|
الفلبين و اندنوسيا السلام عليكم .. اهني القائمين على هالمنتديات الجباره و صراحه انا شخص استفدت منه وااجد لاكن عندي تسائلات لم اجد لها اجربه مع اني بحثت هنا و بالنت بشكل عام الصوره شبه كامله عن الفلبين لاكن الوقت هو مشكلتي و بعد الفلبين بروح اندنوسيا حصلنا تذاكر شهر8 على الخطوط الفلبينيه الجدول تقريبا 3 ايام مانيلا 5 بوركاي الباقي اندنوسيا ولني رحت اندنوسيا الحمدلله تمكنت منها ولو فيه نصائح لا تبخلون علينا، ممكن الموضوع ملخبط بس احاول ارتب فيه . هل شهر اغسطس مناسب او هل مقبول الذهاب لبوركاي فيه يعني تقريبا من 13/8 ال27/8 بين هالتاريخين! ملاحظ ما ينصحون بهالتاريخ هل فعلا الجو سيء ؟ الامان واحد قالي يمثلها لي ( يقول انها بعد تايلند بالخراب و الامان وهكذا) هل صحيح؟ نصائحكم عن الامان! الايام للجدول زينه او اعدل فيها؟ الطيران الفلبيني كيف هل هو جيد مقبول؟ فيه خدمه زينه او ندفع زياده بحدود المعقول وندور غيرها؟ اشياء شفتوها وتنصحون فيها بشده سواء في الفلبين او اندونيسيا رايكم الشخصي اعتذر عن الاطاله.. |
رد: الفلبين و اندنوسيا وعليكم السلام ورحمة الله وبركاته والله ياخوي انا ماعرف شيء عن الفلبين بس اقاربي راحو لها السنه الماضيه نهاية شهر 8 يوم 20/8 وبالنسبه للامطار اغلبها في الليل مثل ماذكرو لي .. الصباح يكون هتان خفيف والله اعلم .. والوضع الامني ممتاز يقولون ..... وإن شاء الله بقية الاخوان يساعدونك ... ورحلة سعيده ان شاء الله |
رد: الفلبين و اندنوسيا اقتباس:
الله يبشرك بالخير ... بالليل ما علينا منها المهم النهار ما قصرت وبيض الله وجهك ، الله يسعدك اخوي |
رد: الفلبين و اندنوسيا اقتباس:
|
رد: الفلبين و اندنوسيا وعليكم السلام ورحمة الله وبركاته اول شئ نحييك في قسم الفلبين ونعتذر على الرد المتاخر مو من عادتنا عزيزي شهر اغسطس في جزيرة بوراكاي امطار ماتنفع تزورها إلا اذا كنت من محبي الاجواء الماطرة والغيوم بس صدقني مناظر راح تشوفها اول مرا انصحك تروح جزيرة بوراكاي في شهر نوفمبر والجو راح يكون جدا معتدل وجميل شمس خفيفه + امطار خفيفه + غيوم بخصوص الامان عزيزي كل دولة سياحيه أمنه والمناطق السياحيه معروفه والناس اللي تقول انها بلد خراب صدقني هوا انسان حق خراب ويدور للعربده كل شئ واضح في كل بلد الاماكن المشبوهه موجوده في كل مدينه في العالم لايجي واحد ويحكم على مدينه كامله او بلد بكامله عشان موقف واحد حصله اغلب المتشائمين هما اصحاب مشاكل وهذا شئ لاغبار عليه الفلبين بلد جميل وشعبه مبستم وطيب ومتسامح ومتعاون كذلك في حالة انك طلبت المساعده بخصوص الجدول اشوف 3 ايام مانيلا و4 ايام جزيرة بوراكاي مناسبه الفرق بين الفلبين واندونيسيا الفلبين في الرحلات السياحيه مرتبه جداااا وتعرف اللي لك واللي عليك وكل شئ واضح مافي شئ من تحت الطاولة اندونيسيا عشوائيه (حسب المكان اللي راح تزوره) افضل مافي اندونيسيا بونشاك وبالي فقط وبونشاك كلها عرب وكلهم يتكلمون عربي ماراح تحس انك في اندونيسيا تماما بالي كلها استراليين لكن الجزيرة جميله وتستاهل الزياره نصيحتي في الجدول انك تضيف 3 ايام لمدينة بوهول في الفلبين يعني يصير الجدول كذا : 3 ايام مانيلا - 4 ايام بوراكاي - 3 ايام بوهول - والباقي اندونيسيا 4 ايام بونشاك - 3 ايام جزيرة بالي واي استفسارات اخرى حاضرين ان شاءالله تحياتي |
رد: الفلبين و اندنوسيا الله يحييك ويبقيك ... رحت الى اندونيسيا من قبل والى بالي بعد ما قصرت على المعلومات زي ما ذكرت انها امطار ، هل لدرجة تخرب علي الرحله ما استمتع بالجزيرة و الشواطئ؟ ام بشكل معقول الامطار! ومشكور على الرد |
رد: الفلبين و اندنوسيا اقتباس:
بعض الايام يكون المطر يوم كامل بدون توقف لدرجة انهم يوقفون كل الرحلات في المطار وبعض الايام يكون المطر عادي ساعه او ساعتين ويوقف ومستحيل التنبؤ بالمطر هل يكون غزير ولاعادي كله عند الله لكن التوقعات مثل ماذكرت غير ثابته تحياتي |
رد: الفلبين و اندنوسيا اقتباس:
المشكله بالطيران فقط ولا نفس الجزيره ما تواجه مشاكل الا لو مطر شديد على ما اعتقد ! ما قصرت و مشكور طيب طيران عادي اي خطوط اخذ بحكم المسافه ليست بعيده؟ |
رد: الفلبين و اندنوسيا اقتباس:
الجزيرة ماتتأثر بالامطار فقط الطيران الطيران الفلبيني - الماليزي - تايقر اير - اسيا اير - رويال بروناي كل هاذي الشركات تودي من جاكرتا الى مانيلا ابحث بحسب السعر وان شاءالله تحصل مايناسبك تحياتي |
رد: الفلبين و اندنوسيا اقتباس:
كنسلنا السفر لندنوسيا كل الرحله في الفلبين ف بنخطط من جديد بالنسبه لحجز الطيران فيه ايان افضل من غيرها بالحجز ك ويك اند وكذا؟! بالنسبه اذا المشكله بالطيران ف سهله الخوف بالحزيره ما تقدر تطلع ولا تستمتع بالمكان ومشكور على طولة البال |
| الساعة الآن 05:43 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO