|
رحلتي بعد شهر واحتاج شوية مساعدة السلام عليكم ان شاءالله رحلتي بعد شهر من الان ( 6 اغسطس - 16 اغسطس ) انا وصديق لي قصينا التذاكر ع الخطوط السعودية ولله الحمد. احتاج شوية مساعدة من ناحية البرنامج والتخطيط كونها اول زيارة لي للفلبين وشرق اسيا عموماً. الذهاب ( الرياض 1:15 - مانيلا 16:10 ) العودة ( مانيلا 15:40 - جدة - الرياض 1:35 ) مخطط الرحلة : 6-9 مانيلا 9-13 بوراكاي 13-16 مانيلا الصراحة قريت عن اماكن سياحية كثير خصوصاً في مانيلا ومدري وش الافضل ووش اللي لازم اروح له واشوفه :D في مانيلا ودي باماكن فيها سياح كثير ومطاعم واماكن فيها حياة :D بالنسبة لبوراكاي ,, هل احجز عن طريق النت ام اخذ بكج من هناك ؟ وكم تكلفة الانشطة والفعاليات تقريباً سواء في بوراكاي او مانيلا ؟ وكيف الامان عندهم هالايام ؟ :D وهل اروح كاش ام فيزا ؟ اعتذر عن الاطالة :D |
وعليكم السلام ورحمة الله وبركاته الاماكن اللي فيها سياح وحياة اسمها مكاتي في مانيلا الافضل احجز عن طريق النت قبل الوصول الانشطه في بوراكاي اغلى من مانيلا مثلا الببراشوت في بوراكاي الشخص ب 100 ريال تقريبا تنقص او تزيد الامان خليك ف حالك دائما وهذا لا يعني انك ماتساعد احد في ناس تفهمها عكس يفضل ماتخرجون بعد منتصف الليل البلد لسا امورها غير ثابته لكن تأملوا خير الافضل تاخذ كاش دولارات من هنا وتصرفها هناك او تصرف من هنا بيسو لو كان الصرف ممتاز ويستحسن تاخذ معاك فيزا للاحتياط ودائما تذكروا ان السفر ثقافة و كل مسلم يحتاج لاظهار الوجه الحسن للاسلام والتعامل الطيب مع الكل وهذا الموضوع راح يفيدك https://www.arabtrvl.com/vb/t28394.html تحياتي |
الله يجزاك خير اخوي جاكل وتعبناك معنا :e022: قريت الموضوع واتضح لي ان فيه اماكن كثيرة في مانيلا تستاهل الزيارة ,, لكن المشكلة كيف نوصل لها وكيف الترتيب لها ؟ واذا عندك اي نصائح ما تقصر :D يعطيك العافية |
اقتباس:
وياك خير الجزاء ان شاءالله مانيلا فيها اماكن كثيره تستاهل الزياره لكن تحتاج وقت اطول بدون عجله الوصول لها بسيط لو انك من محبي التجارب والمغامرات عندك اول شي المترو ثاني شي الباصات ثالث شي الابسط وهوا التاكسي بس تعطيهم العنوان او اسم المكان وراح يودونك وين ماتبغى اي استفسارات اخرى حاضرين ان شاءالله تحياتي |
الله يجزاك خير وما تقصر بالنسة للفلوس ,, ودي استعمل فيزا بس اخاف يعاد استعمالها ؟ هل ان شاءالله مافيه خوف والامور تمام ؟ |
اقتباس:
الافضل الفيزا استخدمها في الفنادق او المطار او المولات او المطاعم الكبيره لكن لاتستخدمها في البقالات او المحلات الصغيره هذا القانون في كل العالم وليس فقط في الفلبين أي استفسارات اخرى حاضرين ان شاءالله تحياتي |
تمام تمام الله يعطيك العافية وما تقصر |
حبيبنا جاكل ,, ودنا اضيف مدينة زيادة بالرحلة , اعرف ان وقت الرحلة قصير ولكن ناخذ رايك ودي اضيف palawan او cebu ف وش رايك ؟ وكيف بيكون تقسيم الجدول ؟ |
اقتباس:
ياهلا ومرحبا فيك جزيرة بالاوان نستبعدها لانها تحتاج 5 ايام واكثر لكن تقدر تضيف اما سيبو وجزيرة بوهول او تضيف باقيو لكن ماراح تقدر تضيفهم الاثنين اذا تقسيم الجدول راح يكون كالتالي: من يوم 6 الى يوم 8 مانيلا من يوم 9 تسافرون الى سيبو مطار سيبو مكتان تقضون يوم 9 هناك و10 كامل ويوم 11 الصباح تطلعون بالعباره الى جزيرة بوهول تتمشون فيها يوم 11 كامل ويوم 12 اخر اليوم ترجعون ع مطار سيبو وتسافرون جزيرة بوراكاي تقضون في الجزيرة يوم 13 و 14 و 15 الين المغرب وترجعون مانيلا او تضيفون مدينة باقيو جميلة وجوها بارد نسبيا وتجلسون فيها يومين (تبعد عن مانيلا 5 ساعات بالباص ومافيها مطار) حددوا وجهتكم واختاروا اللي يناسبكم وان شاءالله مانقصر معاكم تحياتي |
فكرة حلوة ولكن هل سبب استبعادك ل بالاون بسبب طول الرحلة والمشقة ؟ لاني حصلت حجز طيران دايركت من مانيلا - ال نيدو وبعدها من ال نيدو - كاتيكلان وبعدها العوده لمانيلا ففكرت اني ازور ال نيدو لاني الصراحة ودي اشوف الرحلات والمغامرات اللي فيها المشكلة ودي ازيد مدة جلوسي بالفلبين ولكن مثل ما انت عارف اجازة خارجية للقطاع العسكري محدودة :D ف وش رايك ؟ 6-8 مانيلا 8-11 ال نيدو 11-14 بوراكاي 14-16 مانيلا اعتذر عن ازعاجك بس تحملنا شوي :D |
| الساعة الآن 01:52 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO