|
شويه استفسارات عن الكويت السلام عليكم ان شاء الله ناويه اروح للكويت بعد 3 ايام وعندي كم استفسار الله يسعدكم سمعت عن البلوكات وبسأل هي تبيع جلابيات او بس اقمشه ؟ وإذا بس اقمشه وين مكان الجلابيات الرمضانيه وتكون رخيصه ؟ وبعد اسواق السلطان عباره عن مول وسوبرماركت او ايش بالضبط وهل المحلات الي فيه من نوع سيتي سنتر او ماركات ؟ وقريت بتقرير اختي هاويه الاسفار عن مطعم ( الغدير - الكلحه ) هو تيك اوي وينفع عشاء او بس فطور وايش مخيمات الشرطه وهل هي مفتوحه الحين او لا ؟ ومجمع الري والصالحيه محلاتهم مثل سيتي سنتر او كيف ؟ ومجمع ميرال وين مكانه ؟ وايش فيه اماكن حلوه غير المولات نزورها ؟ |
اقتباس:
1- مجمع الأفنيوز ويحتوي قسم البرستيج على أغلب البراندات العالمية من ديور قوتشي LV ألــــــخ ويحتوي كذلك على البراندات المعتاده . 2- مجمع 360 من أفخم المجمعات مجمع غير ويحتوي على البراندات العالمية نفس اللي في البرستيج ويحتوي على مطاعم جميلة ====================== مشروع ميرال ( عبارة عن مطاعم ومقاهي ) بس بعيد شوي عن سنتر البلد أطلعو مشروع أربيلا أو مروج كلهم نفس الفكرة ======================= اذا عندكم اطفال : النادي العلمي عندكم ================= سوق المباركية بس الجو حار جداً ================== مركز سلطان سوبر ماركات ويجيب بعض الأشياء مستورده ماهي موجودة بالجمعيات |
يعطيك العافيه انتظر الاجابه على باقي الاستفسارات |
ماقصر بوعبدالرحمن عطاج المفيد وهذه بعد للاستفادة اكثر اقتباس:
سوق المباركية متحف العثمان القبة السماوية تابعة لمتحف الكويت الوطني حديقة الشعب حديقة الشهيد ابراج الكويت اكوابارك قرية المسيلة المائية واذا عندكم اطفال زوروا مجمع ديسكفري كله العاب ومحلات للاطفال مكان جميل للعايلة وحياكم الله في الكويت |
الله يسعدك مره استفدت منك اختي ويحييك ربي منوره والله بأهلها الكويت القبه السماويه عباره عن ايش والقريه المسيله للاطفال او الكبار ومشكورين جميعاً |
ما قصروا الاخوان بالرد الغدير عندهم مشاوي و شوارما لذيذه تيك اوي ما يصلح للعوائل البلوكات عندهم تفصيل و يخلصونه بثلاث ايام بس حاليا عليهم ضغط كبير و ما يفصلون يقولون اختاري الجاهز أسواق السلطان اذا كنتي من محبين الطبخ و أدوات الطبخ راح تلقين فيه أشياء حصريه و حلوه و اغلب استعمالات منال العالم من عندهم و عندهم بعض الماكولات و المشروبات غير متوفرة في الخليج بالتوفيق |
اقتباس:
القبة السماوية تعرض فيها افلام للفلك وتخص الأطفال اغلب الشي بس جميله جداا اعتقد الحين مسكرة بس بسأل لك وارد لك خبر عن موعد افتتاحها قرية المسيلة المائية نفس الأكوابارك احواض وملاعب سباحة للعائلات كبار وصغار وفي الصيف يخصصون أيام خاصه للنساء وحتى العاملات والمسعفون من النساء ويمنع التصوير في هذه الايام |
حياج الله بالكويت بالنسبه للدراريع في البلوكات الدور الارضي يبيعون الجاهر وفوق الخياط لكن الحين زحمه وايد لمناسبه رمضان والعيد مااتوقع يخيطون بسرعه ومركز سلطان عباره عن سوبر ماركت فيه كل شي جميل جدا وله عدة افرع اذا حطيتيه بقوقل ماب راح تلاقين اقرب فرع يمكم تنورين الكويت بوجودج |
الله يسعدكم كلكم لا خلا ولا عدم مررره استفدت منكم |
الله يعافيكم بسأل وين مكان البلوكات ؟ |
| الساعة الآن 11:06 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO