأكدون اكثر من مواعيد الرحلات عند حجز التذكرة


تسلم عيونك كذا سهلت عليه الكثير
سامحني على كثر الاسئلة بس اش رائك
هل استطيع خلال خمسة ايام ان ازور ( جاردا - لوقانو - كومو )


وياليت اذا تعرف كيف اصل من جاردا الى لوقانو ومن لوقانو الى كومو وتسلم عيونك

مقدام 15-01-2015 11:06 AM

رد: استفسار عن ميلان وروما ؟
 
ممكن تزورون الاماكن اللي ذكرتها خلال خمس ايام
والافضل زيارتهم من ميلان

والقطار من جاردا الى لوجانو مدته تقريبا 3 ساعات ونصف مع توقف في ميلان
ومن لوجانو الى كومو القطارات مباشرة ومدتها 30 دقيقة

توت احمر 21-01-2015 01:56 PM

رد: استفسار عن ميلان وروما ؟
 
الله يسعد ايامك وتسلم يا اغلى الغوالي

وجهات أوروبية 21-01-2015 09:07 PM

رد: استفسار عن ميلان وروما ؟
 
اقتباس:

المشاركة الأصلية كتبت بواسطة توت احمر (المشاركة 19518)
تسلم عيونك اخي qa6ar911 وهذا كله من ذوقك الله يعطيك العافية


الله يسلم قلبك يارب
ويعافيك ربي



بالنسبة لميزانيتي ما بين 400 ريال الى 600 ريال

بالنسبه لسعر الليله موجوده الفنادق لكن بتكون تعبانه اشوي مستواها ضعيف
اختار وحده على ذوقك انا والاخوان بنعطيك مميزاتها وموقعها وكلشي ان شاء الله

ظپظ†ط§ط¯ظ‚ ظپظٹ ظ…ظٹظ„ط§ظ†. ط§ط*ط¬ط² ظپظ†ط¯ظ‚ظƒ ط§ظ„ط¢ظ†!Booking.com



وحبيت استفسر يعني لما نطلع الى السانسيرو نطلع الى محطة الدومو هل تقصد محطة سنترالي ؟


لا اخوي مش السنترالي
في ساحه الدومو بتشوف الكنيسه قدام الكنيسه في ساحه كبيره
المترو في وسط الساحه تنزل له تحت
واذا اخترت الفندق ان شاء الله بشوف اقرب محطه مترو لفندقكم عشان منها تروح السانسيرو على طول بدون ماتروح الدومو


وهل يااخي الذهاب من الدومو الى جاردا بالسيارة مكلف ولا لا ؟

مادري بالضبط لاني مارحت سياره بسايق بس اتوقع في حدود 100 يورو


اقصد حدائق تيفولي الله يسلمك


بالنسبه لحديقه تيفولي
تبعد عن وسط روما 34 كيلو متر
بالسياره تقريبا 45 دقيقه
وبالقطار الدايركت بين 43 دقيقه الى ساعه و 8 دقايق حسب الرحله
وفي رحلات تغيير قطار محطه واحده توصل في بمتوسط ساعه و 20 دقيقه

اسم محطه القطار في روما Roma Termini
واسم محطه الوصول Tivoli

وهذا موقعهم الالكتروني

http://www.villadestetivoli.info/storiae.htm




اش رائك بجدولي جدولي بيكون :
نوصل ميلان يوم 5 مايو ونرتاح بالفندق ثم نتجه يوم 6 مايو الى سيرموني ونبغى نجلس بها يومي 6 و 7 مايو عشان نفر الملاهي فر ثم نتجه الى لوغانو يوم 8 مايو ثم الرجوع الى ميلان يوم 9 مايو عشان نحضر المبارة يوم 10 مايو بين الميلان وروما ثم يوم 11 نتجه بالقطار الى روما

اخوي بالنسبه للجدول نفس ماقال لك خبيرنا
لازم واجباري ترجع محطه قطارات ميلان ومنها تطلع على لوقانو مافي دايركت
حتى لو رحت بالسياره الطريق الهاي وي ياخذك على ميلانو ومنها تطلع على لوقانو
ومن هنا نصيحتي لك تروح من سيرموني الى لوقانو بنفس مخططك
والسبب انك ملزوم بتاريخ معين لحضور المباراه وماعندك الا هذا الترتيب لان ماعندك ايام اضافيه ومن لوقانو ترجع لحضور المباراه



نصيحتي الثانيه :
تسكن بنفس الفندق بميلانو يعني لما تطلع من الفندق الى سيرموني وبعدها الى لوقانو
احجز بنفس السكن لاتغييره
والسبب ان تترك اغراضك كلها في مخزن الفندق وتاخذ معاك شنطه واحده حق 3 ايام لسيرموني و لوقانو مافي داعي تاخذ اغراضك كلها اخف لك كثير



وننظم الى رحلة جماعية :
لمدة 6 ايام بنزور فلورنسا وفينسيا و اسيسي


مشكلتي اخي اني اول مرة اسافر خارج البلد ولغتي ضعيفة جدا هل تنصحني ان ابحث في ميلان عن مرشد عربي وهل هو مكلف حيث ان بقية برنامجي الي من روما مع مرشد ظمن الرحلة الجماعية


بخصوص المترجم لو دوله ثانيه بقولك ممكن تاخذ مترجم
لكن العرب هناك كل واحد ادمر من الثاني
ونصيحتي عند محطه قطارات ميلانو جنب المحطه بتشوف مطعم ماكدونالدز الشارع الي جنبه هو شارع العرب لاتروح لهم ولاتحتك فيهم الشعب هناك كذا ونصاب
حتى الطليان نصابين هناك انا بس ابيك تهتم في اغراضك الشخصيه مب مسأله ترهيب
يعني الامور طيبه في ايطاليا ووناسه وأمن بس الحذر واجب
اللغه ترا مب عائق الحين الناس كلها تسافر وتعودو علينا
اهم ي تعرف اسم المنطقه الي بتروح لها ويعطونك تذكرتك
وقبل لاتطلع من الفندق تروح اللوبي تحت حق الكونسيرش بالفندق
تقول له كل شي وهو بيكتب لك بورقه
ويفضل قبل السفر بيوم ترتب نفسك
الا اذا في واحد عربي وناس مجربينه وامين ممكن تتفق معاه


والله يعطيك العافية وتسلم عيونك

الاجابه بفووووووووق باللون الاحمر
الله يعافيك يااااارب
السموحه على التأخير في الرد

اي استفسارات ثانيه انا والاخوان ماراح نقصر اكييييييد ان شاء الله

وجهات أوروبية 21-01-2015 09:16 PM

رد: استفسار عن ميلان وروما ؟
 
اقتباس:

المشاركة الأصلية كتبت بواسطة توت احمر (المشاركة 19525)
من الدومو الى لوتو فيير ( سان سيرو ) 7 محطات
والثامنه هي محطه لوتو فييررا


اخي اول مرة بطلع القطار عندنا بالسعودية ما نستعملة عشان كذا مو فاهم هل تقصد اذا ركبنا احسب 7 وقفات بعدين ننزل في الثامنة


لا اخوي مادري ان اول مره خلني اوضح لك اكثر وخلك من عدد المحطات لاتهتم فيها

اهم شي تعرف من اي محطه بتركب و اي محطه بتنزل
اهم شي تخبرني عن اسم الفندق بعد الحجز عشان اشوف لك اجسن طريق للوصول الى السانسيرو

واقصد بالقطار هو المترو تحت الارض
وليش القطار العادي الي تستخدمه من بلد لأخره ومن مدينه الى مدينه ثانيه


الساعة الآن 11:27 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO