عليكم السلام
اختي ام لوزي دائما الشبكة او المحطة الرئيسيه للقطارات تكون في المدينه وليس في المطار
ومطار ميلانو فيه مترو يودي للمحطة الرئيسيه ومناك تقدرون تاخذون قطار الى البندقيه مباشر يمكن من ساعتين الى ساعتين ونص المده
او يمكن تاخذون باص للمدينه واتوقع سعر الباص للشخص تقريبا من 10 يورو
واللوحات الارشادية واضحه قدامك بعد الخروج من الجمارك مرسوم عليها صورة القطار والباص والتاكسي اتبعي الارشادات ومكتب التذاكر اعتقد واضح ولو تهتي اسألي الاستعلامات او اي احد من الموظفين وراح يدلك

يوجد دائما في اغلب المطارات في العالم مكاتب لبيع شرائح الجوال والانترنت في طابق القدوم او في محل بيع اجهزة الجوال وراح تلقي عندهم عروض للشرائح النت طبعا مافيه لمدة 15 يوم
بس يمكن ان تاخذي باقة 2 قيقا او 5 او 10 ..الخ اذا تستخدمي تصفح فقط خذي 2 قيقا واذا تحميل زي السناب وخرايط الافضل 5 قيقا والشركة الافضل هي
Telecom Italia

او
Vodafone

15 الف اتوقع تكفي ويمكن تزودوها شوي اذا عددكم 2 ومقتصدين والاهم هنا كم مدة الرحلة وكمان الصرف يعتمد ع الشخص طبعا المبلغ خارج الطيران والفنادق والزيادة لازم تاخذي احتياطاتك لو سمح الله نقص عليكم شيء

انسي موضوع الضرايب مافيه شي في المطار واما الفنادق يستقطون من نفس مبلغ الحجز (ضريبة المدينه ) والمبلغ بسيط جدا حد اقصى 4 الى 5 يورو تقريبا يزيد او ينقص قليلاً
الشعب الايطالي بطبعه ودود ولكن اصابعك مو سوا فيه البعض يتعامل بجلافه

رحلة موفقه وممتعه ان شاء الله وتوصلون وترجعون بالسلامه
كثري الملابس الشتوية اجواهم برد مره


ملاحظه اذا شريتي شريحة النت خلي الموظف يفعلها في المحل ويركبها في الجهاز اللي بتستخدمي عليه الشريحة