|
العزيز جاكال والاعضاء استفسارات لاهنتم السلام عليكم ورحمة الله وبركاته عدنا لكم من جديد كان لي زيارة العام الماضي للفلبين وزرت فيها بالاوان وسيبو واخر ثلاث ايام كانت في مانيلا.. الان ان شاء الله مخطط ازور الفلبين بعد اسبوع من الان،، هل من مقترح لمدة ١٠ ايام كاملة بدون ذهاب وعودة؟ ثلاث ايام راح تكون في بوراكاي،، طيب باقي الايام وين تقترح علينا نروح؟ وش الاماكن الي تستحق الزيارة محتار كثير.. اذا فيه جزر جديدة او اماكن ثانية لا تبخل علينا لاهنت. كنت افكر في كورون بما اني مازرته لكن اسعار تذاكرها غالية مرة في الفترة القادمة! ولك ولجميع الزوار التحية والتقدير |
وعليك السلام ورحمة الله وبركاته هاذي حلاوة الفلبين اللي يزورها مره مايقدر يمسك نفسه :1: الفلبين تمتلك جزر كثيرة جميلة وكلها تستاهل الزياره لكن الشي الوحيد اللي راح يختلف عليك انه مافيها ناس كثير او شهرتها تختلف عن شهرة بوراكاي او بالاوان أرشحلك تزور جزيرة كورون لكن اذا انك مخطط فعلا تزور جزيرة بوراكاي ماانصح بضم الجزيرتين في رحلة وحده لانهم الاثنين حلوووين وماراح تشعر بلذة المنظر اذا انك شفتهم في رحلة وحده شوف التذاكر الارخص سواءا بوراكاي او كورون واختار بينهم وخلي الاولويه لجزيرة كورون لانه تمشياتها اكثر وفيها بحيرة مياه كبريتيه داخل حديقة في وسط الجزيرة (وسط المدينة الصغيره). المكان الثاني ارشحلك تزور المطعم العائم في سان بابلو (فيلا ايسكوديرو) تبعد ساعتين من مانيلا المكان جميل وتقدر تقضي نص يوم هناك من الصباح الى العصر او قبل لو كنت لوحدك المنطقة الثالثه ارشحلك تزور لاقونا وفيها شلال باقسنقان Pagsanjan يبعد عن مانيلا قريب الساعتين الجدول يكون كالتالي: يومين مانيلا راحه مع زيارة المطعم العائم اذا انك مازرت بوهول الافضل اضافتها للجدول ويكون لها يومين رحلات مباشره من مانيلا الى مطار بوهول (تاقبيلاران) من بوهول تقدر تسافر ع كورون عن طريق سيبو دايركت وتجلس في كورون 4 ايام واخر يومين مانيلا لزيارة لاقونا وبعدها التفرغ للسفر اي استفسارات اخرى حاضرين ان شاءالله تحياتي |
باذن الله روحتي خلال شهر بس لحالي لمدة ١٠ ايام وراح انزل موضوعي ابي نصايحكم |
| الساعة الآن 02:39 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO