|
اجازة لمدة 5 ايام السلام عليكم ورحمة الله وبركاته اخواتي , اخواني الي ساكنين في الكويت افيدوني جزاكم الله خير انا جاية مع اهلي لمدة 5 ايام تمشية فالكويت ان شاءالله و ابغى اقضي لملكتي وحابه اعرف ايش المجمعات الي اروح لها القى فساتين حلوه وحقت ملكة وجلابيات حقت عزايم واستقبال والمطاعم ايش افضل المطاعم نذوق الأكل الكويتي + و الأسواق الشعبية ايش افضل الاسواق واخيراً ايش افضل الفنادق والي تكون قريبة من كل شي والله يسعدكم شكرً |
حسب ماعرف ان الكويت مافيها تسوق كبير |
حياكم الله ومبروووك عندكم المجمعات مجمع زهرة - الفنار - ليلى غالري ( كلهم في شارع سالم المبارك السالمية ) مجمع الشمالي ( منطقة النقره ) مجمع الصالحيه ممتاز في بعد محل اسمه allure حلو - برج جاسم ( منطقة الصالحية "جبله") التلال في محل اسمه سواريه دو شيك soirre de chic - سكيك الشويخ - ميار ( كلهم في منطقة الشويخ الصناعية 1) الافنيوز ( منطقة الري ) قريب من الشويخ العربيد ( الفروانية ) و البلوكات ( الديره ) للدراريع قيت مول ( العقيله ) المنطقتين بعاد كويت ماجيك مول قديم بس اتحصلين في أشياء ( بوحليفه ) المطاعم درب الزلق - بيتوتي - فريج صويلح ( في الديره ) - عمتي نوره والخ في الافنيوز السكن يفضل بالسالمية او الديره |
اقتباس:
لا عندنا كل شي من ماركات ومن محلات الماركات العاديه وفي عندنا محلات الدراريع كل اهل الخليج ايوون ياخذون من عندنا وخاصه الاشهر اللي تسبق رمضان والاعياد عندنا الافنيوز الصالحيه سوق شرق مول 360 سوق الصفاة مجمع الكوت مجمع الغيت مجمع البيرق اسواق شعبيه بكل المناطق حياكم تنورونا |
الاسواق الشعبيه الاكثر تواجدا في المباركيه منطقة اسواق القرين منطقة العارضيه الصناعيه اسواق الضجيج قريبه من المطار العقيله المطاعم اسواق القرين ومنها فريج صويلح والستينات ومحلات السندويشات بادارات كويتيه ونفسها تقريبا في منطقة العارضية الصناعيه |
ما شاء الله تبارك الله ما قصرو مشرفينا الأفاضل والكويت مشهورة بالاسواق على اختلاف التوجهات شعبية ماركات إلى آخره ما شاء الله تبارك الرحمن عد وأغلط وخير الكلام ما قل ودل يكفي مجمع الأفنيوز يبغى له يوم كامل |
| الساعة الآن 02:36 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO