|
متحف الشيخ عبدالله السالم الثقافي مرحبا ومساكم الله بالخير والسلامه ناوي انزل الكويت بعون الله الاسبوع هذا من الرياض وعندي استفسار بخصوص متحف الشيخ عبدالله السالم الثقافي؟ متحمس ازور المعرض لكن اتضح لي من تطبيق الخرائط بان التذاكر لازم عن طريق بطاقة بنك محلية بمعنى اي بطاقة غير كويتيه ترفض بالاضافة ان الكاش غير مقبول! سؤالي هل تغير النظام؟ وهل في امكانية شراء التذكرة اونلاين؟ وهل يوجد متحف او مركز اخر تنصحوني ازوره؟ زيارتي لمدة ثلاث ايام الحالي قابلة للتمديد واحتياطًا بطاقة الهوية مسموح الدخول بها او لازم جواز سفر وشكرا لكم |
بالنسبة لتذاكر مركز عبدالله السالم احنا قبل حجزنا من البوابه كاش او تدفع كي نت عادي اذا بطاقة ماستر او فيزا يعني تدفع عند الشباك وانت بالسيارة الدخول للكويت عادي بالبطاقه المدنيه انت تسمونا الهويه اي بدون الجواز مسموح |
وعليكم السلام صحيح كلامك بالنسبه لحجز تذاكر المتحف حاليا سألتهم وناطره ردهم ان شاء الله في متحف بيت العثمان وايد حلو و قصر السلام عن تاريخ الكويت وايد حلو البطاقه المدنيه تقدر تدخل فيها من غير جواز |
اقتباس:
دام الكلام على المتحاف و البيوت .. ممكن استفسر منج عن متحف القرين او بيت القرين بعده موجود او مفتوح حتى الآن او نهم مسكرينه .. لأن حد قالي انهم مسكرينه .. فحبيت اتاكد لأنه من المرجح ازور الكويت الحبيبة قريبآ بإذن الله تعالى ..واشتقت لهذا المتحف |
يا هلا فيك الشعباوي اي نعم فاتح من الاثنين الى الخميس يفتح من 8:30 ص الى 12:30 والعصر من 4 - 8 اليمعه يفتح من 4-8 السبت من 8:30 - 11:30 والعصر من 4-8 الاحد عطله |
اقتباس:
مشكورة و ما تقصرين على المعلومات |
اقتباس:
|
تم الرد من المتحف تقدر تدفع عندهم |
| الساعة الآن 01:11 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO