|
مسافر واحتاج فزعتكم حياكم الله جميعاً نويت السفر باذن الله للفلبين لي 5 سنوات ماسافرت واستخرت وحجزت هلى عرض الخطوط السعودية دايكرت ب1760 الوصول لمانيلا يوم4 اكتوبر الرابعة عصراً بتوقيت مانيلاً والعودة للرياض يوم 14 اكتوبر 6 المساء بتوقيت مانيلاً... طبعاً انا مسافر لحالي ماحصلت احد يخاويني واستخرت وعزمت الحمد لله لغتي الانقلش ممتازة هل تتوقعون استانس لحالي انا حاط في بالي ثاني يوم مباشرة الى بوراكي اجلس فيها اطول مدة وبعدها ارجع مانيلا اكمل الباقي وارجع السعودية ... ابي اقتراحكم هل علي خطر لحالي وين اسكن اول ليلة في مانيلا بما اني الصباح بمشي بوراكي كيف احجز لبوراكي وش افضل فندق في بوراكي ومكانة ممتاز وسعر مناسب عودتي لمانيلاً وين اسكن وكيف اطلع للاماكن السياحية فيها واشكركم على مساعدتكم لي |
وعليكم السلام ورحمة الله وبركاته بالنسبه انه هل تنبسط لحالك او لا هاذي مانقدر نساعدك فيها لانها ترجع للشخص نفسه لكن عموما السفر دائما مع الاصحاب او العائلة له طعم خاص خصوصا في مشاركة بعض الامور الجميله طالما لغتك الانجليزية ممتازه هذا اهم عامل في السفر الى الفلبين ان شاءالله امورك راح تكون ابسط الوصول الى مانيلا والجلوس ليلة ثم السفر الى بوراكاي انا اشوفها متعبه لان السفر من السعودية للفلبين مدتها 10 ساعات ضروري تحتاج راح من عناء السفر اقل شي يومين في مانيلا وارشحلك السكن في منطقة مكاتي وهاذي بعض اسماء الفنادق حول المنطقة: Holiday Inn Makati , Dusit Thani , The raffles طبعا الخيارات كثيره جدا وانصحك تاخذ فكرة عن النفادق اكثر من موقع Booking.com او Agoda.com اذا انك معزم تجلس ليلة وحده في مانيلا الافضل تسكن جنب المطار لان الزحمة في شوارع مانيلا كبيره الحجز الى جزيرة بوراكاي عن طريق الطيران وافضل موقع في حجز التذاكر Skyscannet.net وانصحك تبعد عن طيران اير اسيا لان تأجيل الرحلات عندهم كثير مثل ماذكرت بخصوص الفنادق الافضل تشوفها عن طريق الموقع لكن حط في بالك افضل موقع للسكن في بوراكاي هوا في شاطئ الرمال البيضاء ستيشن 2 تعتبر في نصف الشاطئ ارشحلك فندق La Carmela Di boracay موقعه مميز ع الشاطئ وسعره معقولة نوعا ما ياليت تحدد عدد الايام اللي راح تجلسها في مانيلا وع ضوئها يتم تحديد الاماكن السياحية التي تحتاجها اي استفسارات اخرى حاضرين ان شاءالله تحياتي |
سلام عليكم هلا اخوي الله يوفقك تروح وترجع بالسلامة انا إن شاء الله يوم 2 اكتوبر والعودة 14 اكتوبر ولا معي خوي واول مرة اروح للفلبين وش رايك نتقابل هناك على خير |
السلام عليكم الله يستر عليك ويسهل امورك اخوي ما شاءالله جالك خوي ابشربه :58: |
حياك الله اخوي وتروح وترجع بالسلامة الاخ جاكل ماقصر ووضح لك كثير من النقاط. انا قبل شهرين تقريبا كنت بالفلبين ، وزرت فقط بوراكاي ومانيلا يوم الوصول ارتحت في فندق اسمه Hotels Manila Airport Road قريب من المطار تقريبا مسافة 15 دقيقة بالكثير. اليوم الثاني رحلتي كانت لبوراكاي عن طريق سيبو باسيفك ، خطوط اقتصادي لكن ممتاز مقابل القيمة وتقريبا كلفت التذكرة 330 ريال ذهاب وعودة وهذا موقعهم https://www.cebupacificair.com/ واذا جزمت تحجز لبوراكاي ، تأكد ان حجزك على مطار ( كاتكلان - Caticlan ) ورمزه MPH لان فيه مطارين بنفس المنطقة وهذا هو المطار القريب لجزيرة بوراكاي. انا جلست في بوراكاي 5 ايام وبصراحة جزيرة ماتمل منها ثم رجعت لمانيلا وكملت باقي الايام فيها. بالنسبة للفنادق او المنتجعات في بوراكاي ، طبعا بوراكاي مقسمة الى 3 اقسام ( ستيشن 1 - ستيشن 2 - ستيشن 3 ) المنطقة الحيوية هي ( ستيشن 2 ) فيها الكثير من المحلات ومنطقة حية بالليل والنهار وهي الافضل للسكن لان فيها كل شي تقريبا تحتاجه. انا سكنت في ( ستيشن 3 ) في منتجع اسمه Fairways and bluewater resort وبصراحة المنتجع بحد ذاته جزيرة ولازم تخصص فيه نص يوم او يوم كامل تتمشى فيه ، وفيه مقابل مدخل المنتجع مول جديد وصغير فيه سوبر ماركت ومحلات ملابس وصيدلية ومطاعم. وبالتوفيق لك ان شاء الله |
الله يساعدك ياقلب والحال من بعضه بس ابغا اشارك 10 مشاركات وابغا الحبايب يفزعو ليا في موضوعي لسفرة الفلبين |
عزيزي اكتب اللي تبي فهد وانقله لك كموضو ع مستقل |
اقتباس:
|
| الساعة الآن 05:40 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO