|
ايطاليا فرنسا النمسا مساعدتكم السلام عليكم ناويين نسافر سفرة عائليه باذن الله هذا الشهر تقريبا 18 يوليو الي ايطاليا وفرنسا والنمسا ايطاليا 9 ليالي و10 ايام /وفرنسا 6 ليالي و7 ايام/ والنمسا 6 ليالي و7 ايام. عددنا 4 بالغين 3 اطفال أصغر طفل 5 سنوات أبغى جدول واضح ومختصر الله يجزاكم الجنه ايطاليا / ١) روما بجدول ل 3 ليالي فيها. 2) ميلان تندرج تحتها (فلورنسا، لوقانو ،قاردا،فينيسيا،بيزا) فرنسا / 1)باريس 2) آنسي: جولة الباخره ع 8 مدن وكم تكلفتها وكم المده. وكم احتاج من الايام لآنسي. وحديقة بلدية آنسي . 3)،والت ديزني وكم سعر التذاكر. ٤)، الريف الفرنسي. النمسا/ هل 6 ليالي كافيه او أنقصها وايش اهم الاماكن بالنمسا ما ابغى مدن كثيره وتعب . * راعو وجود اطفال معنا وامي الله يحفظها ما ابغى مشي لمسافات طويله جدا *هل يوجد بطائق توفيره للمترو او غيره ارجو الافاده ابغى خط سير يبدأ من ايطاليا لان من جده الى روما ارخص من جده الى باريس * اذا عندكم اماكن اخرى وممتعه للعائلة انصحوني ما ابغى مولات ومدن. أبغى أماكن مميزه وحلوه وغير مكلفه الله يسعدكم يارب انتظر ردك:3:م |
السلام عليكم وين ردودكم :21::21: |
وعليكم السلام ورحمة الله وبركاته هل حجزتوا التذاكر والفنادق ؟ اذا ماحجزتوا فما انصحكم بإيطاليا لانها حارة بالصيف وبعدين الانتقالات للدول الاخرى بتكون متعبة عليكم والمسافات طويله |
قصدك حاره يعني زي الجو المعتدل عندنا ؟؟ لانه ماعندنا غير شهور الصيف للسفر عشان المدارس بس اتمنى جدول واضح بالايام والاماكن الي ازورها عشان تكون خطتي واضحه هذا المنتدى اكثر من رائع فادني بسفراتي السابقه كنت اخذ من تجارب الناس وكانت معلومات جدددددا رائعه ومفيده بس هذي المره حبيت جدول واضح بالاماكن الي ابغاها الله يقويكم ويعطيكم العافيه |
كيف راح يكون التنقل بين هذه المدن ؟ |
اقتباس:
الان استقريت على مدن معينه خلاص عشان نصلح لك جدول مناسب المدن بايطاليا ماتحتاج سياره عدا اذا بتجلس في ميلان وتكون نقطة انطلاق لفينيس وماجاورها |
طريقة التنقل بالمترو لايوجد سياره والمدن الي كتبتها في بداية الطلب هي نفسها بس اذا في تعديلات تناسبنا اكثر اكتبولي الله يجزاكم الجنه وياريت تكتبولي بالتفصيل طريقة التنقل بين المدن والاماكن بتسلسل مريح وبخط سير واضح ملاحظه/ اذا في ايام مجانيه او معلومات اقتصاديه تفيدنا اكتبوها الله يسعدكم |
السلام عليكم وين ردودكم:28: |
لو سمحتو ساعدوني ردو باسرع وقت |
اخت ام يزن افضل جدول كما يلي الوصول روما ليالي بعدها قطار لميلان ليالي يوم منها الى غاردا ويوم للوغانو ولو حابه يوم ممكن فينيسيا بعدها طيران على باريس يالي منها يوم لديزني اكتفي بباريس كوجهة نظر انسي بتلاقي طبيعه زيها بالنمسا اخيرا النمسا الى سالزبورغ ليالي وليالي بعدها زيلامسي واخيرا العوده من ميونخ لو حابه خلي لها ليله القطارات مافيها بطاقه بتفيدك كثير بحكم قصر المده لكل مدينه التنقلات راح تكون داخل روما بالباص السياحي بما ان معك امك وماتبينها تتعب خذي تذكرته ل ايام تقريبا ب يورو للشخص من روما لميلان قطار ممكن يكلف لو حجزتو على رحلات الصباح للشخص يورو تنقلات ميلان الى غاردا قطار من بدري الصباح الى غاردا وكذالك الى فينيسيا بس احرصي السفر بدري لهالمدن لتستمتعين وكذالك لوغانو باريس باص سياحي والى ديزني بالرير يكلف الشخص يورو تقريبا اذا ماني بغلطان ذهاب وعوده سالزبورغ وزيلامسي قطارات بينها وداخل المدن نفسها حافلات واخيرا الى ميونخ قطار اتمنى اني افدتك على عجل ولايردك الا سؤالك احنا حاضرين أرسلت من SM-G925I بإستخدام تاباتلك |
جزاك الله خير الله يجزاك الجنه طيب فرنسا بس اكتفي بباريس؟؟ انا حقعد تقريبا اسبوع وحددلي الايام الامثل لرحله مريحه . خط السير الي كتبته هو افضل خط سير من حيث الاقرب؟؟؟ لان يهمني في حجز الطيران |
ابغى اضيف لايطاليا فلورانس واضيف لفرنسا مناطق ريفيه عندي بايطاليا 9 ليالي وباريس 7 والنمسا 7 |
اقتباس:
كلها مناسبه سواء رجعه من باريس او ميونخ ولو تبين الافضل خلي الرجعه من باريس يعني من ميلان طيري الى سالزبورغ ومنها الى باريس باريس ممكن تجلسين فيها ايام واذا تحبين الطبيعه اكثر زودي النمسا أرسلت من SM-G925I بإستخدام تاباتلك |
اقتباس:
فلورانس ميلان النمسا سالزبورغ زيلامسي وفرنسا صعب التنقلات بين الريف بالجنوب وبين باريس خصوصا ان معك امك وتتعب حسب كلامك فاقتصري على باريس ليالي بس وممكن تظيفين المانيا بعد زيلامسي ليلتين ميونخ أرسلت من SM-G925I بإستخدام تاباتلك |
طيب ايش الاماكن القريبه من باريس واقدر اتنقل فيها وارجع لفندق باريس |
ابغى شي اخر غير نهاية الرحله من ميونخ لجده لان تذاكرها مرتفعه وترانزيت |
اقتباس:
أرسلت من SM-G925I بإستخدام تاباتلك |
يعني ميونخ وبعدها جنيف وبعدها جده؟؟؟؟ |
ثانيا جدولك ممتاز بس ممكن تعطيني المناطق الي اروحها في كل مدينه ايش النشاطات في كل يوم انا مخصصه لروما 3 ليالي وميلان 6 ليالي اتنقل منها للوقانو فينيسيا قاردا فلوراتس وين موقعها حيكون؟؟ فرنسا ديزني يوم وباريس 6 ايام؟؟؟ طيب ايش النشاطات في ال6 ايام ( هل ممكن اضيف انسي او نيس ) النمسا ما اعرف عنها شيء بس مدتها 7 ليالي ممكن تفصلي النشاطات للايام وآسفه جدا لاني تعبتك معي |
السلام عليكم وين ردودكم اخ ابوطلال انتظر ردك الله يعطيك العافيه وياريت تفيدوني بفنادق حلوه ونظيفه وقرييبه من محطات المترو |
الفنادق اختي ام يزن انتي حسب ميزانيتك ادخلي بوكنق وحددي اللي قرب المحطات المركزيه للقطار واختاريها وشوفي تقييمها أرسلت من SM-G925I بإستخدام تاباتلك |
. |
السلام عليكم انا وضعت جدول شوفو صح ولاماينفع 9 ليالي ايطاليا 3 ليالي روما 4 ليالي ميلان من ضمنها: يوم الى غاردا يوم لوغانو 2 ليالي فينيسيا ليله فلورانس * هل فلورانس تأتي مباشره بعد فينيسيا؟؟؟* طيران الى باريس 6 ليالي ا يوم ديزني 3 باريس 2 آنسي أو نيس * الأفضل من حيث التنقل والقرب* طيران الى النمسا 6 ليالي 2 فيينا 2 سالزبورغ 1 زيلامسي 1 ميونخ والطيران الى جنيف ليله والانتقال الى انترلاكن ليلتين ثم العوده الى جنيف للعوده الى جده باذن الله لقيت طيران ترانزيت من جنيف الى جده بسعر طيب والتوقف 3 ساعات هل هذا الجدول صحيح ام يحتاج الى تعديل |
ملاحظاتي على الجدول اذا تسمحين لي : 1- فرنسا: باريس وديزني جنب بعض ولكن انسي ونيس بعيدة عنهم. ضمي انسي الى جنيف لانها قريبه منها. 2- النمسا: فيينا بعيدة عن زيلامسي و سالزبورغ فالغيها وركزي على ثلاث مدن سالزبورغ وزيلامسي (النمسا) لانها قرب بعض و نوعا ما ميونخ (المانيا) لانها اقرب من فيينا. 3- ايطاليا: روما نوعا ما بعيدة عن مدن الشمال (ميلان و فينيسيا وكومو او لوغانو) ولكن جدولك بايطاليا 9 ايام وبالتالي يسمح التنقل بينهم بدون تعب. الغي فلوارنس لانها بعيدة عن فينيسيا. 4- التنقلات راح تكون بالقطار او الباص حسب ما قرأت وبالتالي راح يكون هناك مجهود كبير بالتنقل مشيا بالاقدام عند محطات القطارات و الباصات مضاف اليه حمل شنطكم فحاولي تقللي انتقال السكن من مدينة لاخرى. وركزي على عدد مدن اقل بحيث يصبحون مركز للتنقل الى المدن والقرى القريبة منها. هل اطلعت على خريطة توضح موقع هذا المدن والمسافات بينها ؟ 5- اذا كان الذهاب والعودة من جنيف فانصح ان يتم ترتيب الدول كالتالي : اولا: سويسرا (جنيف - انسي - انترلاكن) ثانيا: النمسا (سالزبورغ - زيلامسي - ميونخ ) ثالثا: ايطاليا رابعا: فرنسا (باريس - ديزني) |
|
السلام عليكم جزاك الله خير بس احنا ذهابنا من ايطاليا وليس سويسرا |
من الخريطه الي فهمته لو بدأنا من روما وبعدها فلورانس ثم فينيسيا واخيرا ميلان لان انتقالنا من ميلان الى باريس اعذروني لان اول مره اسوي كل شي لوحدي بالعاده اخواني ومكاتب السياحه ان شاء الله تكون رحله موفقه ومرتبه وجزاكم الله خير ابو طلال والفارس وكل من ساعدني بمعلومات طريقة تنقلنا بين الدول هي الطيران وليس القطارات لان معانا اطفال زي ماكتبت ابغى رحله مريحه وفي نفس الوقت ازور الاماكن القريبه من كل مدينه يعني المدن القريبه منها مثلا باريس ما ابغى كل اقامتي فيها ابغى اتنقل لمدن قريبه منها وارجع بنفس فندق باريس |
اقتباس:
من ميلان للمدن اللي بتزورينها قريبه مافيه بينهم طيران باريس مافيه مدينه برضه قريبه منها تستاهل أرسلت من SM-G925I بإستخدام تاباتلك |
الله يعطيكم العافيه ع الردود ماقصرت ابو طلال |
والله يانتي في حوسه يام يزن هههههههههه ماشاء الله تبين تزورين كل مكان اشوف ترتيب جدولك فيه لخبطه كثير وغير مرتب على حسب القرب والافضل وكمان عندك محطات لو تلغيها احسن اذا لسى ماشريتي التذاكر الافضل يكون الذهاب روما والعودة من جنيف ثانياً المخطط الافضل يكون اول 3 ليالي روما ع رغبتك وتاخذي قطار وع فلورنسا 1 ليله ومنها تزوري بيزا وترجعي تكملي ليلتك في فلورنسا اليوم الثاني من بدري قطار وع فنيسيا ليلتين 3 ليالي ميلانو اول يوم راحة وتجول في المدينه واليوم الثاني من الصباح روحي لوقانو وممكن ع الطريق في الروحه او الرجعه تزوري كومو ثالث يوم حر لو حبيتي ترتاحي او تبين زيارة جاردا او فيرونا وترجعي بنفس اليوم او خلي اخر ليه في فيرونا بدل ميلانو ومنها تطلعو ع النمسا الى سالزبورغ 3 ليالي سالزبورغ ومنها رحلة اليوم الواحد الى ميونخ وترجعي طبعا لو حبيتي تشوفي ميونخ فهي قريبه 3 ليالي زيلامسي بعدها تطلعي طيران الى باريس 4 ايام ومنها يوم لزيارة ديزني والعودة لباريس يفضل السكن في باريس وزيارة اليوم الواحد ايامك الاخيره جنيف + انسي -------------- او العكس لو حبيتي ترجعي من باريس للوطن تطلعي طيران على جنيف من ميونخ واقضي فيها 3 ليالي وبعدها بالقطار الى باريس اخر ايامك هذا افضل مخطط لك وربنا يسهل دروبك وتتيسر رحلتك |
جزاك الله خيييييير ماقصرت الله يعطيك العافيه جدول واضح:1: وانا اصلا انطلاقي من روما باذن الله والرجوع من جنيف باذن الواحد الاحد الله يسهل دربنا وماقصرتو بس ممكن تنصحني الاماكن الي اروحها بالنمسا والله يجزاك الجنه |
السلام عليكم تأجلت سفرتنا بسبب ظروف دعواتكم تتسهل انا اعتمدت في الترتيب ع جدول الاخ فارس وفي طريقة التنقلات ع توضيح الاخ ابو طلال جزاكم الله خير بس عندي كم استفسار قررت المبيت بميونخ كم ليله ممكن تعطوني مدينه قريبه منها واقدر ارجع لميونخ بنفس اليوم لاني ابغى السكن فقط بميونخ وفي مزارع يمدحوها بميونخ ان شاء الله نزورها هذا اولا ثانيا اخ فارس كتبت اخر خط سير الرحله جنيف وآنسي انا ابغى العوده من جنيف الى جده باذن الله فهل ستكون جنيف هي الاساس وانتقل الى انسي وارجع بنفس اليوم الى جنيف؟؟؟؟ واريد اضافة انترلاكن باذن الله ممكن ترتبها لي بالجدول؟؟ والله يجزاكم خير |
اقتباس:
بخصوص انسي اسكني في جنيف وروحي لها بنفس اليوم أرسلت من SM-G925I بإستخدام تاباتلك |
السلام عليكم آمين يارب طيب وانترلاكن؟؟؟ وجزاك الله خير |
| الساعة الآن 11:09 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO