|
ترتيب 11ليله في كيب تاون وجاردن روت سلام عليكم كيفكم ياشباب عندي 11ليله كيف افضل تقسيم لكيب تاون الوصول والمغادره طبعا الطيران الى الان ماحجزته فغالب الخطوط ترانزيت لجوهانز اقتراحاتكم للخطوط من الرياض لكيب تاون او خطوط خليجيه وهل تستحق ليله جوهانسبيرغ مقخططي المبدئي اول اربع ليالي كيب تاون الى 25مارس البقيه جارن روت نانزيا ل3ليالي وليله المحميه بالقاردن روت واخر ليلتين كيب تاون اذا ماقررت ليه في جوهانسبيرغ الاسئله السياره تستحق كيب تاون وماجاورها كجبل الطاوله وراس الرجاء والكامبس بي والا اوبر والا سائق خاص وكيف الجو بشهر مارس هل الوضع طبيعه او بتصير الارض خريف وننحرم متعة الطبيعه واي اقتراح اكيد بحطه بالحسبان لمن لديه اظافات وكمان ايش افضل شريحه نت للاستخدام للمده اللي بجلسها من ناحية تغطيه واكثر بيانات وسلامتكم و |
إن شاء الله رحلة موفّقة توزيع الأيام زين، وممكن تشوف تقريري اللي فيه الجداول اليومية، إن شاء الله تستفيد منه في توزيع الأيام والنشاطات في كل يوم. https://www.arabtrvl.com/vb/t22297.html في شهر مارس بيكون الجو حلو بإذن الله الحرارة بين 25 و 15 درجة، يعني لازم وياكم جاكيتات. بالنسبة لجوهانسبرغ، ما أنصح بالمبيت فيها، لأن ما فيها شي يستاهل. إنما تكون رحلتك بس ترانزيت فيها وعلى طول على كيب تاون وممكن تخلي جدولك إنك ما ترجع لكيب تاون آخر أيام بحيث تطلع من الجاردن رون (من مطار جورج) على جوهانسبرغ ومنها على طول على الرياض. وممكن بعد تكون رحلتك من الرياض إلى دبي مثلا ومنها على طيران الإمارات مباشرة إلى كيب تاون. شوف أسعار التذاكر واختار الأنسب لك. بالنسبة للسيارة، نحن دايما ناخذها من مطار كيب تاون وتتم عندنا لين آخر يوم في رحلتنا، بس الأخ أبو غسان ينصح باستخدام الاوبر في كيب تاون إنما الجاردن روت لازم وياك سيارة. شريحة الموبايل، أنصحك بفوداكوم، إرسالهم ممتاز خاصة في الشوارع الخارجية والجاردن روت، وأسعار كل الشركات متقاربة، وبشكل عام أسعارهم وايد زينة. |
عليكم السلام رحلة موفقه يابو طلال ما عندي خلفيه كويسه عن البلد بس اختنا ام نوف ما قصرت وضحت بعض المعلومات انا بس بنبهك من بعض الناس المطفيه النور ويقولك شكشوكت بيض النعام لا يفوتك في جنوب افريقيا :32: :32 |
هلا ابو طلال الاسعار هي اللي تحدد اي طيران هو الافضل لكن لا تبعد عن الاماراتية والسعودية الاماراتية من الرياض لكيب تاون ترانزيت دبي ساعتين تقريبا نقاط مهمة : خلال تواجدك في كيب تاون استخدم اوبر للتنقل عند الرغبة في التوجه للقاردن روت اخرج الصباح بدري من كيب تاون عشان تزور شاطئ بولدرز و كيب بوينت في طريقك لو خرجت الساعة 9 صباحا توصل 10 تحسب ساعة لكل مزار يعني الساعة 12 وانت ماسك القاردن روت تستمتع بالمناظر لا تخرج متاخر و تضطر للسواقة بالليل التزم بالسرعة المحددة اذا مكتوب 60 يعني امشي حولها لا تزيد تاكد من حمل رخصتك السعودية وهي كافية لابد من تجربة الستيك في كيب تاون والمطعم الافضل هو spur steak house جربوا عنده Spur Fillet والحلى Bar-One Waffle احجز سيارة متوسطة والافضل suv من اي نوع زي مازدا cx5 او هونداي سانتافي الصغير يعني لا تاخذ السيارات الصغيرة |
ماقصرتوا الله يحفظكم جميعا اللي فهمته ان انشطة كيب تاون المهمه الدارجه للسياح ممكن 4ليالي تكفي زيارتها والقاردن روت مثلها وجوهانسبيرغ الكثير نصحني بعدم المرور عليها |
أعتقد بعد ما بتشوف تقريري الجديد عن جنوب افريقيا بتغيّر رايك وتزيد أيام الاجازة :14: https://www.arabtrvl.com/vb/t39760.html |
اقتباس:
بتفيدني كثير تقرير جميييييل |
ماشاء الله ناوي ازور كيب تاون باذن الله |
انا تساؤلي عن شهر يوليو واغسطس محتارة جدرا |
ماشاء الله معلومات وافيه يعطيك العافيه |
| الساعة الآن 05:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO