|
روما وميلان السلام عليكم ورحمة الله وبركاته أخواني الأفاضل أنا مسافرة لمدة ١٠ آيام إن شاء الله ووقع إختياري عشوائياً :dunno: على مدينتي روما وميلان . ولاتهونون إذا ممكن تسوون لي مخطط يشمل السكن والتنقل وأماكن للزياره وحتى تغيير الوجهه أو إضافه مدينة . بس ياليت لو يكون المخطط تفصيلي واضح مع العلم إني ماعندي مشاكل في النفقات وشكراً مقدماً . |
رد: روما وميلان وعليكم السلام ورحمة الله وبركاته متى تاريخ السفر وهل حجزتوا تذاكر السفر او لا مقترحي لكم الوصول روما والمغادرة ميلان 3 ايام روما - 3 ايام فلورانس - 4 ايام ميلان |
رد: روما وميلان المغادره ٣/٥ والرجعه ١٥ ولا لحد الحين ماحجزت التذاكر قلت باشوفكم اول لان التذاكر مب هم |
رد: روما وميلان وعليكم السلام ورحمة الله وبركاته ممكن كم سؤال كم عدد المسافرين وهل في نيتكم استئجار سيارة وهل تنوين قضاء الرحلة كلها في ايطاليا |
رد: روما وميلان احنا شخصين وليش لا ممكن ناخذ سياره وأنا تاركه لكم الخيط والمخيط حتى لو تشوفون إني أغير الوجهه باغيرها |
رد: روما وميلان مرحبا اختي الوصول روما والجلوس فيها يومين وبعدها فلورنس والجلوس فيها يومين ومنها زياره مدينه بييزا وبرج بيزا المائل وبعدها فينيسيا والجلوس فيها يومين واخير ميلانو اربع ايام ومنها زياره لوغانو وكومو |
رد: روما وميلان اختي بالنسبه لأيطاليا ورحلتج بنفس المخططات الي حنا كاتبينها انا اشوف ماله داعي تستأجرون سياره كل الاماكن الي ذكرناها ماراح تحتاجين السياره كثير وبالنسبه للتنقل من مدينه الاريح قطار لان جميع الرحلات في هالمناطق دايركت مافيها تبديل |
رد: روما وميلان ماتقصر اخوي لكني طمعانه بزود من معرفتك اذا ممكن تحدد لي فنادق ميلان بناء على قراءاتي لردودك اتوقع روزا اوك لكن باقي ولاتهون شنو ترشح !! وشنو اهم الاماكن شي خارجي :yolks00500: موعدنا ف السفاره تاريخ 19 انا عبيت الطلب الموجود ف النت شالمطلوب غير الطلب وحجز التذاكر ؟؟ |
رد: روما وميلان بالنسبة للطلبات الأخرى تأمين سفر حجز فنادق كشف حساب بنكي / صورة بطاقة ائتمان |
رد: روما وميلان اخواني شلون عن المواصلات ممكن حد يوضح لي أكثر واخوي قطر ولاتهون شنو بخصوص الفنادق |
رد: روما وميلان مرحبا اختي بخصوص المواصلات تكون بقطار افضل بين المدن ومترو او باص او تاكسي داخل المدن لان معظم القطارات بين هالمدن دايركت مايحتاج تستأجرون سياره وبنفس الوقت داخل المدن المذكوره ماتحتاجين السياره بالنسبه للفنادق انتي شوفي الي يناسبج من الفنادق من حيث المكان والسعر والاشياء الثانيه انا بساعدج في مكان اختيار الفندق وبنساعدج في اختيار الفندق نفسه بس عطينا مخططج الي استقريتي عليه على اساس نحدد اماكن السكن |
رد: روما وميلان اقتباس:
اي اختي فندق غراند روزا بصراحه احبه واحب موقعه كثير ماشاء الله عليج شفتي ردودي بس دايما اكرر في حاله الحجز فيها افضل الحجز تكون غرفه ديلوكس او سويت ديلوكس لان الغرف السيبريور مب حلوه طبعا في فندق ارقى بس غالي وموقعه روعه اسمه فندق بارك حياه بالنسبه للأشياء المطلوبه للسفاره : حجز التذاكر والسكن الجواز الاصلي وصوره منه صوره شخصيه خلفيه رصاصيه فاتحه تأمين سفر تستخرجيبنه من اي سفريات او شركه تأمين و رسوم الفيزا وللأجابه الدقيقه ضعي استفسارك هنا وان شاء الله الاخوان ماراح يقصرون معك استفسارات فيزا دول اوروبا ( الشنغن ) بالتوفيق |
رد: روما وميلان شكلي بارسا ع روما ومعاها مدينة لاني من عشاااق التاريخ وابي اشوف التاريخ اللي ف روما كامل ومثل ماذكر احد الاخوان في رد سابق روما فيها مايعادل اللي في دوله كامل ليشاهد فشرايكم اخليها روما وميلان واروح لوغانو ؟؟ |
رد: روما وميلان شنو الفنادق في هالمناطق !!:(125): |
رد: روما وميلان رحلة سعيدة ان شاء الله شقق في روما مجربها العام جيدة جدا aenea superior inn Booking.com: ظ†ط²ظ„ ط£ظٹظ†ظٹط§ ط³ظˆط¨ظٹط±ظٹظˆط± - ط±ظˆظ…ط§, ط¥ظٹط·ط§ظ„ظٹط§ |
رد: روما وميلان سبق أن زرت ميلانو واستأجرت في هذا الفندق http://www.hoteldeicavalieri.com/index_ara.htm 4 نجوم وقريب من ساحة الدومو |
رد: روما وميلان أشكرك أخوي على المقترح أخواني ترا أنا مازلت منتظره نصائحكم ومخططكم :yolks00430: مع العلم إن الوصول ٥\٣ لروما والمغادرة ١٥\٣ ميلان ومابينهما فالنسيا ولوغانو |
رد: روما وميلان مرحبا اختي ان شاء الله ابشري بس استفسارات بسيطه ومنها تذكير لي عشان نرتب لج ان شاء الله بخصوص فلنسيا يمكن قصدج فلورنس ( فلورنسا ) ؟؟ لان فلنسيا في اسبانيا وابغي اعرف حاليا رسيتي على شنو بالضبط يعني رتبتي شنو باقي لج شنو ؟؟ حجزتي شي من الفنادق ؟؟ |
رد: روما وميلان اقتباس:
اذا من عشاق التاريخ اكيد روما وبرج بيزا وايضا اشرايج تزورين مدينه بومباي ؟؟ |
رد: روما وميلان معليش أخوي إسمح لي ع الخطأ بس من ربكة اللي معاي في السفره صاير الموضوع صعب لأن اللي معاي مااطيق التاريخ وفيها وساوس زياده وع قولتها بومباي الله غاضب عليها فقلت باقسم الرحلة بيني وبينها أنا تاريخ وهي وناسه وسوق وكوفيهات . مضطره أرضيها لأني أعرف شبتسوي فيني إذا رحت متاحف وآثار بدون ماتروح للي تبيه :(7): أما بخصوص الفنادق إنت عطيتني في ميلان باقي لوغانو وروما وفلورنس . أخوي بناء على خبرتك بسألك عن نوع معين من الفنادق أنا صادفته في أمريكا بس مااعرف عن وجوده في أوربا اللي يكون ملك شخصي يعني شخص قالب بيته فندق تكون الخدمة ٥ ستار بروح البلد نفسها لو أتعرف هالنوع باكون شاكره لك . وأبي أستفسر بخصوص المواصلات شنو الأفضل تاكسي مترو أو شنو بالضبط !! وللتنقل والتفاهم مع الشعب (( أتمنى كل الايطاليين مثل موظف بوابة السفارة الإيطالية :(47): )) أخوي أدري مصختها بس ولا تهون قول لي كلللل اللي بحتاجه للسفره :(47): والله يعطيكم العافيه جميعاً |
رد: روما وميلان بالنسبه لي افضل السكن بمنطقه حيويه مثل قرب المدرجات الاسبانيه بروما |
رد: روما وميلان إجتهدت وحاولت أشوف عدد من الفنادق في روما قريبه من الساحة الأسبانيه وأبي رايكم فيهم :yolks00470: الأول غراند بلازا الثاني فندق ماجستيك روما الثالث امباسياتوري بالاس سوري ماقدرت أحط الروابط من بوكينق مايعطيني خيار البيست :(111): ناطره آرائكم:yolks00180: |
رد: روما وميلان بخصوص خط الرحلة أنا مقرره إن نطلع من فلورانس لـ لوغانو ع طول عقب نرجع ميلان نتم فيها ال ٣ أيام الأخيره لأن موعد رحلة الرجعه الساعه ٩.٥٥ الصبح من مطار ميلانو شرايكم |
رد: روما وميلان ياهلا اختي والله الاخوان ماقصرو من رائيي روما 4 ايام فنيسيا 2 يومين ميلان 4 ايام روما من المطار تاكسي والسكن يكون حلو المدرجات الاسبانيه او ساحه الشعب بابلو افضل مكان اذا سكنتي بهالمنطقه مايحتاج مواصلات كل شي حول التسوق ونافوره تريقي وساحه الشعب والفاتيكان و الحدايق واذا تبين الكولسيوم وتلبلاطي اركبي الباص السياحي وهو يوصلك عنده وانزلي واعرفي مكان نزولك لانو الرجعه من نفس المطان مع الاحتفاظ بفاتوره الباص حتي ترجعي ويرجعك عند الفاتيكان الانتقال من روما الى فنيسيا اما طيران على الخطوط الايطاليه او قطار اللي يريحك وفنيسيا السكن حول ساحه سان ماركو طبعا اذا وصولك بالطيران راح تنزلين بالمطار وتطلعين منه وتروحي الى مرسي القوارب في منها عام وفي خاص بوت سريع اعطيه الحجز الفندق وينزلك اقرب محطه له والانتقال من فنيسيا لازم اخر ليله تحجزي التذاكر لبكره وتعرفي الموقع المحطه وهو يوصلك الى محطه القطار الرئيسيه وبالقطار الى ميلان وبملان اسكني ساحه الدومو حولها وكل شي حواليك ماتحتاج مواصلات ابدا الا اللهم من محطه القطار الى الساحه تاكسي ب 10 يورو تقريبا واذا حابه تزوري كومو ولوقانو تذاكر القطار رحله اليوم وارجعي بالليل وعندك جزيره سيرموني وجاردا لاند وووزعيها على اللي تحبي هذا اللي حبيت اضيفه على كلام الاخوان تحياتي لك |
رد: روما وميلان مرحبا اختي براجع الموضوع والردود نسيت الترتب ووين وصلنا راجع ان شاء الله للتوضيح اكثر |
رد: روما وميلان :yolks00720: توقعت نسيتوني فاعتمدت ع ردودكم لباقي المشاركين رحلتي تمددت ١٤ يوم بسالكم لاني لاحظت ان كلكم مقترحين زيارة لوغانو من ميلان هل لوغانو ماتستحق الاقامه !! سؤال ثاني الافضل ل ٣ ايام ادخل باريس والا سيرموني للعلم اني سبق لي زيارة باريس فبخلي ايامها شوبينق وتجول ف الشوارع :santa_1: وهل ملاهي جاردا فاتحه ف هالوقت من السنه ؟؟ وللتنقل في سيرموني هل باحتاج سياره ؟؟ خلصت جدول روما والحمدلله:yolks00330: وميلان :yolks00520: يعني البدايه والنهايه المخطط كالاتي :(92): الوصول روما والبقااء ٣ ايام ٣ ايام ابي رايكم وين اروح فيها ٣ ايام ماقبل الاخيره فلورانس وااخر ٣ ايام ميلان بازور فيها كومو المساعده الاهم :yolks00430::yolks00430: ابي فندق لفلورانس وابي الاليه او المنهجيه للتنقل والساعات بين المدن الله لا يهينكم |
رد: روما وميلان مرحبا اختي مسافره قريت الرودو كلها وجاري الترتيب واليووم ان شاء الله راح اوضح وارد على كل استفساراتج تطمني ان شاء الله بكون كلشي واضح :(125): |
رد: روما وميلان اقتباس:
مرحبا اختي لوغانو تستحق الاقامه وحلوه بس نشوف انها يفضل بها الاقامه ام لا حسب رغبه المسافر وايضا حسب الجدول وعدد الايام بالنسبه للخيار بين سيرموني وباريس بشنو بتروحين باريس هل بطياره لان القطار او السياره مسافه طويله بخصوص جاردا لاند في وقت سفرتكم بدون مغلقه تفتح مدينه الالعاب بتاريخ 27-3-2015 OPENING CALENDAR التنقل في سيرموني عن طريق الباصات وسيارات الاجره انا اخيرج بين ها الاربع فنادق في فلورسنا او اختاري غيرهم من الي يناسبونج بشرط يكون بنفس المنطقه Booking.com: ظپظ†ط§ط¯ظ‚ ظƒظˆظ†طھظٹظ†ظ†طھط§ظ„ظ‡ - ظپظ„ظˆط±ظ†ط³, ط¥ظٹط·ط§ظ„ظٹط§ Booking.com: ظپظ†ط¯ظ‚ ط؛ط±ط§ظ†ط¯ ظ…ظگظ†ظٹط±ظپط§ - ظپظ„ظˆط±ظ†ط³, ط¥ظٹط·ط§ظ„ظٹط§ Booking.com: ظپظ†ط¯ظ‚ ط؛ط§ظ„ظٹط±ظٹ ط¢ط±طھ - ظپظ„ظˆط±ظ†ط³, ط¥ظٹط·ط§ظ„ظٹط§ Booking.com: ظپظ†ط§ط¯ظ‚ ط±ظٹظ„ظٹط² ط³ط§ظ†طھط§ ظƒط±ظˆط´ظ‡ ط¨ط§ظٹ ط¨ط§ظ„ظٹظˆظ†ظٹ - ظپظ„ظˆط±ظ†ط³, ط¥ظٹط·ط§ظ„ظٹط§ بالنسبه لأليه التنقل بين هالمدن طبعا سبق وقلت لج مافي داعي تستأجرين سياره لان ايطاليا بداخل المدن ماتحتاج سياره من روما الى فلورسنا بالقطار 1:31 من فلورنسا الى ميلانو 1:40 من ميلانو الى سيرموني 1:01 وفي رحلات اطول اشوي اختارو الوقت المناسب من ميلانو الى كومو 1:06 تبديل قطار واحد من ميلانو الى لوغانو 1:07 من كومو الى لوغانو 1:20 تبديل قطار واحد وراجع لباقي الاستفسارات |
رد: روما وميلان اقتباس:
الفندق الاول الي هو غراند بلازا مش قريب كثير من الساحه هالفندق قريب من سجن الرومان بالنسبه لفندق ماجستيك وايد حلو وراقي بس بعيد اشوي عن الساحه الاسبانيه فندق امباسياتوري بالاس الغرف وايد صغيره فنادق روما 1- Booking.com: ط¨ظٹظˆطھ ط¶ظٹط§ظپط© Babuino 181 - ط±ظˆظ…ط§, ط¥ظٹط·ط§ظ„ظٹط§ 2- Booking.com: ظپظ†ط§ط¯ظ‚ ط±ظٹط²ظٹط¯ظ†طھط³ط§ ط¯ظٹ ط±ظٹط¨ظٹطھط§ - ط±ظˆظ…ط§, ط¥ظٹط·ط§ظ„ظٹط§ فندق لوغانو Booking.com: ظپظ†ط¯ظ‚ ط³ط¨ظ„ط§ظ†ط¯ظٹط¯ ط±ظˆط§ظٹط§ظ„ - ظ„ظˆط؛ط§ظ†ظˆ, ط³ظˆظٹط³ط±ط§ |
رد: روما وميلان اقتباس:
بخصوص الي قالب بيته فندق خمس نجوم لا والله ماصادفتني الي اخبر شققهم الخاصه يأجرونها فقط بخصوص المواصلات في روما وميلانو طبعا الافضل ميترو داخل المدينه وقطار الى خارج المدينه اختي بخصوص كل الي تحتاجينه للسفر مع المناطق السياحيه ان شاء الله كلها بنقولها لج بس با الاول نخلص المخطط من اماكن وفنادق هذا الاهم الحجوزات وبعدها نروح للأشياء الثانيه |
رد: روما وميلان ماقصرت أخوي يعطيك العافيه أنا ف روما حالياً اخوي وجدولها مرتب خالص عندي ولاتهون تشتغل لي ع ميلان وفلورانس |
رد: روما وميلان ابي ملاهي مافي أمل :(88): |
رد: روما وميلان اغلب حدائق الملاهي مغلقة في هذا الوقت |
رد: روما وميلان اخواني وينكم :(5): |
| الساعة الآن 03:56 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO