|
رحلتي الأولى لشرق آسيا ,, اتمنى المساعدة السلام عليكم الصراحة انا متابع لهذا المنتدى من فنرة طويلة واستفدت الكثير جدا منه ,, فأنا الان احتاج منكم المساعدة في رحلتي القادمة باذن الله. بالبداية هذي هي رحلتي الأولى لشرق آسيا وتم التخطيط لها من فترة وهي كالآتي: الرياض - دبي - مانيلا - بالي - مانيلا - دبي - الرياض الذهاب: 8 اغسطس ( الرياض - دبي - مانيلا ) العودة: 22 اغسطس ( مانيلا - دبي - الرياض ) على الخطوط الامارتية حنا مجموعة شباب 3 ,, والصراحة محتارين جدا ما بين اندونيسيا والفلبين وقررنا بالاخير ندمج ما بينهم. طبعا جونا غير شوي ,, ما نهتم بالعمران والمباني والازدحام والتطور .. نفضل البحر والشاطئ والجزر ورحلات السفاري والادغال والمغامرات ف الخطة كالتالي : الوصول ل مانيلا والجلوس يومين ( 9-11 ) ,, وبعدها الذهاب بأحد الخطوط ل بالي والجلوس فيها ( 11-20 ) ومن ثم العودة ل مانيلا ( 20-22 ). واضح ان رحلتنا بسيطة ومافيها تنقلات كثيرة المهم ف اتمنى افادتي الصراحة ,, كيف الوضع في بالي وكيف الفعاليات هناك وايضا هل اعدل ع الخطة او لا ؟ وايضا لم احسب ميزانية الاكل لان الصراحة ماعندي علم عنها ؟ وهل الرحلة سوف تكون مكلفة ؟ اعتذر عن الاطالة ,, بس الصراحة مالي الا انتم :D |
وعليكم السلام ورحمة الله وبركاته أرشحلكم جزيرة بوراكاي بدل جزيرة بالي وتبعد عن مانيلا 55 دقيقه بالطيارة لكن جزيرة بالي بالطياره من مانيلا تاخذ 3 ساعات ونص الى اربعه ساعات متعبه عليكم التنقلات بالطيارة لمدة طويلة خصوصا انكم جايين من رحلة 10 ساعات من الرياض من وجهة نظري تفصلون بين البلدين وكل بلد له زياره لانه اندونيسيا تستاهل اكثر والفلبين كذلك جزيرة بالي كبيره تحتاج اقل شي 3 ايام وجزيرة بوراكاي جميله تحتاج اقل شي 3 ايام وانتوا احسبوها ع حسب ماترتاحون اذا انكم رايحين جزيرة بالي الافضل لكم تروحوا جاكرتا لانكم رايحين فقط مانيلا ومنها ع بالي وبعدين الرجوع مره اخرى الى مانيلا من ناحية الفعاليات والانشطه البحريه جزيرة بوراكاي فيها افضل من جزيرة بالي تحياتي |
حلو حلو بس حبيت اعرف كيف الصرفية بالفلبين تقريباً ؟ وايضاً سمعت الجو بيكون ممطر بكثرة في اغسطس ؟ وشكراً |
اقتباس:
البلد اصبحت غاليه من ناحية الفنادق مو مثل اول والاكل كذلك (المطاعم الكبيره) لكن تظل الصرفيه الشي الوحيد الغير ثابت وتعتمد ع المسافر نفسه الجو فعلا راح يكون بداية هطول الامطار من شهر يوليو الى شهر سبتمبر امطار متواصله اي استفسارات اخرى حاضرين ان شاءالله تحياتي |
الله يجزاك خير الصراحة قريت وشفت اشياء رائعة بالفلبين ولكن مضيق صدري سالفة وقت هطول الامطار هل بوراكاي وبالاون ايضاً ممطرة ؟ نصيحتك ومساعدتك لي بتكون خدمة كبيرة حبيبينا يعطيك العافية |
وياك خير الجزاء بالعكس كيف مطر يضيق صدرك الله يهديك خذ معك الجاكيت حق المطر ومظله وامورك طيبه الامطار هناك حلووة يعني ينزل مطر لمدة 3 دقايق ويوقف وبعدها بساعات ينزل لمدة بسيطه ويوقف وبعض الاحيان ينزل المطر نص يوم لكن ماراح تشعر فيها لانه شي متعود ع البلد الشئ الوحيد اللي الواحد يخاف منه الاعاصير والفيضانات وان شاءالله هاذي نادرة الحدوث بوراكاي وبالاوان كلها ممطره في الوقت اللي راح تزور البلد لانه موسم اي استفسارات اخرى حاضرين ان شاءالله تحياتي |
ايه هذا المقصد ,, ان بالاون وبوراكاي ممطرة وقد تتوقف بعض النشاطات ان لم تكن جميعها مثل ماقلت لك هوانا بحري وشاطئ مع شوية تان :D فعطني نصيحتك اروح الان ام بوقت آخر ؟ وشكراً وادري تعبتك معي الله يعطيك العافية |
اقتباس:
الافضل في نهاية سبتمبر او نوفمبر الامطار تقل شوية لكن لو حجزتوا الافضل تروحون وماتشيل هم الامطار ان شاءالله تتسهل التان وقتها من شهر 2 الى شهر 6 الشمس تكون قوية في الجزر تحياتي |
مبدع تحية لك،، |
الله يجزك خير وما تقصر شكراً لك |
| الساعة الآن 05:14 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO