|
حتى تصبح أديس ابابا اكثر من كونها مجرد فكرة.. السلام عليكم أفكر في زيارة اثيوبيا خلال الايام القادمة وقرأت تقارير هنا شجعتني لخوض الفكرة وتواصلت مع مرشد سياحي عن طريق النت وأبدى استعداده وقدم لي برنامج لمدة 4 أبام في العاصمة وشاشاني ودبرزيت وعرض مبلغ 50 دولار لاستئجار السيارة بخلاف رسومه هو كمرشد الساعة ب20 ريال هل السعر الذي عرضه مناسب؟ وهل هناك شركات او مكاتب تنظيم برامج سياحية لو تركت الاتفاق مع المكاتب هناك..؟ وهل هناك أحد الاحبة لديه أو جرب سائق محترم وأمين للتنقل في اديس ابابا وخارجها.. فيرسله لي على الخاص..؟ اشكركم مقدما فلم نعهد عنكم الا كل حب للتعاون وخدمة الاخرين |
وعليكم السلام هلا ابو محمد اثيوبيا تستاهل الزيارة لكن ما تحتاج مرشد سياحي فيها كل شي واضح وغالبا تنقلاتك راح تكون بالتاكسي دابر زيت مافيها الا منتجع وبحيرة يعني تحتاج سيارة فقط اما المرشد السياحي ما له داع فيها بالنسبة لشاشامني ماتستاهل الزيارة لكن اواسا هي اللي تستاهل الزيارة اذا كان عندك وقت كاف مثلا رحلتك تكون اسبوعين عدا ذلك لا تروح لها بالنسبة لاديس ممكن نعمل لك جدول وتروح له بالتاكسي وتوفر اكثر لكن عطنا اهتماماتك وكم مدة الرحلة |
هلا والله ابو غسان كنت اليومين اللي راحت اقرأ بعض تقاريرك عن اثيوبيا وماشاء الله عليك كلمة مبدع قليلة بحقك بالنسبة لسفرتي المدة ماراح تزيد عن 5 أيام واحاول تكون اماكن الزيارة قريبة من العاصمة.. سبب الاختيار التشبع من اوربا واسيا وفكرت بوجهة افريقية قريبة والتعرف عليها سهل عطني اقتراحاتك كخبير بالبلد.. فيما يكفي للايام الخمسة .. اللي يهمني الطبيعة.. البحيرات.. الجوانب الثقافية كبعض المزارات المهمة.. التعرف على الشعب وايضا لو عندك سائق تنصح فيه بحيث يوفر علينا اشياء كثيرة في التعامل خاصة واني فهمت ان استغفال السائح سمة موجودة لديهم.. اشكر ردك وتفاعلك |
تسلم يا غالي اذا المدة 5 ايام يا دوب تغطي اديس لذا لا تخرج منها وحاول تزور كل المعالم التاريخية السكن حسب الميزانية لكن لابد على شارع مدهاناليم وفتح عليه فنادق جديدة اول اثنين GOLDEN TULIP BEST WESTERN BOLE ROCK بولي روك لازم تتصل عليهم وتحجز بالتلفون سعره 50 دولار باليوم وهو لاصق بفندق قولدن توليب هذي الفنادق اللي ارشحها وبالضغط عليها راح ينقلك للحجز عشان تعرف سعرها |
اليوم الاول *اكتشاف المنطقة حول الفندق والمشي على طول شارع مدهاناليم للتعرف على المحلات الموجودة عليه *الذهاب مشياً الى بناية friendship وتجربة مقهى kaldis coffee ثم التسوق والصعود للمقهى بالدور العلوي *الغداء بمطعم النخلة *الذهاب لـ ميسكيل سكوير والبدء بزيارة متحف red terror ثم التوجة لمشاهدة المنصة اللي خطب عليها كل الرؤساء وفي هذا الميدان تقام الاحتفالات والمناسبات الوطنية وهو مهم للاثيوبيين كل هذا قبل الساعة 6 مساء * العودة لمحيط الفندق والعشاء في مطعم variety كتبت عنه اليوم الثاني *التوجه لكافيه crush coffee امام قولدن توليب هوتيل افطار وقهوة *زيارة كنيسة سيلاسي التاريخية وفيها تم دفنه بعد جمع رفاته من القصر ومن هناك التوجة لزيارة جبل انطوطو فمن هناك بدأت اديس ابابا وتجد خلف كنيسة ماري القصر التاريخي للمؤسس مينيلك وهو من الطين *العشاء في مطعم الحبشة التقليدي hebsha وفيه عرض متكامل اليوم الثالث *التوجه الى دابر زيت صباحا والعودة على المغرب اليوم الرابع *الذهاب لمقهى karavan coffee امام ايدنا مول *زيارة المتحف الوطني الاثيوبي وفيه اول امراة اسمها لوسي *زيارة فندق الشيراتون الفاخر والاستمتاع بحدائقه مع كوب قهوة *زيارة فندق قيون وفيه تقام غالبية الزواجات التقليدية *العشاء من بيتزا هت حول الفندق اليوم الخامس *زيارة اقدم فندق للملكة تاتو كان يستقبل فيه الزوار في القرن الثامن عشر في الحي الايطالي خلال الاستعمار وهو حاليا بــ 10 دولار على ما اذكر Taitu Hotel *زيارة سوق ميركاتو الشعبي وهو سوق ضخم مع زيارة مسجد انور المتواجد فيه ********************************* السائق ارسل لك رقمه على الخاص بس لازم تتفق معاه من البداية وممكن يستقبلك بالمطار عنده واتساب |
اقتباس:
الف شكر حبيبنا ابو غسان برنامج مفصل ونصائح ثمينة من خبير ولعلي ازيد في المدة بناء على كلامك. سأتواصل ان شاء الله مع السائق |
اقتباس:
الله يحييك ابو محمد واذا عندك استفسارات حاضرين |
السلام عليكم ورحمة الله وبركاتة من تجربتي انا زرتها 3 مرات يفضل الاتكون لوحدك علشان ماتمل 5 ايام كفاية على اديس اغلب اللي يروحوها لازم يكون من اهل القات راي شخصي |
اقتباس:
مشكور اخوي ابو ماريا وصراحة شفت تغطية عبدالعزيز السلامة لها الاسبوع اللي راح وختامها بسرقة جواله ومحاولة سرقة الباور بنك فخلتني متردد شوي وبالنسبة للسفر لوحدي جربتها في اماكن ثانية .. واشوف انها جميلة طبعا حسب الوجهة.. لكن باعتبار الايام قليلة .. ممكن اجربها |
| الساعة الآن 02:56 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO