|
يسعد مساكم فزعتكم بكرى رحلتي للكويت السلام عليكم ورحمة الله وبركاته يسعد مساكم قررنا قبل يومين نمشي غدا للكويت لمدة 4 ايام غير يومين الذهاب والعوده الذهاب الاربعاء والعوده الاثنين الخميس والجمعه راح نسكن في فندق سراي http://www.booking.com/Share-PyKhJO ويومين في فندق http://www.booking.com/Share-kXwLFH الله يسعدكم اقترحو لي وين نروح واذا في كوفيهات مميزه مع العلم معنا طفلين بنت 8 سنوات وولد 11سنه شكرا مقدمآ �� وفي استفسار وين احصل محلات فساتين السهره ابغى شي ناعم ويكون مميز |
التمشيات وين حابين بالضبط انصحج في مركز عبدالله السالم الثقافي بمنطقة الشعب والمركز العلمي بمنطقة السالميه الحدايق بالليل لان الجو بدا يحتر حديقة البوليفارد بالسالميه وحديقة الشهيد بالعاصمة الافنيوز معروف للجميع وفيه كافيهات ومطاعم كثيره محلات للسهرات والبدل الرسميه وغير الرسميه محلات للعب الاطفال محلات فساتين السهره ناعمه وحلوه واسعارها مناسبه محل كوست في محلات دبنهامز احب شغلهم ناعم ومرتب اما اذا حابه شغلات شك وتطريز وفساتين اسعارها شوي غاليه تلاقين بمجمع ليلى غاليري بالسالميه وفي محلات عاديه بكل المجمعات فيها بدلات حلوه وناعمه للحفلات في بمجمع سما بالعقيله محلات بدلات تركيه والله يسهل امورج |
الكافيهات انصحج بمروج مطاعم وكافيهات وفي محل العاب ترمبو صاله داخليه وفي العاب خارجيه جديده بنفس المكان مروج حلو تاكلون وتلعبون الاطفال |
اقتباس:
|
اقتباس:
|
انا مافي ببالي شي محدد علشان كذا اسأل ايش الاماكن الحلوه عندكم سوا مولات او كوفيهات او للاطفال او فعاليات بحريه |
اي هذا الاهم فعاليات بحريه الجوو الحين ما يصلح للسباحة فما اعتقد يفتحون الانشطه البحريه ممكن تروحين مرسى القوارب في المارينا كرسنت عند فندق المارينا بالسالميه ان شاءالله تستمتعون بهذه الاماكن المطاعم والكافيهات عندنا وايد من خط البحر بدأ من الفحيحيل الى الشويخ تلاقين مجمعات المطاعم اي ونسيت اقول لج روحي المباركيه اكيد حابه تزورينها بتلاقين الدراريع للكبار والصغار والمواعين لرمضان |
بدلات السهره ممكن مجمع النقره الشمالي الدور الثاني اغلبه بدلات سهره وفي بعد جيت مول بالعقيله جم محل سهره |
واضافة عليهم مجمع المهلب في حولي بعد في محلات لبدل السهرات وحياكم الله في ديرتكم |
| الساعة الآن 09:39 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO