شبكة و منتديات العرب المسافرون

- بوابة الكويت (https://www.arabtrvl.com/vb/f67.html)

- - اول زياره للكويت (https://www.arabtrvl.com/vb/t41457.html)

اول زياره للكويت

السلام عليكم

بالبدايه اول مره ازور الكويت الحبيبه انا و اخوي
فحابه استفسر عن كم شغله بالكويت

1- اماكن ترفيهيه للكبار يعني اذا فيه ملاهي او لعبه الالغاز او الالوان
2- اماكن للعبايات و التوربونات
3- محلات العطور ابغى عطوركم ي اهل الكويت المميزين فيها (اسماء المحلات اللي تستحق الزياره )
4- محتاره بالفندق احنا مامعانا سياره حنتنقل مع اوبر ، لمن بحثت قالوا ايبيس السالميه ، رايكم ؟ بحيث يكون كل شيء قريب منا و مايكلفنا كثير التنقل + يكون سعر الفندق او الشقه معقول لانه حتكون بس لنوم
5- اخر و اهم شيء حلوياتكم فين احصلها ؟ غير المباركيه ، مثلا غريبه و البتيفور الكويتي و الدملوج و اشيائكم اللذيذه صراحه حاخذ معايا كميه لسعوديه و هدايا ، حلوياتكم لا تقاوم ، ساعدوني

الحمدلله الاشياء الثانيه من مطاعم و اماكن ماقصرتوا في المنتدى حصلتها بس هذي احترت فيها

شكرا مقدما

اقتباس:

المشاركة الأصلية كتبت بواسطة Mona.h (المشاركة 479067)

وعليكم السلام وحياكم الله في ديرتكم

- في لعبة الألغاز في مجمع سيمفوني وفي بالافنيوز

والألوان paintball مكانها عند ابراج الكويت

العبايات والتوربان في المباركية سرداب العبي

العطور ما عندي خبرة قوية بس عن نفسي تعجبني عطور أمل الكويت وعبدالمحسن والمنشود

في ايبيس شرق أفضل بعد من السالمية
ماعندنا أوبر عندنا كريم و دريول

عندج محل صافي بمنطقة النزهة - وعندج نقوه في بالمطار و بروميناد حولي واعتقد في الافنيوز
والمحل الثالث شاتو دو غاتوه موجود في المباركية مقابل ماكدونالدز ومنطقة الروضه

اقتباس:

المشاركة الأصلية كتبت بواسطة q8ya metnaqla (المشاركة 479613)

أنا سكنت أيبس السالميه اللي بشارع سالم المبارك نظيف وحلو وبينه وبين البحر شارع الخليج بس
لكن فطورهم كان غالي شويه لأني اخذت الغرفه من غير فطور وكانت مع رسومهم 32 دينار

الفندق يبدا من الدور الثالث تقريبا مو من الأرضي

الفطور احسن تتريقون كل يوم بمكان
وايد مطاعم وكافيهات تقدم الريوق

احلى ريوق في الابراج وتاخذون طلة على الكويت من فوق

وفي بعد مطعم البلد فطور او ريوق متنوع
وهو مطعم دوار يلف فيكم

واكيد في المطاعم والكافيهات الجديده بمنطقة المروج والاوبرا

وغيرها من مجمعات المطاعم

الالعاب مثل ماقالت عنهم ابرار
وفي محاكاة الطيران في مول 360

وفي حلقة سرب لسيارات السباق
وفي العاب البولينغ في مراكز كوزمو
وفي بعد انشطة بحريه مثل جت سكي
وعندكم بعد الاكوابارك وقرية المسيلة المائية

العطور ما كو على امل الكويت والشايع والمرشود
وسراي

العبايات بالمباركيه وفي بعد بالعقيله بالاسواق اللي عند البيرق وغيت مول وفي المولات بعد عبايات غالية السعر

وفي بخيطان محلات للعبي بس ما اعرف مكانهم يمدحونهم

الحلويات في امير الامراء بحولي مقابل قيصر حولي بارك
طبعا حولي بارك فيها بعد العاب تصلح للكبار