|
ما شاء الله عليكم بالعافيه الاكل و المشتريات و الخيمه بس بغيت اعرف الألعاب فتحوهم لانه وقتنا كانوا يسوون صيانه و المكان مغلق جدام دلق سهيل احنا نطلب بيض و طماط ( شكشوكه ) و يسوونها عدل مدل 👌🏻و انا نفسج قلت ليش ننحرم من الأجواء و يلسنا برع الاستكانات كان خاطري فيهم و عندهم ألوان و أشكال عجيبه بس خفت يتكسرون من الطريج و المفرش خذت نفسه وايد ألوان و نفس اللون هذا خذت حقي و حق اختي و يوم عطيتها تقول عندي نفس اللون وَيَا شنطة الاستكانات و شنطة الدلال ماخذتنهم من السوق الصيني بس المفرش صغير و استانست تقول بحطهم عند بعض عشان يستوي مفرش كبير قلت خلاص دام موجودين في الصيني بكمل الطقم اللي عندي و طبعا عندنا أرخص و سوق الري هذا دخلته و شفت الأغراض و قلبي عورني لأَنِّي ما اقدر اشتري وايد سوالفهم حلوه و يبغيلها شحن و ما عندي مكان تسلمين على التقرير الروووووووعه و الأجواء اللي ترد الروح |
اقتباس:
الالعاب ما دري عنهم وهذا الوقت كان قبل لا تيون عندنا باسبوع تقريبا ما انتبهت ان كان في صيانه يمكن حظكم :20: مره ثانيه بطلب بيض وطماط وبطلب صحن بروحي حتى لو ما آكله كله عادي شوقتيني القعده بره ترد الروح الاستكاين عجيبه الوانهم لهم عليه ما يتكسرون وعليكم بالعافيه المفارش حلوه ولازم تشترين الاستكاين وتكملين الطقم صاجة محلات الري حلوة وعلشان جذيه ذاك اليوم ما نزلت قعدت بالسيارة وابوحسين نزل وكل شوي اقول له شوف هذا وشوف ذاك خخخخ يقول زين مانزلتي والا تاخرنا على غنومة قصده زين ماخسرتيني ههههه بانتظار تقريرج على احر من الجمر شكراا على المرور الجميييل |
بالعافيه ما تشوفين شر بس ليش ما جربتي الخيمه المنغوليه جديده ويمدحونها |
بالعافية يا أم حسين .. الأجواء جميلة ماشاء الله وشكلها مطر .. وش سالفة الفقع الجزائري والمغربي .. حتى عندنا مليان بالسوق .. سوق المباركية عشق بالنسبة لي ... فيه قهوة شعبية .. استمتع كثير فيها أغلبها شيبان وأنا بينهم أحس كأني بالسبعينات ( يستهويني الموروث الشعبي ) خصوصاً الخليجي .. الله يعطيك الصحة و العافية يارب .. وماتشوفين شر .. |
اقتباس:
والشر ما اييك يارب الخيمة المنغوليه ماشفتها بالسوق ... او ما انتبهت عليها بس شفتها بالانستغرام واحجامها كبيره مالت بر مو حديقتي المتواضعه ... شكراا على المرور الجمييل |
اقتباس:
الجو كان عجييب ومطر ماشاءالله الفقع اهم ما يعرفونه والخليجين افتحوا لهم باب رزق بس والله لذيذ مافيه شي المباركية اجوائها حلوة وخاصه بعد التسوق تقعد بقهوة شعبيه ان شاءالله تشوف بوحسين هناك دايما يروح بس الصبح عاد تعال الحين عندنا قرية الموروث الشعبي ...بمنطقة السالمي ..صار لها سنتين فاتحة وايد حلوه ان شاءالله اذا رحت لها بسوي تقرير لكم شكراا يا اخوي على المرور الجميييل |
حلوة الجولة بسوق المباركية و القعدة بالخيمة حلوة خاصة لو كان فيه مطر بالعافية عليكم أبو فروة و الفقع |
اقتباس:
اي والله القعده حلووة بالخيمة واجواء المطر والبرد وناسة الله يعافيك خوووش فقع |
تقريـــــــــــــــــــر جمييييييييييييييييييييييييييييييييييييل جداً عليـــــــكم عافية يا مشرفتنا وبالفعل الفقع اللي بالسوق كله من المغرب يمشي الحال - بس مافي أحسن من فقع الحفر :13: http://www.arabtrvl.com/up/uploads/a...2268720531.jpg |
| الساعة الآن 06:41 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO