|
ابوعبدالهادي ورحلة بريطانيا ٢٠١٨ ابوعبدالهادي ورحلة بريطانيا ٢٠١٨ ﺍﻟﺤﻤﺪﻟﻠﻪ ﺣﻤﺪﺍً ﻛﺜﻴﺮﺍً ﻃﻴﺒﺎً، الحمدلله حمداً ﻣﺒﺎﺭﻛﺎً، الحمدلله حمداً ﺗﻄﻴﺐ ﺑﻪ ﺍﻟﺤﻴﺎﺓ، ﺍﻟﺤﻤﺪﻟﻠﻪ ﺣﺘﻰ ﻳﺒﻠﻎ ﺍﻟﺤﻤﺪ ﻣﻨﺘﻬﺎﻩ، ﺍﻟﺤﻤﺪﻟﻠﻪ ﺣﻤﺪﺍً ﺗﺴﺘﺪﻳﻢ ﺑﻪ ﺍﻟﻨﻌﻢ، ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ. عُدنَا والعَودُ أَحمَدُ, اولا عدنا للوطن الغالي بعد ان قضينا ٢٠ يوم بربوع بريطانيا، وتجولنا بين مدن لندن، ومانشستر، وبرمنجهام، هانحن نحط الرحال بإرض الوطن. وان شاء الله يكون هذا التقرير المكتوب عن تفاصيل الرحلة مفيد للجميع. عُدنَا والعَودُ أَحمَدُ, ثانيا" عدنا لمنتدى المسافرون العرب بعد انقطاع منذ النسخة القديمة :e023: , وهذا اول تقرير اكتبة عن زيارة بريطانيا (ولازال في جعبتي تقارير عن زيارة امريكا لم يكتمل :11: ), وان شاء الله افيدكم مثل ماستفدت انامنكم. الترتيب كان قبل السفر بـ 4 او 3 ايام فقط (للاسف) لظروف العمل :31: ! وهذا اللي خلاني في حيرة من ارتفاع اسعار التذاكر والفنادق. كنت اقارن بين اكثر من شركة طيران, السعودية و طيران الخليج و الاماراتية و طيران الاتحاد. الغريب في الامر ان الاسعار تتغير حسب تغير تاريخ السفر وهذا لخبطني اكثر. وهذة صورة للاسعار بالصدفة لقيتها بعد مارجعت من السفر تبين اللخبطة والسرعة في اتخاذ القرار :19: صورة اسعار التذاكر https://www.arabtrvl.com/up/uploads/...6854957011.jpg طبعا السفر كان من الدمام الى لندن. كان افضل سعر الخطوط السعودية الى مانشستر, لقيت اسعار اقل بـ 1000 ريال تقريبا لكل راكب. وغيرت مطار الوصول الى مانشستر. تبعد مانشستر ساعتين ونص بالقطار من لندن تقريبا. دخلت على موقع القطارات بين لندن ومانشستر وقعدت العب بالتواريخ لقيت عرض تذكرة عايلية على شركة فيرجن (2 كبار و 4 صغار كحد اقصى) بسعر 99 جنيه استرليني ذهاب وعودة خلال شهر !! يابلاش !! لان الشخص الواحد يكلف 250 جنيه تقريبا للذهاب فقط. وشرينا التذاكر دمام – جدة – مانشستر – (مانشستر – جدة – دمام). نجلس يوم واحد فقط في مانشستر وبعدين بالقطار الى لندن. وتبدا رحلة البحث بالنت على الشقق في مانشستر ولندن, وياليييييييييييل ماطولك !! لندن وما ادراك مالندن. تخيل اثناء البحث بمواقع الفنادق تلقى رسالة تقول: 75% من فنادق لندن غير متوفره !!! مانشستر مالقيت مشكلة بحجز الشقة, لكن لندن الله المستعان. معظم الشقق والاحياء اللي اعرفها (مثل تشيلسي, ايرلز كورت, و نايتس بريدج) اما غالية (فوق 2000 ريال الليلة) او غير متوفره. لقيت بمنطقة كناري وورف (اول مرة اسكن بها) وبسعر ارخص من اللي قبل. لقيت شقة غرفتين بمنافعها بـ 750 ريال, بينجووووو وخذيتها. كنت ازور لندن بالسنة مرتين لغاية سنة 2014 كانت معشوقتي بصراحة, وبهاذة الرحلة لقيت امور ايجابية و امور سلبية, ولندن خصوصا السلبيات اكثر. الان الامور اللوجيستيه ظبطت, ماعاد باقي شي. مابي احرق الفلم عليكم خلونا نبدا تفاصيل الرحلة. |
بدايه مشوقه متابع :e32b: |
يا سلااااام تقرير لندني روووعه بالانتظار بشوق قطار فيرجن دايما يسوون عروض وحلو السعر اللي حصلتوه يلا لحق علينا بالجزء الاول |
ابشر بسعدك ستى تيوند |
فعلا فيرجن الوحيد اللي لقيتهم مسوين عروض للعايلة واسعار حلوة بس لا تستعجل على تقرير لندن لان فيه احداث درامية |
منتظرين |
دائما الرحلات الفجئه يصاحبها انواع من عدم ترتيب الجدول بس تبقى لها ذكرايات جميله بانتظار التقرير |
بسم الله نبدأ الجزء – 1 :dfvd: كانت الرحلة من الدمام الى جدة وترانزيت 3 ساعات بعدين الى مانشستر. استغربت من كلام الموظف اللي عطاني كرت الطيارة يسولف مع ولدي الصغير ويقول "تبي تطلع درجة رجال الاعمال"!! :10: وفعلا سوى ترفيع لدرجة الاعمال, :14: كانت الرحلة من الدمام مليانة للاخر. لكن الحلو مايكمل, 3 ساعات ترانزيت مطار جده وكان زحمة شديدة لدرجة الواحد يفقد اعصابة. :4: https://www.arabtrvl.com/up/uploads/...6878299431.jpg بصراحة كلمة حق تقال, الخطوط السعودية تغيرت للافضل بشكل كبير, من ناحية توقيت الاقلاع والخدمات داخل الطائرة, ونظام الترفية على الشاشات جيد جدا. الغريب ان الجنسيات الاوروبية كانو اكثر من الجنسيات العربية على الرحلة في الذهاب والاياب! الرحلة ماكانت مليانة فاستغلينا الوضع وكل عايلة اخذت صف او نصف صف من الكراسي. :yolks00440: وصلنا بحمد الله مطار مانشستر, كان اصغر بكثير من مطار هيثرو لندن والحمدلله ما اخذنا وقت كثير بالجوازات تقريبا 5 الى 10 دقايق ولا فيه تفتيش للعفش. الاسئلة المعتادة من وين جيتو, مدة الزيارة, سبب الزيارة وبعدها ويلكم سير تو مانشستر. :yolks00590: :yolks00590: بقولكم سبب التاخير وانتبهو له زين علشان مايصيدكم وكانو بيرجعونا على نفس الطيارة!! كنا 2 كبار و 3 اطفال (اعمارهم 11 و 12 و 3) طبعا اللي اعمارهم 11 و 12 اخذو بصماتهم بالخبر مركز التاشيرات. الموظف اخذ الجوازات كلها ودخل غرفة واحنا ننتظر :21: . بعد فترة طلع وقال ويلكم سير تو مانشستر!! قلت ويش اللي حصل؟ رد: جهاز البصمات ماتعرف على بصمات الاولاد!! تعرفون ليش؟؟!! :dunno: لانهم كانو طول الرحلة ايديهم شغالة مع الريموت حق العاب الفيديو, غير انهم بالبيت مع السوني. وتاثر تقاطيع البصمات اثناء ادخال معلومات الجواز بمطار مانشستر! والموظف رجع لملف البصمات اللي جاهم من السفارة وطلع مطابق, والحمدلله وعدت على خير. قلت له لو ماجا رد من السفارة اللي سويت فيها البصمات, ايش بيكون الاجراء؟ قال ترجع على نفس الطيارة! :yolks00430: ومن المطار اخذت اوبر الى الداون تاون قريب من بيكاديللي تقريبا 20 باوند. سكنت بشقق The City Warehouse Aparthotel وهذا العنوان: 6 - 14 Great Ancoats St, Manchester City Center, Manchester, United Kingdom, M4 5AZ سويعات راحة بالشقة بعد تعب الترنزيت بجده وبعدها كعادتي بالسفر اول يوم استكشاف المنطقة المحيطة بالسكن :56::56::56:. وبعدها رحت لمحطة قطارات بيكادللي اطبع تذاكر لندن لان اليوم اللي بعده بنسافر لندن. فقط يوم واحد بمانشستر وبعدها لندن. بالرجعه من لندن بيكون عندي وقت كثير لاستكشاف ماتشستر. https://www.arabtrvl.com/up/uploads/...5368784631.jpg https://www.arabtrvl.com/up/uploads/...6876466031.jpg صورة التذاكر وبهذا انتهى الجزء 1 من الرحلة, ولمشاهدته على اليوتيوب تفضل الرابط https://www.youtube.com/watch?v=zMY1D2j4ZqY |
حمد الله عالسلامه ماشالله ... تقرير مفصل مثل هالتقرير تتحمس فيه مع المتابعه نتمنى انه ماينتهي بانتظارك اخوي .. لاتبطي |
الحمدلله على السلامه تقرير بدايته مشوقه فعلا الخطوط السعوديه بدت تتغير شوي للافضل وان شاء الله انها تصمل بس على طول وبالنسبه لاسعار التذاكر صحيح تتغير على حسب الايام لو قدمت يوم ولا أخرت يوم تلاقي السعر تغير وبشكل كبير خصوصا لو تكونون كثير بيفرق معكم بالسعر ياليت تعطينا موقع القطارات اللي حجزت عليه من مانشستر الى لندن |
| الساعة الآن 07:17 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO