شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة استراليا ونيوزلندا (https://www.arabtrvl.com/vb/f177.html)
-   -   مساعدة في ترتيب الجدول (https://www.arabtrvl.com/vb/t40983.html)

sara g 15-05-2019 05:53 PM

مساعدة في ترتيب الجدول
 
السلام عليكم ورحمة الله وبركاته
رمضان مبارك على الجميع
انا مسافرة ان شاء الله في جولاي على استراليا
و حابة اروح سدني وملبورن وجولد كوست وعندي تقريبا شهر
فكيف اقسم الايام ؟ بحيث يكون فيه وقت للتسوق ما اتعب في التنقل بالوزن والشنط
فكرت ب سدني ثم جولد كوست ثم ملبورن
بس كم عدد الايام المناسب ؟
الله يعطيكم العافية شاكرة لكم

فارس من خيال 15-05-2019 10:12 PM

ماشاء الله شهر



الافضل يكون الوصول برزبن اعتقد الاماراتية تنزل هناك


2 برزبن

10 ايام قولدجوست
اسبوع سيدني

بقية ايامك مالبورن


او عكس مالبورن

برزبن
قولدكوست
سيدني

نفس توزيع الايام فوق واما التسوق في استراليا غير مغري

في سيدني شارع جورج هو المكان الافضل للتسوق

sara g 15-05-2019 10:54 PM

اقتباس:

المشاركة الأصلية كتبت بواسطة فارس من خيال (المشاركة 472748)
ماشاء الله شهر



الافضل يكون الوصول برزبن اعتقد الاماراتية تنزل هناك


2 برزبن

10 ايام قولدجوست
اسبوع سيدني

بقية ايامك مالبورن


او عكس مالبورن

برزبن
قولدكوست
سيدني

نفس توزيع الايام فوق واما التسوق في استراليا غير مغري

في سيدني شارع جورج هو المكان الافضل للتسوق

يعطيك العافية يارب...
يعني شهر كثيرة ؟:20: طيب كم يكفي لك مدينة بحيث ما يكون فيه ملل ؟

panadol night 15-05-2019 11:02 PM

وعليك السلام ورحمة الله وبركاته
علينا وعليك يارب
توصلون بالسلامة إن شاء الله وسفرة جميلة


شهر فترة طويلة وممكن تزوري أماكن زيادة على اللي ذكرتيها
عموما الاماراتية توصل على سيدني وملبورن وبرزبن .. ممكن تكون بدايتكم في ملبورن أو برزبن ( جولد كوست ) وسيدني تكون بالنص
من رايئ طالما الفترة طويلة ممكن تجربون تسافرون من سيدني إلى الجولد بالسيارة ( الكوست رود ) < طريق الساحل ممتع بصراحة
أيضا في استراليا شركات تأجر كرافانات وسيارة فان للتنقل والنوم بسعر رمزي ( دولار واحد فقط )
طبعا يسون هالحركة لما يبغون ينقلون السيارة من مدينة إلى مدينة يعطونها اي زبون يوصلها بدولار ويعطونه مهلة كم يوم
فكرة جميلة طالما عندكم وقت وتجربة فريدة من وجهة نظري
وأماكن الكرافانات موجودة على طول الطريق لا تشيلون هم
عموما هذا اقتراح والرأي لكم


النقطة الثانية : الأفضل ولاية كوينزلاند ( الجولد + برزبن ) تقضون اكثر فترة فيها .. ممكن أسبوعين حلوين :74:
بحكم انها الولاية السياحية في استراليا + جوها معتدل غالبا بعكس ملبورن وسيدني اللي بتكون باردة شوي
في كوينزلاند ممكن تروحون ( الجولد + برزبن + سان شاين كوست + نوسا ) < هذه كلها جنب بعض
أيضا في جزر بين الجولد والسان شاين ممكن تروحون لها
أيضا إذا بتروحون بالسيارة من سيدني إلى الجولد في مدينة صغيرة اسمها Byron Bay جميلة ليوم أو يومين بالكثير
وممكن تروحون لها من الجولد بالسيارة ( تبعد ساعة وحدة فقط ) وفيها ابعد نقطة في الساحل الشرقي الأسترالي


يمكن كلامي مو مرتب وكتبته على عجاله
ان بغيت شئ حاضرين .. موفقين يارب

panadol night 15-05-2019 11:08 PM

بالنسبة للتسوق مثل ماقال الأخ فارس التسوق غير مغري الا إذا بتروحون للاوت لت ( الماركات المخفضة )
عندك في ملبورن، سيدني و برزبن سوق اسمه DFO ( في برزبن فيه فرعين روحو اللي عند المطار اكبر وأفضل )
طبعا مو بالضرورة تروحون لها كلها بحكم ان البضائع تتشابه كثير ( واحد منها يكفي )
وفي الجولد موجود Harbour town.. هذه بالنسبة للاوت لت ويسون خصومات حلوة على مدار السنة
ممكن تروحون للأسواق هذه أما الأسواق الثانية ماشوف اسعارها مغرية

sara g 15-05-2019 11:35 PM

الله يعطيك العافية panadol night ماقصرت
اجمعتوا ان المدة طويلة طيب برايكم اخليها الوصول برزبن 10 ايام
بعدها 5 ايام في سدني ثم 7 ايام في ملبورن ؟

panadol night 16-05-2019 12:43 AM

الله يعافيك يارب

بصراحة تختلف من شخص إلى شخص اخر واهتماماته بالسفر
انا عادتي ماحب أطول بنفس المدينة أو المكان وأحب اشوف شئ جديد
اذا حابين ترتاحون هذا شئ ثاني


انا من رايئ ..
ملبورن ( ستة أيام ) وبعدها طيارة على سيدني ( ستة أيام )
وبعدها طيارة إلى الجولد كوست
الجولد = خمس أيام
North Stradbroke Island = جزيرة ليوم واحد
Sunshine Coast + Noosa = يومين إلى ثلاثة أيام
برزين = يومين إلى ثلاثة أيام

الأماكن اللي فوق كلها جنب بعض وابعد مكان فيها ساعتين بالسيارة تقريبا
ممكن تستأجرون سيارة من سيدني وتمشون مع خط الساحل وتأحذونه على يومين وتخلصون من الأماكن السياحية اللي فوق وتسلمون السيارة في برزبن
أو أول ماتوصلون الجولد تستأجرون سيارة وتسلمونها في برزبن قبل مغادرتكم أستراليا
لانه من وجهة نظري أفضل يكون معاكم سيارة في كوينزلاند ( آذا بتستأجرون سيارة احرصو على انه تكون في مواقف بنفس الفندق أو قريب منه حتى لو كانت برسوم يومية مثلا بعشرة أو عشرين دولار ولا توقفون برا ويكون غالي عليكم )

اذا مو حابين خيار السيارة في قطار من وإلى برزبن - الجولد
تقريبا القطار شغال إلى الساعة ظ،ظ، بالليل < والسعر للشخص بالاتجاه الواحد ثمانية دولار استرالي = عشرين ريال تقريبا
الجزيرة والسان شاين والشلالات اللي بالجولد ماعرف اذا تقدرون توصلون لها بالقطار أو لا

panadol night 16-05-2019 12:53 AM

^ سويت تحديث للرد

**Abu Faisal** 16-05-2019 11:14 AM

انا بعطيك خطتي حق سفرة هالصيف لاستراليا:
4 ليالي ملبورن
6 ليالي كيرنز (شمال شرق استراليا) لهواة الطبيعه والرحلات
8 ليالي قولد كوست
4 ليالي سدني
------------
ممكن تزودين ليلتين في ملبورن وقولد كوست وليله في سدني اذا حابه، يطلع المجموع شهر. طبعا الطيران بالاماراتيه الى ملبورن والعوده من سدني

panadol night 16-05-2019 01:33 PM

^^ ياسلام عليك .. كيرنز حلوة بس غريبة ماشفت ناس كثير بالمنتدى يتكلمون عنها
جدولك بصراحة جميل ..
توصلون بالسلامة


الساعة الآن 11:20 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO