|
افيدوني ياخبراء الفلبين جزاكم الله خير السلام عليكم ورحمة الله وبركاته اخواني الكرام عندي استفسارات كثيرة عن السفر للفلبين ان شاء الله في شهر 7 ابي اسافر للفلبين انا وزوجتي ولا اعرف عنها شي ولا سافرت لها من قبل في البداية انا كنت ناوي على المالديف ولكن غيرت الوجهه الى الفلبين بنسبة 70% لسببين الاول ان المالديف كل شي فيها غالي ، والثاني ان النمط فيها واحد في كل الجزر وتقريبا استبعدتها . تخطيطي للرحلة مبدئيا تكون حوالي 10 ايام وما اجلس في مانيلا وقت الوصول وازور جزيرتين او 3 وفي كل جزيرة اجلس حوالي 3 ايام ولامانع ان اقسم المدة على جزيرتين ،وعند العودة اجلس يوم واحد في مانيلا . الهدف من السفر الاستجمام وتغيير الجو في اماكن سياحية وطبيعة حلوة ولا لي هدف في التسوق . مع العلم الميزانية حوالي 20 الف ريال وربما تزيد بحد اقصى 25 الف شامل التذاكر وكل شي احب استفسر عن عدة اشياء واتمنى المعلومات تكون وافية واشكركم مقدما 1/ افضل الاماكن السياحية ، حسب البحث وجدت الكثير يتكلم عن (بوراكاي ، النيدو او بلوان ماعرف ايش الاسم الصحيح ، سيبو ) .هل صحيح تعتبر الافضل في الفلبين ؟؟ واذا كان هناك اماكن حلوه اتمنى افادتي فيها 2/ مستوى الامان في المناطق السياحية واذا فيه شي تحذروني منه وكيف تعامل البائعين وغيرهم هل يستغلون بالاسعار ولازم تكاسرهم او لا ؟ 3/ افضل الفنادق من ناحية السعر والموقع والنظافة 4/ هل الفيزا تنفعني في اماكن كثيرة وتغنيني عن حمل مبلغ كبير ؟؟ 5/ بخصوص النيدو وجدت ان فيها رحلات في القارب من الصباح للعصر تقريبا ، هل يوجد قارب خاص لنا فقط او لازم يكون معاك مجموعة ؟ 6/ ماهي افضل الانشطة الترفيهية في الجزر ؟ 7/ بحسب خبرتكم هل يكون سعر الفنادق في بوكينج ارخص بكثير او مقارب للسعر ؟ لانني افكر احجز يوم واحد فقط من بوكينج وبعدها امدد من عندهم اذا عجبني الفندق . 8/ بخصوص الرحلات الداخلية عند الوصول هل هي من نفس المطار ؟ او انتقل لمطار اخر ؟ حتى احسب حسابي في وقت حجز الرحلة الداخلية بعد رحلة الوصول من الرياض . هذا اللي يحضرني الان وانتم لاتبخلون علي باي معلومة ولو لم اسأل عنها واعتذر اذا الموضوع ملخبط لكن كتبته على عجل وشكرا للجميع |
وعليك السلام ورحمة الله وبركاته يا أهلا ومرحبا في قسم السفر الى الفلبين 1/ افضل الاماكن السياحية ، حسب البحث وجدت الكثير يتكلم عن (بوراكاي ، النيدو او بلوان ماعرف ايش الاسم الصحيح ، سيبو ) .هل صحيح تعتبر الافضل في الفلبين ؟؟ واذا كان هناك اماكن حلوه اتمنى افادتي فيها الاماكن السياحيه في الفلبين كثيره جداااا لكن اشهرها جزيرة بوراكاي وجزيرة بوهول و جزيرة كورون والنيدو وكله حزيرة لها مطار مختلف والافضل انك تقرر ايش الجزر اللي تحب تزورها وراح نفيدك بكل المعلومات اللي تحتاجها ان شاءالله 2/ مستوى الامان في المناطق السياحية واذا فيه شي تحذروني منه وكيف تعامل البائعين وغيرهم هل يستغلون بالاسعار ولازم تكاسرهم او لا ؟ الامان ولله الحمد موجود ف كل جزر الفلبين طالما انك ماشي ف حالك والاحترام موجود الكل راح يبدالك بنفس الشعور اما بالنسبه للبائعين مايمنع انك تفاوض ف سعر زي كل بلد ف العالم 3/ افضل الفنادق من ناحية السعر والموقع والنظافة فنادق مانيلا كثيره وارشحلك فندق هوليدي ان مكاتي مرتب وموقعه جدااا ممتاز في وسط مكاتي 4/ هل الفيزا تنفعني في اماكن كثيرة وتغنيني عن حمل مبلغ كبير ؟؟ الفيزا تنفعك ف الفنادق او المطاعم الفخمه لكن لاتستخدمها ف المطاعم العاديه او محلات عاديه للامان والافضل تاخذ معاك كاش 5/ بخصوص النيدو وجدت ان فيها رحلات في القارب من الصباح للعصر تقريبا ، هل يوجد قارب خاص لنا فقط او لازم يكون معاك مجموعة ؟ تقدر تستاجر قوارب خاصه لكم انتم فقط وفعلا في رحلات تكون طول اليوم وتزورون كذا جزيرة بالقرب من النيدو 6/ ماهي افضل الانشطة الترفيهية في الجزر ؟ كل جزيرة لها انشطه مختلفه عن الاخرى لكن تتشابه ف الرحلات يعني كورون والنيدو زي بعض اما بوراكاي مختلفه تغلب عليها الانشطه البحريه اكثر اما بوهول تختلف من ناحية النهر والغابات 7/ بحسب خبرتكم هل يكون سعر الفنادق في بوكينج ارخص بكثير او مقارب للسعر ؟ لانني افكر احجز يوم واحد فقط من بوكينج وبعدها امدد من عندهم اذا عجبني الفندق . الطريقة هاذي راح تكلفك كثير وغير آمنه انك تحصل غرفه والافضل تحجز كامل المدة من بوكنق او اقودا 8/ بخصوص الرحلات الداخلية عند الوصول هل هي من نفس المطار ؟ او انتقل لمطار اخر ؟ حتى احسب حسابي في وقت حجز الرحلة الداخلية بعد رحلة الوصول من الرياض . اغلبيتها من مطار مختلف ويبعد 10 دقايق بالتاكسي يعني مع الزحمة تقريبا 25 دقيقه ودايما خلي اقل شي 5 ساعات فرق بين الرحلة الدولية والداخليه اذا حبيت تحجز بنفس اليوم اي استفسارات اخرى حاضرين ان شاءالله تحياتي |
الف شكر لك مشرفنا العزيز JAKALL كفيت ووفيت ماقصرت لي عودة ان شاء الله بعد ما احدد الجزر اللي ابي ازورها |
اهلا وسهلا اخوي JAKALL ان شاء الله استقر الاختيار على جزيرة بوراكاي وجزيرة بالوان ومبدئيا يكون جدول الرحلة بوراكاي 3 او 4 ايام وبعدها اتجه الى بالوان 3 ايام ومن ثم مانيلا واجلس يومين واسافر هل هذا الجدول مناسب ؟ اذا عندك اقتراح للجدول لامانع من افادتك . ايش افضل الفنادق في بوراكاي المطله على الشاطئ خصوصا اني قرأت ان الافضل السكن في استيشن 1 واستيشن 2 .وهل فنادق 4 نجوم مقاربه لـ 5 نجوم او هناك فرق كبير بينهم ؟ كذلك الحال في جزيرة بالوان . وشكرا لكم مقدما |
ياهلا ومرحبا فيك بالنسبه لجزيرة بوراكاي تفضل هاذي بعض الفنادق المختاره كلها في ستيشن 2: 1- Caramela de boracay 2- Red coconut 3- crown regency واقترح عليك لو حصلت فندق عجبك اعطيني اسمه وراح افيدك فيه والاسعار طبعا تفرق كثير لو كان المنتجع 5 نجوم او 4 نجوم لكن هذا الكلام مايفرق كثير داخل المدن بالنسبه جزيرة بالاوان وين تبغى تروح بالظبط بويرتو برنسيسا ولا جزيرة كورون وكل وحده لها مطار منفصل افضل خط سير مناسب لرحلتك: مانيلا - بالاوان - مانيلا - بوراكاي السبب انه لازم ترجع لمانيلا عشان مافي رحلات مباشره من بالاوان الى بوراكاي لازم ترانزيت مانيلا الفنادق في بويرتو برنسيسا 1- Best Western Plus The Ivywall Hotel Opens in new window 2- Princesa Garden Island Resort and Spa اي استفسارات اخرى حاضرين ان شاءالله تحياتي |
ماقصرت ياغالي بارك الله فيك لي عودة ان شاء الله |
بالنسبة للفنادق سوف اعود لها بس اكثف بحثي في بوكينق واقودا وهل استيشن 1 حلو ؟؟ لاني حصلت فندق عجبني وسعره مناسب بالنسبة لبالوان ماعرف ايش الافضل بويرتو برنسيسا او النيدو او كورون من ناحية الانشطة والشواطئ والخدمات والاشياء ذي |
بالنسبه لستيشن 1 و3 اهداء بكثير من ستيشن 2 لانه كل التجمعات تكون في ستيشن 2 وماتفرق كثير لانها كلها ع شاطئ واحد. بالاوان كلها في انشطة ارشحلك كورون لانه فيها رحلات بحريه ممتعه من الصباح الى العصر وفيها انشطه زي المياه الحاره وقمة الجبل اي استفسارات اخرى حاضرين ان شاءالله تحياتي |
اشكرك على ردك افهم من كلامك ان ستيشن 1 و 3 ربما تكون مناسبة للعائلة اكثر من استيشن 2 . وهل جميع الانشطة موجوده في استيشن 1 و3 مثل البارشوت والدبابات البحرية وغيرها ؟؟ وان شاء الله ابحث عن فنادق في بوراكاي وكورون ولي عودة تحيتي لك |
اقتباس:
كلها تقع ع شاطئ واحد وكل الانشطه متواجده في كل الستيشنز بالتوفيق ان شاءالله تحياتي |
شكرا لك اخوي JAKALL على سرعة تجوابك وردودك والمعذره كثرت الاسئلة عليك هذه بعض الفنادق اللي اعجبتني في بوراكاي وكورون ايش الافضل حسب خبرتك من ناحية الموقع والسعر والخدمات وماذا ترشح لي بوراكاي فيروايز آند بلوووتر بوراكاي (Fairways and Bluewater Boracay) منتجع إستاسيو أونو بوراكاي لايف ستايل (Estacio Uno - Boracay Lifestyle Resort) أمباسادور إن بارادايز (Ambassador in Paradise) منتجع هينان لاجوون (Henann Lagoon Resort) منتجع هينان جاردن (Henann Garden Resort) كورون منتجع صن لايت إيكو توريزم آيلاند (Sunlight Eco Tourism Island Resort) منتجع كورون ويسترن (Coron Westown Resort) منتجع كورون سوليل جاردن (Coron Soleil Garden Resort) منتجع إل ريو مار (El Rio Y Mar Resort) تحياتي |
بالنسبه لبوراكاي عندك خيارين حلووة Henann Garden Resort Ambassador in Paradise وبالنسبه لكورون اذا تبغى تستمتع بمناظر البحر واحساس الهدوء خذ هذا Sunlight Eco Tourism Island Resort اذا تبغى تكون قريب من المدينه هذا خيار اخر Asia Grand View Hotel اي استفسارات اخرى حاضرين تحياتي |
بارك الله فيك اخوي بكل تأكيد اذا احتجت استفسار ماراح اتردد تحيتي |
اهلا وسهلا اخوي JAKALL عندي استفسارات عن المطارات ايش اسم المطار المحلي من مانيلا عشان اروح بوراكاي ؟ كذلك ايش اسم مطار بوراكاي الشي الاخر احصل رحلات مباشرة من بوراكاي الى كورون وايش اسم مطار كورون ؟ تحيتي |
الشي الثاني جوازي باقي حوالي 5 شهور وينتهي . يعني وقت رحلتي يكون باقي حوالي 4 شهور ونص , عند الوصول مايسببون لي تأخير او شي ؟؟ |
اقتباس:
ياهلا ومرحبا اسم مطار مانيلا Nino Aquino Internation Airport واختصاره NAIA رومزه MNL جزيرة بوراكاي لها مطارين الاول وهوا القريب من الشاطي اسمه كاتيكلان ورمزه MPH المطار الثاني يبعد ساعة ونص الى ساعتين بالسياره اسمه كاليبو ورمزه KLO للاسف مافي رحلات مباشره من بوراكاي الى كورون راح تظطر تمر مانيلا او سيبو اسم مطار جزيرة كورون بوسوانقا ورمزه USU اي استفسارات اخرى حاضرين ان شاءالله تحياتي |
اقتباس:
اذا كانت مدة اقامتك هناك اقل من شهر عادي ان شاءالله تحياتي |
جزاك الله خير اخوي |
اخوي JAKALL حبيت استفسر عن بعض الفنادق في ماكاتي ماكاتي دياموند ريزيدانسيز (Makati Diamond Residences) أجنحة ذا الفا (The Alpha Suites) هل الموقع مناسب ؟ والخدمات والاسواق قريبه ؟ طبعا انت قلت لي في البداية عن هوليداي ان ولكن لما بحثت عنه في موقع اجودا الاحظ ان كل الغرف مكتوب لغير المدخنين |
اقتباس:
ياهلا ومرحبا الفندقين حلووين ومواقعهم مناسبه بالنسبه لهوليدي ان احتمال تكون غرف المدخنيين محجوزة بالكامل لكن تقدر تحجز غرفه عادي وهناك تقولهم ابغى غرفة تدخين (لكن غير مضمونه الطريقه) في فندق ثاني قريب منها وملاصق للمول اسمه Ascott تحياتي |
ما قصرت وفيت وكفيت .. انا عن نفسي استفدت جزاك الله خير |
بالتوفيق يارب |
بالتوفيق |
ماشاء الله عليك يامشرف الفلبين ماتقصر مع الجميع الله يكتب لك الأجر أفدته وأفدتنا |
| الساعة الآن 04:45 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO