شبكة و منتديات العرب المسافرون - استفسار لا اهل الخبرة عن الفلبين

اقتباس:

المشاركة الأصلية كتبت بواسطة Mashaan_7777 (المشاركة 404997)

السلام عليكم
انا مسافر للفلبين ان شاء الله بالعيد وبجلس 13 يوم ابروح
لمانيلا
سيبو
بالوان
النيدو
السفرة شبابية واول مره نروح للفلبين
ابي بالله من اهل الخبرة يساعدوني
كيف ارتب السفرة وش اول مدينة اروح له وكم يوم اقعد بالمدن وطريقة التنقل بين المدن
وش افضل الاماكن بالمدن اللي فوق ووين نسكن وافضل المناطق
صراحه مسافر جديد على الساحة 😂
ومانستغني عن ملاحظاتكم

وعليكم السلام،، تروح وترجع بالسلامة
ان شاء الله المدة كافية،،
اولا من وجهة نظري تخلي مانيلا اخر يومين

الخيار الاول مانيلا - سيبو - سيبو - بورتو برينسيسا (بالاوان)-ثم ميني باص الى النيدو ثم ترجع الى مطار بورتو برينسيسا - مانيلا

الخيار الثاني مانيلا- بورتو برينسيسا (بالاوان)-ثم ميني باص الى النيدو ثم ترجع الى مطار بورتو برينسيسا- سيبو - مانيلا.

في سيبو عندك خيارات كثيرة، سيبو مدينة كبيرة بس حولها اماكن سياحية كثيرة تقدر تطلعها من الصبح بدري وترجع باخر اليوم.. حدد وش الانشطة الي تبيها. من ضمن الاماكن القريبة لها جزيرة ( بوهول) تروح لها عن طريق العبارة.

بورتو برينسيسا (بالاوان) تجلس فيها يومين ( راح فيها اهم مكانين) ثم راح لالنيدو تبعد في الميني باص ٥ ساعات تقريبا. النيدو اجلس فيها ثلاث ايام ( جزيرة جميلة جدا)

مانيلا فيها اهم المجمعات تزور كم مجمع وتشوف العاصمة على قولتهم.
هذا بايجاز بسيط

وانا منزل تقريرين ممكن تاخذ بعض المعلومات فيها وان شاء الله مانقصر معك.