|
رحلة لمدة 20 يوم للفلبين محتاج توزيع جدول وايام السلام عليكم ورحمة الله وبركاته ان شاء الله حجزت الاسبوع القادم للفلبين وابي اماكن جميلة وأأأجمل الاماكن ما افضل التنقل الكثير يعني اجلس بمكان يوم لان معي عائله يعني اقل مكان ثلاث ايام اربعه معي عائلتي زوجتي وطفل فقط ماعندي خبره بالاماكن والتقرارير ماقريت كثير بحكم انشغالي وجزاكم الله خير . . . وافضل السفر طيران داخلي عن الباصات لانه متعبه. بنتضار ارائكم . |
اقتباس:
وعليك السلام ورحمة الله وبركاته 20 يوم ماشاءالله كثيره والتنقلات راح تكون مابين 3 الى 4 اذا ناوي تزور الاماكن الجميله اول شي العاصمه مانيلا 4 ايام والراحه من عناء السفر وزيارة الاماكن في مانيلا او القريبه منها مدينة سيبو والجلوس في مدينة سيبو يومين او 3 ايام وعندكم اختيارين اما السكن في منتجع في منطقة مكتان في سيبو والاستمتاع بالبحر او السكن في وسط المدينة وزيارة الاماكن في سيبو جزيرة بوهول الخضراء وتقدرون تزورونها من سيبو بالعباره ساعتين ذهاب وساعتين اياب اذا تحبون تروحون الصباح وترجعون العصر برضو ممكنه لكن ضروري تشترون تذكرة العودة بالعباره وقت ماتشترون تذكرة الذهاب. العودة الى مانيلا والراحه لمدة يومين او 3 ايام السفر الى جزيرة كورون لمدة 4 ايام وزيارة الجزر القريبه منها وتجربة النشاطات البحريه الرجوع الى مانيلا والراحه لمدة يومين او 3 ايام السفر الى جزيرة بوراكاي (مطار كاتيكلان) والجلوس فيها 4 ايام طبعا عدد الايام اكثر من 20 يوم ورحلتك مدتها 20 يوم انته تقدر تتحكم في عدد الايام اللي حابب تجلسها في مانيلا او الجزيرة اللى راح تزورها بالنسبه للطيران اذا مخطط تسافر مثلا من سيبو الى كورون لازم تمر ع مانيلا وراح تكون متعبه عليكم ترانزيت طويل مو مستاهله. ونفس الشئ بنطبق على من كورون الى بوراكاي المرور ع مانيلا ضروري للاسف. اي استفسارات اخرى حاضرين ان شاءالله تحياتي |
اقتباس:
اهم شي تكون جزر وجميلة وعائليه مانبي تجمعات الاماكن الي مو زينه تعرف اريد نصيحه زوجتي حامل هل تصلح لها تروح ولا نكسنل لانه باقي اربع ايام على الرحلة اقدر الغي بدون رسوم |
اقتباس:
عزيزي شي طبيعي السفر يضر ع الحامل الافضل تكنسل السفر الى وقت اخر اذا رحلتك ع طيران اسيا ماراح يكون في استرجاع اذا طيران اخر حسب نوع التذكره اذا كانت مخفضه او لا وعشان تعرف لازم تتواصل معاهم عن طريق الموقع الرسمي تبعهم اما الطيران السعودي يخصمون 400 ريال تقريبا ع التذكره تحياتي |
| الساعة الآن 01:20 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO