|
تجربتي المختصرة في السفر لباريس السلام عليكم اعضاء المنتدى الرائعين بفضل الله ثم بفضلكم كانت رحلتي رائعه كانت سفرتي لباريس يتاريخ 23/6 صادفت اجواء حارة وسكنت في فندق راديسون بلو الشانزليزيه حجزته من احد المواقع مع الافطار مصنف خمس نجوم وقريب جدا من قوس النصر ومطل عليه للاسف جدا سيئ ولا اعطيه حتى ثلاث نجوم فقط يشفعله القرب من الشانز والواي فاي الغرفه ضيقه جدا السرير حوافه حادة جدا وكلنا اصابات ياليت صورتها كأنها سكاكين الافطار ممنع تتحرك من مكانك يجبون لك قائمة وانت اختار منها ونفس القائمة يوميا من دخلت لمده سته ايام اخلاق النادل ما اعجبتني يخدم بدون نفس ولن اكرر السكن فيه ابدا الاثاث قديم جدا الممرات مفروشه بفرش متهالك ووسخ المصعد ضيق صوت وروائح وازعاج ما يصحينا غير صوت السيارات بالشارع على اننا سكنا بالدور السادس المهم لا تخدعكم الصور مخالف جدا لما في الموقع كنت متخوفه من السفر وابحث عن مرشد لكن الحمدلله اني ما اخذت الامور سهالات ركبت انا واختي الباص الاحمر وتوقفت عند كل معلم صعدت برج ايفل وكان خاطري بالمطعم الي بالبرج وماعرفت احجز لكن مريت عليهم كأنني ما اعرف انه لازم حجز ولقت عربي جزائري دخلني وقال اذا ماهو زحمه عادي يدخل الشخص بدون حجز كانت تجربة جميلة تغدينا وتقهوينا وصورنا وكانت لحظات حلوه ركبت الرير الاحمر علشان اروح قرية الاوت لت لكن صار موقف حابة تستفيدون منه اول ما دخلنا المحطه علشان نحجز قابلتنا بنت ممكن في 25 من العمر مرتبه وقالت انا موظفه كيف اساعدكم طبعا صدقنا وجابتنا عند الاله وصارت تطقطق وقالت روحه ورده 50 يورو انا من اعضاء المنتدى عرفت الاسعار وان الشخص ممكن 14 الى 16 يورو روحه ورجعه ناقشتها لكن اصرت وعلى بالي الاسعار تغيرت جيت ادفع فيزا رفضت قالت لازم كاش هنا شكيت لكن كملت وفتحت شنطتي بدفع وفجأه جاء الامن وطردها وكلمها بلهجه حارة وانحاشت وقال لنا هذي نصابه ولا تصدقون الا احد حاط شعار المحطه على البدله وقصينا التذكره من المكان المخصص لشخصين 27 يورو والحمدلله نجانا ربي من هالمجرمه حبيت افيدكم وانكم ما تصدقون احد بالنسبة للي اول زيارة ركبنا التكسي والباص وزرنا كل المعالم وتمت الرحلة بسلام |
الحمد لله على سلامتكم ام فجر إن شاء الله كانت رحلة محاسنها أكثر من مساوئها بالتوفيق لك وياليت تورينا تفاصيل أكثر من رحلتك :e303: |
الحمد لله علي السلامه . انا سفري إلى باريس 7/27 وان شاء الله سهاله |
الحمدلله على السلامه يام فجر متشوقين على باريس كنت حاجزه وتكنسلت سفرتي ياريت تفصلين لنا بالايام واذا في صور بعد اهم شي انكم استفدتوا من المنتدى وعدم تصديق النصابين واما الفندق اشوه انه بموقع ممتاز بس شي حلو انج ذكرتي مساوئه علشان الكل ينتبه عند الحجز وياريت تكتبين بالتقييم في بوكينغ عن سلبياته |
نعم انتبهوا للنصابين. صارت مع عائلة قابلناها في الصيف العام الماضي في ديزني باريس. نصب عليهم واحد بالمترو مثل ما قلتي. |
الحمد لله على السلامة أم فجر راديسون بلو دايم فنادقهم نظيفة غريبة عليهم ياكثر النصابين في العواصم الاوروبية وخاصة في باريس حول برج ايفل والحمد لله اللي ربي سلمكم منها بس غريبة ما يقبضوا عليها شكراً لذكر تجربتك مع الفندق ومع البنت النصابة عشان الكل يأخذ حذره |
:e032: يعطيك العافية |
رحله موفقه وتقيمك للفندق رائع لأخذ الحذر منه بخصوص السكن تحياتي |
وعليكم السلام ورحمة الله وبركاته شكرا لذكر تجربتك فنادق القريبه من الشانز كلها ضيقه وأبوخمس نجوم ممكن تنصدم انه عادي بس ليش التكشيره منهم الحمدلله ما احتجتي مرشد النصابين كثير لكن الحافظ الله |
تسلمين ام فجر على ذكر رايج في الفندق و موقف النصابة ونتمنى التقرير بالتفصيل مع الصور ان امكن .. |
| الساعة الآن 12:44 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO